মথি লেখ্যে গম্ হবর্ 7:7 - Chakma Bible

⁷ চঅ, তমারে দিয়্যে অবঅ; তগঅ, পেবা; দোরানত্ বাজ্জ্য, তমাত্তে খুলো অবঅ।

মথি লেখ্যে গম্ হবর্ 7:7 ပူးပေါင်းရင်းမြစ်များ

পত্থম 26:32

সেদিন্যে ইস্‌হাক চাগরুনে এইনে তারার খুজ্যে এক্কো কূয়োর্‌ কধা তারে জানেইনে কলাক্, “আমি পানি তোগেইনে পেইয়্যেই।”

১ রাজাবলী 3:5

গিবিয়োনত্‌ রেদোলক্কে লগেপ্রভু স্ববনর্‌ ভিদিরেন্দি শলোমনর্ ইদু আজিল্ অলঅ। গোজেনে তারে কলঅ, “তুই মইদু যিয়েনি চেবে মুই সিয়েনিই তরে দিম্‌।”

গীতসংহিতা 10:17

ও লগেপ্রভু, নম্রগুনোর্ মন আওজর্ কধানি তুই শুন্যচ্; তুই তারারে সাহস দুয়োর্, তারার্ কানানিগানি তুই শুন্যচ্।

গীতসংহিতা 10:4

পাজি মানুচ্চো বার্‌‌বো গরানার্ কারনে লগেপ্রভুরে অগ্রাজ্য গরে; তা কুজুরোমির্ পিজেদি এ মনভাবপান্ এলঅ- গোজেন বিলিনে কনজন নেই।

গীতসংহিতা 119:12

ও লগেপ্রভু, তুই বর্ পেইয়্যে। তর্ সুদোমানি মরে শিগেই দে।

গীতসংহিতা 27:8

মর্ মনানে তর্ এ কধাগান কত্তে, “তুমি মরে ডাগ।” ও লগেপ্রভু, সেনত্তেই মুই তরে ডাগিম।

গীতসংহিতা 34:4

মুই লগেপ্রভুরে ডাগিলুং, তে মঅ ডাগনিলোই ইজিরে দিলো; মর্ বেক্ দর্‌বুগোত্তুন তে মরে উদ্ধোর্ গুরিলো।

গীতসংহিতা 37:4

লগেপ্রভুরে নিইনে রঙ্গ-ফুত্তিয়ে থাগ্; তর্ মন আওজ্‌ছান্ তেয়ই পূরেই দিবো।

গীতসংহিতা 50:15

তর্ দযার্ দিনুনোত্ তুই মরে ডাগিচ্; মুই তরে উদ্ধোর্ গুরিম আর তুই মরে সর্মান গুরিবে।”

গীতসংহিতা 69:32

সিয়েন দেগিনে নম্র মানুচ্চুনে হুজি অবাক্; তুমি যিগুনে গোজেনরে জানিবাত্তে আওজি, তুমি বাঁজি থাগ।

গীতসংহিতা 70:4

মাত্তর্ যিগুনে তর্ আওজ্ মজিম্ চলন তারা তল্লোই ফুত্তি আর হুজি ওক্; যিগুনে তর্ গোজ্যে উদ্ধোরর কাম কোচ্‌পান তারা নিত্য কোদোক্, গোজেনর বাঈনী ওক্!”

গীতসংহিতা 86:5

ও প্রভু, তুই মংগলময় আর খেমাগুরিয়্যে; যিগুনে তরে ডাগন্ তারা উগুরে তুই কোচ্‌পানালোই ভরা।

গম্ উপদেজ্ 8:17

যিগুনে মরে কোচ্‌পান মুইয়ো তারারে কোচ্‌পেম; যিগুনে মনদিইনে মরে তগান্ তারা মরে পান্।

পরমগীত 3:2

মুই ভাবিলুং, মুই ইক্কিনে উদিনে শঅর ভিদিরে ঘুরি বেড়েম্, ঘুরি বেড়েম্ পধে পধে, চক্করে চক্করে; সিদু মুই মর্ পরাণর্ কোচ্‌‌‌পানাগানরে তোগেম্; মুই তারে তোগেয়োং মাত্তর্ তারে ন-পেলুং।

যিশাইয় 30:19

ও সিয়োনর মানুচ্চুন্, তুমি যিগুনে যিরূশালেমত্ বজত্তি গরঅ, তমাত্তুন্ আর কানা ন-পুরিবো। সাহায্যত্তে কানিলে তে হামাক্কায় তমারে দোয়্যে গুরিবো। তে শুনোনার্ লগে লগে জোব্ দিবো।

যিরমিয় 33:3

মরে ডাগ্, মুই তরে জোব্ দিম আর এমন মহৎ আর এমন গুমুরো কধা কোম্ যিয়েনি তুই হবর্ ন-পাজ্।

আমোষ 5:4

ইস্রায়েল মানুচ্চুনোরে লগেপ্রভু কোইয়্যেদে, “তুমি মইদু এজঅ, সেক্কে বাঁজিবা।

মথি লেখ্যে গম্ হবর্ 18:19

“মুই তমারে আরঅ কঙর্, তমা ভিদিরে দ্বিজন্ যুনি একমন্ ওইনে কনঅ পৌইদ্যেনে তবনা গরে সালে মর্ স্বর্গর্ বাপ্পো তমাত্তে সিয়েন্ গুরিবো,

মথি লেখ্যে গম্ হবর্ 21:22

তুমি যুনি বিশ্বেজ্ গুরিনে তবনা গরঅ সালে তুমি যিয়েন্ চেবা সিয়েনই পেবা।”

মথি লেখ্যে গম্ হবর্ 6:33

মাত্তর্ তুমি পত্তমে গোজেন রেজ্য পৌইদ্যেনে আর তা আওজ্ মজিম চলিবাত্তে মনান্ দুয়ো। সালে সেই বেক্ জিনিস্‌চানিয়ো তুমি পেবা। কেল্যেত্যে চিদে ন-গোজ্য;

মথি লেখ্যে গম্ হবর্ 7:11

তুমি বজং ওইনেয়ো যুনি নিজো পুয়ো ছাগুনোরে গম্ গম্ জিনিস দিবাত্তে জান, সালে যিগুনে তমা স্বর্গর্ বাবা ইধু চান্ তে যে তারারে গম্ গম্ জিনিস দিবো ইয়েন কত্তমান্ সত্য!

মথি লেখ্যে গম্ হবর্ 7:8

যিগুনে চান্ তারা পত্তিজনে পান্; যে তগায় তে পায়; আর যে দোরানত্ বাজ্জ্যেই তাত্তে দোরান্ খুলো অয়।

মার্ক 11:24

সেনত্তে মুই তমারে কঙর্, যেক্কেনে তুমি তবনা গরঅ আর কিজু চঅ, বিশ্বেজ্ গোজ্য তুমি সিয়েন পেইয়ো, আর তমাত্তে সিয়েন দিয়্যে অবঅ।

লূকে লেখ্যে গম্ হবর্ 13:25

ঘর গিরোজ্‌সো যেক্কে উদিনে দুয়োরান্ বানিবো সেক্কে তুমি বারেদি থিয়্যেইনে দুয়োরানত্ বাজ্জ্যেদে বাজ্জ্যেদে কবা, প্রভু, আমাত্যে দুয়োরান্ খুলি দে। মাত্তর্ তে তমারে এ জোব্‌পান দিবো, তুমি কুত্তুন্ এচ্চ্য মুই কোই ন-পারং।

লূকে লেখ্যে গম্ হবর্ 18:1

শিচ্চ্যগুনে যেনে নিত্য তবনা গরন্ আর আজা ন-আড়ান্ সেই শিক্ষ্যেগান্ দিবাত্যে যীশু তারারে এ উদাহরনান্ দিলো: “কনঅ এক শঅরত্ এক্কো বিচেরক্ এলঅ। তে গোজেনরে ন-দোরেদ আর মান্‌জ্যরেয়ো গ্রাজ্য ন-গুরিদো।

যোহন 15:16

তুমি মরে বেঈ ন-লঅ, মাত্তর্ মুয়ই তমারে বেঈ লোইনে কামত্ লাগেয়োং যেন তমা জিংকানিত্ গুলো ধরন্ আর তমার্ সেই গুলোগুন্ যেন থিগি থায়। সালে মঅ নাঙে বাবা ইধু যিয়েনি মাগিবা সিয়েনি তে তমারে দিবো।

যোহন 15:7

যুনি তুমি মঅ সমারে থাগঅ আর মঅ কধানি তমা মনত্ থায় সালে তমার্ যিয়েন আওজ্ সিয়েন চেইয়ো; তমাত্যে সিয়েন গরা অবঅ।

যোহন 4:10

যীশু সেই মিলেবোরে জোব্ দিলো, “তুই যুনি কোই পাত্তে গোজেন দানান্ কি আর কন্না তত্তুন্ পানি মাগের্ সালে তুয়ই তা ইধু পানি মাগিদে আর তে তরে জেদা পানি দিদো।”

রোমীয় 2:7

যিগুনে ধৈজ্জ্য ধুরিনে গম্ কাম্ গরন্ গোজেনত্তুন্ বাঈনী, সর্মান আর ভস্ত ন-ওইয়্যে জিংকানি পেবাত্তে চান, গোজেনে তারারে উমর জিংকানি দিবো।

রোমীয় 3:11

কেঅ সত্য জ্ঞান্দোই ন-চলে, কেঅ গোজেনর্ আওজ্ মজিম কাম্ ন-গরে।

ইব্রীয় 11:6

বিশ্বেজ্ বাদে গোজেনরে হুজি গরানা অসম্ভব, কিয়া গোজেন ইধু যে যায়, তাত্তুন্ বিশ্বেজ্ গরা পরিবোদে, গোজেনে আঘে আর যিগুনে তার্ আওজ্ মজিম চলন্ তারা তা আঢত্তুন্ তারার্ পাওনা পান্।

যাকোব 5:15

বিশ্বেজ্‌‌বলা তবনাগানে সেই অসুখ্যে মানুচ্চোরে গম গুরিবো; প্রভুই তারে গম গুরিবো। তে যুনি পাপ গুরি থায় সালে গোজেনে তারে ক্ষেমা গুরিবো।

১ যোহন 3:22

সিয়েনত্যে আমি যিয়েনি মাগিবোং সিয়েনি তাত্তুন্ পেবং, কিয়া তে যেদক্কানি উগুম দিয়্যে সিয়েনি আমি পালন গুরিই আর তে যেদক্কানি কামত্ হুজি অয় আমি সিয়েনি গুরিই।