মথি লেখ্যে গম্ হবর্ 8:18 - Chakma Bible

¹⁸ যীশু নিজো চেরোকিত্তে বোউত্ মান্‌জ্যর ভিড়্ দেগিনে শিচ্চ্যগুনোরে সাগর উকুলে যেবাত্তে উগুম দিলো।

মথি লেখ্যে গম্ হবর্ 8:18 ပူးပေါင်းရင်းမြစ်များ

মথি লেখ্যে গম্ হবর্ 14:22

ইয়েনর্ পরেদি যীশু শিচ্চ্যগুনোরে উগুম্ দিলো যেন তারা নৌকোত্ উদিনে তা আগে আগে সাগরর্ অন্য পারত্ যান্, আর ইন্দি তে মানুচ্চুনোরে পাধেই দের্।

মথি লেখ্যে গম্ হবর্ 8:1

যীশু যেক্কে মুড়োত্তুন্ লামি এলঅ সেক্কে বোউত্ মানুচ্ তা পিজে পিজে গেলাক্।

মার্ক 4:35

সেদিন্যে সাজোন্যে অক্তত্ যীশু তা শিচ্চ্যগুনোরে কলঅ, “আঢঅ, আমি সাগর উইপারত্ যেই।”

মার্ক 5:21

যীশু যেক্কে নৌকোত্ গুরিনে আরঅ সাগরর্ অন্য পারত্ গেলঅ সেক্কে তা চেরোকিত্তে বোউত্ মানুচ্ এইনে ঘেজাঘেস্যে গুরিলাক্। তে সেক্কেয়ো সাগর পারত্ এলঅ।

মার্ক 6:45

যীশু ইয়েনর্ পরেদি তা শিচ্চ্যগুনোরে উগুম্ দিলো যেন তারা নৌকোত্ উদিনে তা আগে আগে সাগরর্ অন্য পারত্ বৈৎসৈদা আদামত্ যান্, আর ইন্দি তে মানুচ্চুনোরে পাধেই দিয়্যে ধুরিলো।

মার্ক 8:13

তে তারারে ছাড়িনে আরঅ নৌকোনত্ উদিনে সাগর উই পারত্ গেলঅ।

লূকে লেখ্যে গম্ হবর্ 8:22

একদিন্ন্যে যীশু আর তা শিচ্চ্যগুনে এক্কান্ নত্ উদিলাক্। তে শিচ্চ্যগুনোরে কলঅ, “আঢ, আমি সাগর উইপারত্ যেই।” শিচ্চ্যগুনে নগান্ ছাড়িলাক্।

যোহন 6:15

ইয়েন্দোই যীশু বুঝি পারিলো, মানুচ্চুনে তারে বলে ধুরিনে তারার্ রাজা বানেবাত্যে ধুরিবাত্তে এত্তন্। সেনত্তে তে গায় গায় আরঅ সেই মুড়োবোত্ গেলগোই।