মথি লেখ্যে গম্ হবর্ 8:34 - Chakma Bible

³⁴ সেক্কে আদামর বেক্ মানুচ্চুন নিগিলিনে যীশু লগে দেগা গুরিবাত্তে গেলাক্। যীশু লগে দেগা অনার্ পরেদি তারা তারে কোজোলী গুরিলাক্ যেন তে তারার্ চাগালাগান্ ছাড়ি যায়।

মথি লেখ্যে গম্ হবর্ 8:34 ပူးပေါင်းရင်းမြစ်များ

১ রাজাবলী 17:18

মিলেবো সেক্কে এলিয়রে কলঅ, “ও গোজেনর্ মানুচ্‌, মুই তর্‌ কি ক্ষতি গোজ্যং? তুই কি মরে মর্‌ পাপর্‌ কধাগান্‌ মনে গুরি দিবাত্তে আর মর্‌ পূঅবোরে মারে ফেলেবাত্তে এচ্ছোস্‌?”

১ রাজাবলী 18:17

এলিয়রে দেগিনে আহাবে কলঅ, “ও ইস্রায়েলর কাদা, ইবে কি তুই?”

ইয়োব 21:14

তো তারা গোজেনরে কন্‌, আমা কায়-কুরেত্তুন্‌ তুই দূর্‌ অ; তর্‌ পথ্‌তান্‌ জানিবার আওজ্‌ আমাত্তুন্‌ নেই।

ইয়োব 22:17

যুনিয়ো গম্‌ গম্‌ পযাপিরালোই তে তারার্‌ ঘরানি ভোরেইয়্যে, তো তারা গোজেনরে কোইয়োন্দে, তুই দূর্‌ অ। বেগত্তুন্‌ খেমতাবলা গোজেনে আমারে কি গুরি পারিবো? মাত্তর্‌ মুই শদানুনোর্‌ সল্লাত্তুন্‌ দূরোত্‌ থাং।

আমোষ 7:12

সেক্কে অমৎসিয় আমোষরে কলঅ, “ও দর্শক, দূর্ ওই যাহ্। তুই যিহূদা দেজত্ যাহ্। যিয়েনত্ ভাববাদী ইজেবে কধা কোইনে তঅ হানাগান তুবো অবঅ।

মথি লেখ্যে গম্ হবর্ 8:29

তারা এমন্ দর্‍‍গরেপারা এলাক্ যে, কনজনে সে পধেদি যেই ন-পারিদাক্। তারা রঅ ছাড়িনে কলাক্, “ও গোজেনর পুয়োবো, আমা লগে তর্ কি দরকার? সময় ন অদে কি তুই আমারে যন্ত্রণা দিবাত্তে ইধু এচ্চ্যচ্?”

লূকে লেখ্যে গম্ হবর্ 5:8

ইয়েন্ দেগিনে শিমোন-পিতরে যীশু মুজুঙোত্ মাঢা নিগিড়ি পুড়িনে কলাক্, “প্রভু, মুই পাপী; মত্তুন্ যাগোই।”

লূকে লেখ্যে গম্ হবর্ 8:28

যীশুরে দেগিনে তে রঅ ছাড়িনে উদিলো আর তা মুজুঙোত্ মাদিত্ পড়িনে রঅ ছাড়িনে কলঅ, “মহান গোজেনর্ পুয়ো যীশু, মঅ লগে তর্ কি সম্পর্ক? দোয়্যেগুরি তুই মরে যন্ত্রণা ন-দিচ্।”

প্রেরিত্‌ 16:39

তারা পৌল আর সীল ইধু যেইনে ক্ষেমা চেলাক্ আর তারারে জেল বারেদি আনিনে শঅরান্ ছাড়ি যেবাত্তে কোজোলি গুরিলাক্।

দ্বি’লম্বর বিররণ 5:25

মাত্তর্‌ ইয়েনর পরেন্দি আমি মারা পড়িবাত্তে কিত্তে যেবং? এই দাঙর্‌ আগুনানে দঅ আমারে পুড়ি ফেলেব; আর ভালক্কন্‌ সং যুনি আমা গোজেন্‌ লগেপ্রভুর্‌ রঅবো শুনিই সালে আমি মুরি যেবংগোই।

১ শমূয়েল 16:4

শমূয়েলে লগেপ্রভুর কধা মজিম কাম্‌ গুরিলো। তে যেক্কে বৈৎলেহমত্‌ আঝিল্ অলঅ সেক্কে আদামর্‌ বুড়ো মাই-মুরুব্বীগুনে দরে গির্‌গিরাদে গির্‌গিরাদে তার লগে দেগা গুরিবাত্তে এলাক্। তারা পুযোর্ গুরিলাক, “তুই কি শান্তির মনভাব লোইনে এচ্ছোস?”