মথি লেখ্যে গম্ হবর্ 7:23 - Chakma Bible

²³ সে পরেদি মুই তারারে কোলুং, মুই তমারে কনদিন্অ ন-চিনোং। পাজি মানুচ্চুন! মঅ কায়-কুরেত্তুন তুমি দূর্ অ।

মথি লেখ্যে গম্ হবর্ 7:23 ပူးပေါင်းရင်းမြစ်များ

গীতসংহিতা 119:115

তুমি যিগুনে বজং কাম গরঅ, তুমি মত্তুন্ সুরিই যঅ, যেনে গোজেনর উগুমান্ মুই পালেই পারং।

গীতসংহিতা 5:5

যিগুনে বার্‌বো গরন্ তারা তঅ মুজুঙোত্ থেই ন-পারন; যিগুনে বজং কাম্ গুরিনে বেড়ান্ তারারে তুই এলাফেলা গরচ্।

গীতসংহিতা 6:8

ও বজং কাম্ গুরি বেড়েয়্যে মানুচ্চুন, তুমি বেক্কুনে মঅ কায়-কুরেত্তুন দূর্ ওই যঅ, কিয়া লগেপ্রভু মঅ কানানিগান শুন্যে।

মথি লেখ্যে গম্ হবর্ 25:12

জোবত্ জামেইবো কলঅ, ‘ঘেচ্চেকগুরি কঙর্, মুই তমারে ন-চিনোং।’ ”

মথি লেখ্যে গম্ হবর্ 25:41

পরেদি তে তার্ বাঙেদি মানুচ্চুনোরে কবঅ, ও অভিশাব্ পেইয়্যে মানুচ্চুন্, মত্তুন্ তুমি দূর্ অ। শদান্ আর তা দূত্‌তুনোত্তে যে উমর কালর্ আগুন যুক্কোল্ গরা ওইয়্যে সিয়েন ভিদিরে যঅ।

লূকে লেখ্যে গম্ হবর্ 13:25

ঘর গিরোজ্‌সো যেক্কে উদিনে দুয়োরান্ বানিবো সেক্কে তুমি বারেদি থিয়্যেইনে দুয়োরানত্ বাজ্জ্যেদে বাজ্জ্যেদে কবা, প্রভু, আমাত্যে দুয়োরান্ খুলি দে। মাত্তর্ তে তমারে এ জোব্‌পান দিবো, তুমি কুত্তুন্ এচ্চ্য মুই কোই ন-পারং।

লূকে লেখ্যে গম্ হবর্ 13:27

সেক্কে তে কবঅ, তুমি কুত্তুন্ এচ্চ্য মুই হবর্ ন-পাং। পাজি মানুচ্চুন্, তুমি বেক্কুনে মঅ কায়-কুরেত্তুন যগোই।

যোহন 10:14

“মুয়ই আজল্ ভেড়া গরক্। বাবা যেবাবোত্যে মরে হবর্ পায় আর মুই বাবারে চিনোং সেবাবোত্যেগুরি মুইয়ো মঅ ভেড়াগুনোরে চিনোং আর তারায়ো মরে চিনোন্। মুই মঅ ভেড়াগুনোত্যে মঅ পরাণান্ দুয়োঙর্।

২ তীমথিয় 2:19

তো গোজেনর্ গাড়েইয়্যে দরমর গড়াগান থিয়্যেই আঘে, আর সিয়েন উগুরে সীলমাজ্যে ধোক্ক্যেন গুরি এ কধানি লেগা আঘে, “প্রভু কোই পারে, কনা তার্”, আর “যে কেঅ খ্রীষ্টরে প্রভু বিলিনে ডাগে তে বেক্‌ পাপ্পানিত্তুন্ দূরোত্ যোক্।”

ফগদাং পেইয়্যে 22:15

কুগুরো ধোক্ক্যেন জঘন্য মানুচ্, যাদুকর, পর্‌পাগোল্যে, খুনী, মূত্তি পূজোগুরিয়্যে, আর যিগুনে মিজে মাদানা কোচ্‌পান্ আর মিজে কধালোই চলন্, তারা বেক্কুনে বারেদি পড়ি আঘন্।