মথি লেখ্যে গম্ হবর্ 8:22 - Chakma Bible

²² যীশু তারে কলঅ, “মরাগুনে তারার্ মরাকিয়্যেনিরে গারোদোক্, মাত্তর্ তুই মঅ লগে আয়।”

মথি লেখ্যে গম্ হবর্ 8:22 ပူးပေါင်းရင်းမြစ်များ

১ রাজাবলী 19:20

ইলীশায় সেক্কে তার্‌ বলদ গোরুগুন্‌ ফেলেইনে এলিয়ো পিজে পিজে ধাবা গেলঅ। ইলীশায় কলঅ, “কোজোলি গরঙর্‌, মরে মঅ মা-বাবরে কির্ব্য গুরি এবাত্তে দে। সে পরেন্দি মুই তঅ সমারে যেম্‌।” জোবত্‌ এলিয় কলঅ, “আচ্ছা যাহ্, মাত্তর্‌ মনত্‌ রাগেচ্‌, ইয়েন্‌ গোজেন কাম্‌।”

মথি লেখ্যে গম্ হবর্ 8:21

শিচ্চ্যগুনো ভিদিরে আর এক্কো এইনে তারে কলঅ, “প্রভু, আগে মঅ বাব্‌পোরে গোর্ দি এবাত্তে দে।”

মথি লেখ্যে গম্ হবর্ 9:9

যীশু যেক্কে সিয়েনত্তুন্ যাল্লোই সেক্কে পদথ্ মথি নাঙে এক্কো মান্‌জ্যরে খাজানা তুলেদে ঘরত্ বুয়োই থাগদে দেগিলো। যীশু তারে কলঅ, “আয়, মঅ শিচ্চ্য অগি।” মথি সেক্কেনে উদিনে তা সমারে গেলঅ।

মার্ক 2:14

ইয়েনর্ পরেদি তে পধেদি যাদে যাদে দেগিলোদে আল্‌ফেয়র পুয়ো লেবি খাজানা তুলেদে ঘরত্ বুয়োই এলঅ। যীশু তারে কলঅ, “আয়, মঅ শিচ্চ্য অগি।” সেক্কে লেবি উদিনে যীশু লগে গেলঅ।

লূকে লেখ্যে গম্ হবর্ 15:24

কিয়া মর্ এ পুয়োবো মুরি যেয়্যে মাত্তর্ আরঅ জেদা ওইয়্যে; আঝি যেইনে পাহ্ যেইয়্যে। সে পরেদি তারা ফুত্তি গরা ধল্ল্যাক্।

লূকে লেখ্যে গম্ হবর্ 15:32

হুজি ওইনে আমার্ ফুত্তি গরানা উচিত, কিয়া তর্ এ ভেইবো‌ মুরি যেয়্যে আরঅ জেঈ উত্ত্যে; আঝি যেয়্যে আরঅ তারে পাহ্-যেয়্যে।’ ”

লূকে লেখ্যে গম্ হবর্ 9:59

যেরেদি তে অন্য আর একজনরে কলঅ, “মঅ লগে যেই।” মাত্তর্ সে মানুচ্চো কলঅ, “মাষ্টরবাবু, আগে মঅ বাব্‌পোরে কবর্ দি এবাত্তে দে।”

লূকে লেখ্যে গম্ হবর্ 9:60

যীশু তারে কলঅ, “মরাগুনে তারার্ মরাগুনোরে কবর্ দেদোক্, মাত্তর্ তুই এইনে গোজেন রেজ্য পৌইদ্যেনে ফগদাং গর্।”

যোহন 1:43

তার্ কেল্যে যীশু ঠিগ্ গুরিলো তে গালীল রেজ্যত্ যেবঅ। সে সময়োত্ যীশু ফিলিপ সমারে দেগা ওইনে তারে কলঅ, “আয়, মঅ শিচ্চ্য অগি।”

যোহন 21:19

গোজেনর্ মহিমাগান্ ফগদাং গুরিবাত্তে পিতরে কেধোক্ক্যেন্ গুরি মুরিবো সিয়েন্ বুঝেবাত্তে যেইনে যীশু এ কধাগান্ কলঅ। এ কধাগান্ কনার্ পরেদি যীশু পিতররে কলঅ, “মঅ লগে আয়।”

যোহন 21:22

যীশু পিতররে কলঅ, “মুই যুনি চাং ইতে মর্ ফিরি ন-এজানা সং থায়, সিয়েনত্ তর্ কি? তুই মঅ লগে আয়।”

ইফিষীয় 2:1

অবাধ্যত্যে আর পাপত্যে তুমি মরা এলা।

ইফিষীয় 2:5

এই অবাধ্যগানত্যে যেক্কে আমি মরা অবস্থায় এলং সেক্কে খ্রীষ্ট সমারে তে আমারে জেদা গুরিলো।

ইফিষীয় 5:14

কিয়া পহ্‌রানে বেক্কানি ফগদাং গরে। ইয়েনত্যে পবিত্র বোইবোত্ লেগা আঘে, “ও ঘুম যেইয়্যে মানুচ্চো, জাগি উঠ্, মরণত্তুন্ জেদা অ; সেক্কে তঅ উগুরে খ্রীষ্ট পহ্‌‌র দিবো।”

কলসীয় 2:13

তুমি দঅ পাপর ফলে আর চুনু মাঢা-ন-কাবানার ফলে মরা এলা, মাত্তর্ গোজেনে তমারে খ্রীষ্টর্ লগে জেদা গোজ্জ্যে।

১ তীমথিয় 5:6

মাত্তর্ যে রানী মিলেবো যেবাবোত্যে গুরি হুজি জিংকানি কাদায় তে জেদা অবস্থায়য়ো মরা ধোক্ক্যেন।