মথি লেখ্যে গম্ হবর্ 8:10 - Chakma Bible

¹⁰ যীশু এ কধাগান শুনিনে আমক্ অলঅ আর যিগুনে তা পিযে পিযে যাদন্ তারারে কলঅ, “মুই তমারে ঘেচ্চেকগুরি কঙর্, ইস্রায়েলীয়গুনো ভিদিরেয়ো এদক্ বিশ্বেজ্‌বলা কারঅ ভিদিরে মুই ন-দেগং।

মথি লেখ্যে গম্ হবর্ 8:10 ပူးပေါင်းရင်းမြစ်များ

পত্থম 43:33

যোষেফ মুজুঙোত্‌ তা ভেইয়ুনোর্‌ বয়জ্‌ ধগে পর পর বোজেই দিয়া অলঅ। ইয়েন্দোই তারা আমক্‌ ওইনে একজনে আরেকজন মুয়োন্দি চাহ্ ধুরিলাক্।

মথি লেখ্যে গম্ হবর্ 15:28

সেক্কে যীশু তারে কলঅ, “যদবদে তঅ বিশ্বেজ্‌চান অমকদ বেশ্। তুই যেবাবোত্যে চাজ্ সেবাবোত্যে ওক্।” আর সেক্কে তা ঝিবো গম্ ওই গেলঅ।

মথি লেখ্যে গম্ হবর্ 8:11

মুই তমারে কঙর্, পূগে আর পোজিমেত্তুন্ বোউত্ এবাক্ আর অব্রাহাম, ইস্‌হাক আর যাকোব সমারে স্বর্গ-রেজ্যত্ হেবাত্তে ববাক্।

মথি লেখ্যে গম্ হবর্ 8:9

মুই এ কধাগান হবর্ পাং কিয়া মত্তুন্অ অন্যগুনোর্ কধামজিম্ চলা পড়ে আর সৈন্যগুনে মঅ কধামজিম্ চলন্। মুই একজনরে ‘যাহ্’ কলে তে যায়, অন্যজনরে ‘আয়’ কলে তে এজে। মঅ চাগর্‌বোরে ‘ইয়েন গর্’ কলে তে সিয়েন্ গরে।”

মার্ক 6:6

মানুচ্চুনে তারে বিশ্বেজ্ ন-গুরিলাক্ দেগিনে তে খুব আমক্ অলঅ। ইয়েনর্ পরেদি যীশু আদামে আদামে যেইনে মানুচ্চুনোরে শিক্ষ্যে দিয়্যে ধুরিলো।

লূকে লেখ্যে গম্ হবর্ 5:20

যীশু তারার্ বিশ্বেজ্‌চান দেগিনে কলঅ, “দাংগু, তঅ পাব্‌পান খেমা গরা অলঅ।”

লূকে লেখ্যে গম্ হবর্ 7:50

যীশু সেক্কে সেই মিলেবোরে কলঅ, “তুই বিশ্বেজ্ গোজ্যস্ বিলি পাপত্তুন্ উদ্ধোর্ পেইয়োচ্। সুগে-শান্দিয়্যে যাহ্।”

লূকে লেখ্যে গম্ হবর্ 7:9

এ কধাগান শুনিনে যীশু আমক্ অলঅ আর যিদুক্কুন্ মানুচ্ ভিড়্ গুরিনে তা পিজেদি এত্তন্ তারা ইন্দি ফিরিনে তে কলঅ, “মুই তমারে কঙর্, ইস্রায়েলীয়গুনো ভিদিরে এত্তমান্ বিশ্বেজ্‌বলা মুই কনদিন্অ ন-দেগং।”

প্রেরিত্‌ 2:7

তারা অমকদ আমক্ ওইনে কলাক্, “এই যে মানুচ্চুনে কধা কদন্, ইগুনে কি বেক্কুনে গালীল মানুচ্‌ নয়?