মথি লেখ্যে গম্ হবর্ 8:9 - Chakma Bible

⁹ মুই এ কধাগান হবর্ পাং কিয়া মত্তুন্অ অন্যগুনোর্ কধামজিম্ চলা পড়ে আর সৈন্যগুনে মঅ কধামজিম্ চলন্। মুই একজনরে ‘যাহ্’ কলে তে যায়, অন্যজনরে ‘আয়’ কলে তে এজে। মঅ চাগর্‌বোরে ‘ইয়েন গর্’ কলে তে সিয়েন্ গরে।”

মথি লেখ্যে গম্ হবর্ 8:9 ပူးပေါင်းရင်းမြစ်များ

গীতসংহিতা 119:91

তর্ সুদোম মজিম্ এজঅ বেক্কানি থির্ আঘে, কিত্তে সিয়েনি তঅ খেমতা ভিদিরে আঘে।

গীতসংহিতা 148:8

ও ঝিমিলেনিগান আর শিলুন, তুষার আর কুয়োগানি আর তা উগুমান পালেয়্যে ঝড় বোইয়্যেরান্, গোজেনরে নাঙ্ গিনো।

মথি লেখ্যে গম্ হবর্ 8:10

যীশু এ কধাগান শুনিনে আমক্ অলঅ আর যিগুনে তা পিযে পিযে যাদন্ তারারে কলঅ, “মুই তমারে ঘেচ্চেকগুরি কঙর্, ইস্রায়েলীয়গুনো ভিদিরেয়ো এদক্ বিশ্বেজ্‌বলা কারঅ ভিদিরে মুই ন-দেগং।

মথি লেখ্যে গম্ হবর্ 8:8

সেই সেনাপতিবো যীশুরে কলঅ, “প্রভু, তুই যে মঅ ঘরত্ সোমেবে এবাবোত্যে যোগ্য মুই নয়। বানা মুয়োদি কঅ, সেক্কে মঅ চাগর্‌বো গম্ ওই যেবঅ।

মার্ক 1:27

এ ঘদনাগান্ দেগিনেই মানুচ্চুনে এদক্ আমক্ অলাক্ যে, তারা নিজো ভিদিরে কুয়ো ধুরিলাক্, “ইয়েনি কি বেপার? এ অধিকার ভরা নুয়ো শিক্ষ্যেগান বা কি? এন্‌ কি, ভুদ্‌‌‌তোরেয়ো তে উগুম দে আর তারা তা কধানি শুনোদে বাধ্য অন্।‌”

লূকে লেখ্যে গম্ হবর্ 4:39

সেক্কে যীশু শিমোন শুড়িবো কায়কুরে থিয়্যেইনে জ্বরানরে ধমক্ দিলো। সেক্কে তা জ্বরান্ গম্ অলঅ, আর তে সেক্কেনে উদিনে তারারে হানা-দানার্ বেবস্থা গরা ধুরিলো।

লূকে লেখ্যে গম্ হবর্ 7:8

মুই এ কধাগান্ হবর্ পাং, কিয়া মত্তুন্অ অন্যর্ কধামজিম্ চলা পড়ে আর সৈন্যগুনেয়ো মঅ কধামজিম্ চলন্। মুই একজনরে ‘যাহ্’ কলে তে যায়, অন্যজনরে ‘আয়’ কলে তে এজে, আর মঅ চাগর্‌বোরে ‘ইয়েন গর্’ কলে তে সিয়েন্ গরে।”

লূকে লেখ্যে গম্ হবর্ 9:1

ইয়েনর্ পরেদি যীশু সেই বারজন শিচ্চ্যরে ডাগিনে এগত্তর্ গুরিলো আর বেক্ ভান্ন্যেই আত্মা উগুরে খেমতা আর অধিকার্ দান গুরিলো। তে তারারে পীড়ে গম্ গুরিবার্ খেমতায়ো দিলো।

কলসীয় 3:22

তুমি যিগুনে চাগর্, তুমি বেক্কানি পৌইদ্যেনে তমার্ এ জগদর্ গিরোজ্‌চুনোর বাধ্য থেয়ো। যেক্কে তারা তমারে খিয়েল গরন্ বানা সেক্কে যে তারারে হুজী রাগেবাত্যে তারার্ বাধ্য থেবা সিয়েন নয়, বরং খাটি মনে প্রভু উগুরে ভোক্তি রাগেনে তারার্ বাধ্য থেয়ো।

তীত 2:9

যিগুনে চাগর্, তারারে কবা যেন বেক্কানি পৌইদ্যেনে তারা গিরোজ্‌সো অধীনোত্ থান্, তারারে হুজী গুরিবাত্যে চেষ্টা গরন্, কধা উগুরে কধা ন-কন্,