মথি লেখ্যে গম্ হবর্ 8:27 - Chakma Bible

²⁷ ইয়েন্দোই শিচ্চ্যগুনে আমক্ ওইনে কলাক্, “ইবে কিবাবোত্যে মানুচ্, বোইয়্যের্ আর সাগরানেয়ো তা কধা শুনে!”

মথি লেখ্যে গম্ হবর্ 8:27 ပူးပေါင်းရင်းမြစ်များ

মথি লেখ্যে গম্ হবর্ 15:31

মানুচ্চুনে যেক্কে দেগিলাক্ ববা কধা কর্, আঢুড়ে গম্ অর্, লেঙ্ মান্‌জ্যে আঢাউদো গত্তন্ আর কান্ মান্‌জ্যে দেগদন্, সেক্কে তারা আমক্ অলাক্ আর ইস্রায়েলীয়গুনোর গোজেনরে বাঈনী গরা ধুরিলাক্।

মথি লেখ্যে গম্ হবর্ 8:10

যীশু এ কধাগান শুনিনে আমক্ অলঅ আর যিগুনে তা পিযে পিযে যাদন্ তারারে কলঅ, “মুই তমারে ঘেচ্চেকগুরি কঙর্, ইস্রায়েলীয়গুনো ভিদিরেয়ো এদক্ বিশ্বেজ্‌বলা কারঅ ভিদিরে মুই ন-দেগং।

মথি লেখ্যে গম্ হবর্ 8:26

সেক্কে তে তারারে কলঅ, “কম্-বিশ্বেসীগুন, কিত্তে তুমি দরর্?” ইয়েনর্ পরেদি তে উদিনে বোইয়্যের্ আর সাগরানরে ধমক্ দিলো। সেক্কে বেক্কানি অলর্ ওই গেলঅ।

মথি লেখ্যে গম্ হবর্ 8:28

যেরেদি যীশু সাগর উকুলে গাদারীয়গুনো চাগালাত্ গেলঅ। সেক্কে ভুদে পেয়্যে দ্বিজন মানুচ্ গোরত্তুন্ নিগিলিনে তাইধু এলাক্।

মার্ক 1:27

এ ঘদনাগান্ দেগিনেই মানুচ্চুনে এদক্ আমক্ অলাক্ যে, তারা নিজো ভিদিরে কুয়ো ধুরিলাক্, “ইয়েনি কি বেপার? এ অধিকার ভরা নুয়ো শিক্ষ্যেগান বা কি? এন্‌ কি, ভুদ্‌‌‌তোরেয়ো তে উগুম দে আর তারা তা কধানি শুনোদে বাধ্য অন্।‌”

মার্ক 6:51

যীশু শিচ্চ্যগুনোর নৌকোগানত্ উদোনার্ পরেদি বৌইয়্যেরান্ থামেল। ইয়েন্দোই শিচ্চ্যগুনে অমকদ আমক্ ওই গেলাক্,

মার্ক 7:37

এ ঘটনাগান্দোই মানুচ্চুনে অমকদ আমক্ ওইনে কলাক্, “ইবে বেক্ কামানি কদক্ গমেডালে গরে। ইবে বহ্‌‌রাগুনোর্ শুনিবার বল্ আর ববাগুনোর্ কধা কবার খেমতা দে।”