মথি লেখ্যে গম্ হবর্ 8:17 - Chakma Bible

¹⁷ ইয়েনি বেক্কানি ঘুদিলো যেন ভাববাদী যিশাইয় মাধ্যমে এই যে কধানি কুয়ো ওইয়্যে সিয়েনি পূরোণ অয়: তে আমার্ বেক্ বল্‌পোজ্যেগানি তুলি নিলো, আর আমা পীড়েগানি গম্ গুরিলো।

মথি লেখ্যে গম্ হবর্ 8:17 ပူးပေါင်းရင်းမြစ်များ

পত্থম 22:6

ইয়েন কোইনে অব্রাহামে পুজ্যে-উৎসর্বত্তে দার্‌বো বোনাবো তা পুয়ো ইস্‌হাক কানাত্‌ তুলি দিইনে নিজে আগুনো পিলেবো আর ছুড়িগান্‌ নেযেল। সে পরেদি তারা দ্বিজনে একসমারে যাহ্ ধুরিলাক।

যিশাইয় 53:4

ঘেচ্চেকগুরি, তেয়ই আমার বেক পিড়েগানি তুলি নেযেয়্যে আর আমা যন্ত্রনাগান বুয়োই নেযেয়্যে; মাত্তর্ আমি মনে গোজ্যেই গোজেনে তারে আঘাত্ গোজ্যে, তারে মাজ্যে আর দুঘ্ দিয়্যে।

মথি লেখ্যে গম্ হবর্ 1:22

ইয়েনি বেক্কানি ওইয়্যেদে যেনে ভাববাদীগুনোরে দিইনে গোজেনে এই যে কধানি কোইয়্যে সিয়েনি পরিপূরোন্ অয়:

মথি লেখ্যে গম্ হবর্ 2:23

আর নাসরত্ নাঙে এক্কান আদামত্ যেইনে বজত্তি গরা ধুরিলো। ইয়েন ঘুদিলো যেনে ভাববাদীগুনোরে দিইনে এই যে কধানি কুয়ো ওইয়্যে সিয়েনি পরিপূরোন্ অয়: “তারে নাসরতীয় বিলি ডাগা অবঅ।”

মার্ক 1:32

সে দিন্ন্যে বেলান্ ডুবোনার পরেদি সাজোন্ন্যে অক্তত্ মানুচ্চুনে বেক্‌ পিড়েল্ল্যেগুনোরে আর ভুদে পেয়্যে মানুচ্চুনোরে যীশু ইধু আনিলাক্।

লূকে লেখ্যে গম্ হবর্ 4:40

বেলান্ ডুবিবার্ অক্তত্ মানুচ্চুনে বেক্ পীড়েল্যেগুনোরে যীশু ইধু আনিলাক্। তারা নানান্ বাবোত্যে পীড়েত্ ভুগোদন্। যীশু তারারে পত্তিজন কিয়্যেত্ আঢ্ দিইনে তারারে গম্ গুরিলো।

২ করিন্হীয় 12:10

সেনত্যে খ্রীষ্টত্যে বল্‌পোজ্জ্যে, অগমানে, যন্ত্রনায়, অত্যেচারে আর দিদ্দেরি অলেয়ো মুই হুজি; কিয়া যেক্কে মুই হ্‌রান্ সেক্কেই মুই বোলী।

১ পিতর 2:24

তে ক্রুশো উগুরে নিজোর কিয়্যেগান্দোই আমার পাপর্ ভারান্ বুয়োল, যেন আমি পাপর দাবি-দেনা ইধু মুরিনে গোজেনর্ আওজ্‌ মজিম চলিবাত্যে বাঁজি থেই। তার্ কিয়্যেগানর্ ঘা গানিয়ে তমারে গম গোজ্জ্যে।