মথি লেখ্যে গম্ হবর্ 8:15 - Chakma Bible

¹⁵ যীশু তা আঢ্‌তান ধুরিলো আর সেক্কে তা জ্বরান্ গম্ অলঅ। সেক্কে তে উদিনে যীশুর হানা-দানার বেবস্থা গরা ধুরিলো।‍‍

মথি লেখ্যে গম্ হবর্ 8:15 ပူးပေါင်းရင်းမြစ်များ

২ রাজাবলী 13:21

একবার ইস্রায়েলীয়গুনে যেক্কে একজনরে গোর্ দেদন্‌ সেক্কে আদিক্কেগুরি একদল হানাদাররে দেগিনে তারা মরাকিয়্যেগান্‌ ইলীশায়র গোরত্‌ ফেলেই দিলাক্‌। মানুচ্চো মরাকিয়্যেগান্‌ ইলীশায়র আড়ুনোত্‌ বাজানা লগে লগে জেদা ওইনে টেঙোই ভর্‌ দিইনে থিয়্যেল।

যিশাইয় 6:7

সেই আঙারাবো তে মঅ মুয়োনত্ বাজেইনে কলঅ, “চাহ্, ইবে তঅ মুয়োনত্ বাস্যে; তঅ ভান্ন্যেয়ানি দূর্ গরা ওইয়্যে আর তঅ পাপ্‌পানি ফুজি ফেলা ওইয়্যে।” ‌‌

মথি লেখ্যে গম্ হবর্ 14:36

সেক্কে মানুচ্চুনে পীড়েল্যেগুনোরে যীশু ইধু আনিলাক্ আর তারে কোজোলী গুরিলাক্ যেন সেই পীড়েল্যেগুনে তা কাবড়র কণাবো বানা ধুরি পারন্; আর যিগুনে তারে ধুরিদাক্ তারা গম্ অদাক্।

মথি লেখ্যে গম্ হবর্ 20:34

তারা উগুরে যীশুর দোয়্যে অলঅ আর তারার্ চোগ্‌কুন ধুরিলো; আর সেক্কেনে তারা চোগেদি দেগিলাক্ আর তা পিজে পিজে যাহ্ ধুরিলাক্।

মথি লেখ্যে গম্ হবর্ 8:14

ইয়েন পরেদি যীশু পিতর ঘরত্ যেইনে দেগিলো, পিতর শুড়িবোর্ জ্বর ওইয়্যে আর তে পড়ি আঘে।

মথি লেখ্যে গম্ হবর্ 8:16

সাজোন্যে অলে পরেদি মানুচ্চুনে ভুদে পেইয়্যে ভালোক্ জনরে যীশু ইধু আনিলাক্। তে মুয়ো কধালোই সেই ভুত্‌তুনোরে ধাবেল আর যিগুনে অসুগ্ এলাক্ তারারে বেক্কুনোরে গম্ গোরেল।

মথি লেখ্যে গম্ হবর্ 8:3

যীশু আঢ্ বাড়েইনে তারে ধুরিনে কলঅ, “মুই সিয়েনই চাং, তুই সিজি অ।” সেক্কেনে মানুচ্চোর্ ফারাঙি পীড়েগান গম্ ওই গেলঅ।

মথি লেখ্যে গম্ হবর্ 9:20

সে সময়োত্ এক্কো মিলে পিজেন্দিত্তুন্ যীশু ইধু এইনে তা আঢ্ কাবড়র কণাবো ধুরিলো। মিলেবো বার বজর্ ধুরিনে মিলে পীড়েত্ ভুগের্।

মথি লেখ্যে গম্ হবর্ 9:29

পরেদি যীশু তারার্ চোগ্‌কুন ধুরিনে কলঅ, “তুমি যেবাবোত্যে বিশ্বেজ্ গোজ্য তমা উগুরে সেবাবোত্যে ওক্।”

মার্ক 1:29

পরেদি তারা সমাজ ঘরত্তুন্ নিগিলিনেই শিমোন আর আন্দ্রিয় ঘরত্ গেলাক্। যাকোব আর যোহনেয়ো তারা লগে এলাক্।

মার্ক 1:41

মানুচ্চোরে যীশুর্ অমকদ চিত্ পুরিলো। তে আঢ্‌তান বাবেইনে তারে ধুরিনে কলঅ, “মুই সিয়েনই চাং, তুই গম্ অ।”

লূকে লেখ্যে গম্ হবর্ 8:54

যেরেদি যীশু মিলেবো আঢ্‌তানি ধুরি ডাগিনে কলঅ, “চিজি, উঠ্।”