মথি লেখ্যে গম্ হবর্ 7:22 - Chakma Bible

²² সেদিন্যে ভালোক্ জনে মরে কবাক্, প্রভু, প্রভু, তঅ নাঙে কি আমি ভাববাদী ইজেবে কধা ন-কোই? তঅ নাঙে কি ভান্ন্যেই আত্মা ন-ধাবেই? তঅ নাঙে কি বোউত্ আমক্ অবার্ কাম ন-গুরিই?

মথি লেখ্যে গম্ হবর্ 7:22 ပူးပေါင်းရင်းမြစ်များ

যিশাইয় 2:11

বাড়্‌বো গোজ্যে মান্‌জ্যর রিনি চানাগান্ তলে গরা অবঅ আর বার্‌বোগান্ তলে লামা অবঅ। সেদিন্যে বানা লগেপ্রভুরে সর্মান গরা অবঅ।

যিশাইয় 2:17

মান্‌জ্যর্ বাড়্ গরানাগানরে তলে লামেই দিয়্যে অবঅ আর অহংকারানরে ভস্ত গরা অবঅ। সেদিন্যে বানা লগেপ্রভুরে সর্মান গরা অবঅ,

গণাণা 24:4

যে মানুচ্চো গোজেনর্‌ কধা শুন্যে আর গোজেনর্‌ দিয়্যে জ্ঞ্যানান্ দেখ্যে, যে মাদি উগুরে আদু পাড়িনে পোজ্যে আর যিবের্‌ চোগো পাদাগান মেলা যেইয়্যে,

গণাণা 31:8

অন্যগুনো লগে মিদিয়নীয়গুনোর্‌ পাঁচজন রাজারেয়ো তারা মারে ফেলেলাক্। তারার্‌ নাঙানি অলঅ ইবি, রেকম, সূর, হূর আর রেবা। ইস্রায়েলীয়গুনে বিয়োরর পূঅ বিলিয়মরেয়ো মারে ফেলেলাক্।

মথি লেখ্যে গম্ হবর্ 10:15

মুই তমারে ঘেচ্চেকগুরি কঙর্, বিচের দিনোত্ সেই আদামত্তুন্ বরং সদোম আর ঘমোরা শঅরর্ অবস্থা বজমান্ সোজ্য গরেদে ধোক্ক্যেন্ অবঅ।

মথি লেখ্যে গম্ হবর্ 24:36

সেই দিন্নো আর সেই সময়বোর্ কধা কেঅ হবর্ ন-পায়, স্বর্গর্ দূত্‌তুনেয়ো ন-পান্, পুয়োবোয়ো ন-পায়; বানা স্বর্গীয় বাবা হবর্ পায়।

মথি লেখ্যে গম্ হবর্ 25:11

“পরেদি সেই বুদ্ধিনেইয়্যে মিলেগুনে এইনে কলাক্, ‘চঅ, দোরান্ খুলি দুয়ো।’

মথি লেখ্যে গম্ হবর্ 7:21

যিগুনে মরে প্রভু, প্রভু কন্ তারা পত্তিজনে যে স্বর্গ-রেজ্যত্ সোমেই পারিবাক্ সিয়েন নয়, মাত্তর্ মঅ স্বর্গর্ বাপ্পো আওজ্‌চান যে পালায় তেয়ই সোমেই পারিবো।

লূকে লেখ্যে গম্ হবর্ 10:12

মুই তমারে কঙর্, বিচের দিনোত্ সেই আদামত্তুন্ বরং সদোম শঅর মানুচ্চুনো অবস্থা বোউত্ সোজ্য গরেদে ধোক্ক্যেন্ অবঅ।

যোহন 11:51

কাইয়াফা যে নিজোত্তুন্ এ কধাগান্ কোইয়্যে সিয়েন্ নয় মাত্তর্ তে এলদে সেই বজর দাঙর্ ধর্মগুরু। সেনত্তে তে আগাম্ কধা কোইয়্যেদে, যিহূদী জাদত্যে যীশু মুরিবো।

১ থিষলনীকীয় 5:4

মাত্তর্ ভেইলগ, তুমি দঅ আন্ধারত্ বজত্তি ন-গরর্ যে, সে দিন্নো চুরো ধোক্ক্যেন তমা উগুরে এইনে লুমিবো। তুমি দঅ বেক্কুনে পহ্‌রর্ আর দিনোর্ মানুচ্‌। আমি রেদোর্ বা আন্ধারর মানুচ্‌ নয়।

২ তীমথিয় 1:12

ইয়েনত্যে মুই এ দুঘ্‌কানি ভুগোঙর্; তো মুই ন-লাজাঙর্, কিয়া মুই কোই পারং মুই কা উগুরে বিশ্বেজ্ গোজ্জ্যং। মুই ঘেচ্চ্যেকগুরি কোই পারং, মুই তা ইধু যিয়েনি থোইয়োং খ্রীষ্টর এবার দিন্নোত্যে সিয়েনি রোক্ষ্যে গুরিবার খেমতা তার্ আঘে।

২ তীমথিয় 1:18

ইফিষত্ কেধোক্ক্যেন গুরিনে তে মরে সেবা গোজ্জ্যে সিয়েন তর্ গমেডালে জানা আঘে। প্রভু গোরোক্, যেন খ্রীষ্টর্ এবার দিনোত্ তে প্রভুত্তুন্ দোয়্যে পায়।

২ তীমথিয় 4:8

সেনত্যে মত্যে সৎ জিংকানির বক্‌শিজ্ তুলো আঘে। বিচের-দিনোত্ ন্যায় বিচেরক প্রভু মরে সেই বক্‌শিজ্ ইজেবে জিদেনার্ মালাবো দান গুরিবো। মাত্তর্ তে যে বানা মরে দান গুরিবো সিয়েন নয়, যিগুনে তার্ ফিরি এযানাত্যে আওজ্ গুরি বাজ্জেই আঘন্ তারারে বেক্কুনোরে দান গুরিবো।