মথি লেখ্যে গম্ হবর্ 8:16 - Chakma Bible

¹⁶ সাজোন্যে অলে পরেদি মানুচ্চুনে ভুদে পেইয়্যে ভালোক্ জনরে যীশু ইধু আনিলাক্। তে মুয়ো কধালোই সেই ভুত্‌তুনোরে ধাবেল আর যিগুনে অসুগ্ এলাক্ তারারে বেক্কুনোরে গম্ গোরেল।

মথি লেখ্যে গম্ হবর্ 8:16 ပူးပေါင်းရင်းမြစ်များ

যাত্রা 15:26

তে কোইয়্যেদে, “তুমি যুদি তমা গোজেন লগেপ্রভুর্‌ কধা মানিনে তা চোগেদি যিয়েন্‌ দোল্‌ সিয়েনোই গরঅ‌ আর তাঁর্‌ উগুমোত্‌ কান্‌ পাদঅ আর তাঁর্‌ দিয়্যে বেক্‌ সুদোমানি পালন্‌ গরঅ, সালে মিসরীয়গুনো উগুরে মুই যেদক্কানি পীড়ে আন্যং সিয়েনি তমা উগুরে ন-আনিম। মুই লগেপ্রভু তমারে সুগেই রাগেম্‌।”

মথি লেখ্যে গম্ হবর্ 12:22

পরেদি মানুচ্চুনে ভুদে পেইয়্যে এক্কো মান্‌জ্যরে যীশু ইধু আনিলাক্ যিবে চোগ্ কান্ আর ববা এলঅ কিয়া তারে অসিজি আত্মায় পেইয়্যে। যীশু তারে গম্ গুরিলো।

মথি লেখ্যে গম্ হবর্ 14:14

যীশু নৌকোত্তুন্ লামিনে সয়-সাগোজ্যে মানুচ্ দেগিলো আর মেয়্যে লাগিনে তারা ভিদিরে যিগুনে অসুগ্ এলাক্ তারারে গম্ গুরিলো।

মথি লেখ্যে গম্ হবর্ 8:15

যীশু তা আঢ্‌তান ধুরিলো আর সেক্কে তা জ্বরান্ গম্ অলঅ। সেক্কে তে উদিনে যীশুর হানা-দানার বেবস্থা গরা ধুরিলো।‍‍

মথি লেখ্যে গম্ হবর্ 8:33

যিগুনে সেই পাল্লো চরাদন্ তারা সেক্কে ধাবা দিইনে আদামত্ যেইনে বেক্ হবরানি জানেলাক্। বিশেজ্ গুরিনে সেই ভুদে পেইয়্যে মানুচ্চুনো পৌইদ্যেনে তারা বেক্কুনোরে কলাক্।

মথি লেখ্যে গম্ হবর্ 9:2

মানুচ্চুনে সেক্কে বিচ্ছোনত্ পড়ি থেইয়্যে এক্কো বেসৎ-পীড়েল্যেরে তাইধু আনিলাক্। সে মানুচ্চুনোর বিশ্বেজ্ দেগিনে যীশু সেই পীড়েল্যেবোরে কলঅ, “সাহচ গর্, ও গাবুজ্যে, তঅ পাপ্‌পান খেমা গরা অলঅ।”

মার্ক 2:3

এমন্ সময়োত্ কয়েক্কো মানুচ্ এক্কো বেসৎ-পীড়েল্যেরে তাইধু আনিলাক্। চের্‌‌জন মান্‌‌জ্যে তারে বুয়োই আনিলাক্,

মার্ক 5:8

তে এ কধাগান্ কলঅ কিয়া যীশু তারে কোইয়্যেদে, “ভান্ন্যেই আত্মা, এ মানুচ্চো ভিদিরেত্তুন্ নিগিলি যাহ্।”

মার্ক 9:25

ভালোক্কুন্ মানুচ্ দাবা এত্তন্ দেগিনে যীশু সেই ভান্ন্যেই আত্মাবোরে ধমক্ দিইনে কলঅ, “ও কাল্ আর ববা আত্মাবো, মুই তরে উগুম্ দুয়োঙর্, ইবে ভিদিরেত্তুন নিগিল্; আর কনদিন্অ ইবে ভিদিরে ন-সোমেচ্।”

লূকে লেখ্যে গম্ হবর্ 13:12

যীশু তারে চেলঅ আর তারে কায়কুরে ডাগিনে কলঅ, “মা, তঅ পিড়েনত্তুন্ তুই উদ্ধোর্ অলে।”

লূকে লেখ্যে গম্ হবর্ 4:40

বেলান্ ডুবিবার্ অক্তত্ মানুচ্চুনে বেক্ পীড়েল্যেগুনোরে যীশু ইধু আনিলাক্। তারা নানান্ বাবোত্যে পীড়েত্ ভুগোদন্। যীশু তারারে পত্তিজন কিয়্যেত্ আঢ্ দিইনে তারারে গম্ গুরিলো।

লূকে লেখ্যে গম্ হবর্ 4:41

বোউত্ মান্‌জ্য ভিদিরেত্তুন্ ভান্ন্যেই আত্মাগানিয়ো নিগিলি গেলঅ। সেই ভান্ন্যেই আত্মাগানিয়ে রঅ ছাড়িনে কলঅ, “তুই গোজেনর পুয়ো।” তে যে মশীহ সিয়েন তারা হবর্ পেদাক্। ইয়েনত্তে তে ধমক্ দিইনে তারার্ মুয়োনি নাঢি দিলো।

প্রেরিত্‌ 5:15

প্রচারক্কুনে যিয়েনি গোজ্যন্ সিয়েনি দেগিনে মানুচ্চুনে খাদ উগুরে আর পাদি উগুরে গুরিনে পিড়েল্ল্যেগুনোরে আনিনে পধে পধে থুয়ো ধুরিলাক্, যেন পধেদি যেবার অক্তত্ পিতর ছাবাগান্ অলেয়ো তারা কারঅ কারঅ উগুরে পড়ে।