মথি লেখ্যে গম্ হবর্ 7:14 - Chakma Bible

¹⁴ মাত্তর্ যে পথ্‌তানে জিংকানির ইন্দি নেযায় তার দোরান্অ চিবেচিপ্প্যে, পথ্‌তান চিবে। খুব কম্ মান্‌জ্যে সিয়েন তোগেইনে পান্।

মথি লেখ্যে গম্ হবর্ 7:14 ပူးပေါင်းရင်းမြစ်များ

গীতসংহিতা 16:11

জিংকানির পথ্‌তান্ তুই মরে জানেয়োচ্; তইদু থানা মানে পুরোপুরি হুজিয়ে থানা আর তর্ ডেনেদি রোইয়্যেদে উমরর্ সুখ।

গম্ উপদেজ্ 8:20

মুই ন্যায়র পধেদি চলং, ন্যায়বিচেরর পথ্‌তান্ ধুরি চলং।

যিশাইয় 30:21

ডেনে বা বাঙে কনকিত্ত্যে যেবার্ সময় তুমি পিজেত্তুন্ তার এ কধানি শুনিবা, “ইয়েনই পথ; তুমি এ পধেদি যঅ।”

যিশাইয় 35:8

সিয়েনত্ অবঅ এক্কান রাজপথ, অয়, এক্কান্ পথ অবঅ; সিয়েনরে কুয়ো অবঅ সুদো-সাংগর্ পথ। অসিজি মানুচ্চুনে সিয়েন উগুরেদি ন-যেবাক্; সিয়েন অবঅ তারাত্তে যিগুনে সুদ্ধো-সাংগর্ পধেদি চলন্। বাজে-বিবেক্ মানুচ্চুনে সে পধেদি ন-যেবাক্।

যিশাইয় 57:14

লগেপ্রভু কবঅ, “পথ্‌তান বানঅ, বানঅ, সিয়েন যুক্কোল্ গরঅ। মঅ মানুচ্চুনো মুজুঙোত্তুন্ বেক্ যাগুলুক্কানি সোরেই ফেলঅ‌‌‌‌‌।”

যিরমিয় 6:16

লগেপ্রভু তা মানুচ্চুনোরে কত্তে, “তুমি চেরান্ পধ মুয়োত্ থিয়্যেইনে রিনি চঅ পুরোণ পধ কধা পুযোর্ গরঅ; গম্ পথ্‌‌তান্ কুদু সিয়েন পুযোর্ গুরিনে সেই পধেদি আঢঅ। সেক্কে তুমি নিজো নিজো মনত্ জিরেন পেবা। মাত্তর্ তুমি কোইয়োদে, ‘আমি সে পধেদি ন-চলিবোং।’

মথি লেখ্যে গম্ হবর্ 20:16

কিত্ত্যবোর্ শেজদি যীশু কলঅ, “সেনত্যে যিগুনে বেগ যেরেদি আগন্ তারা পত্তম্ অবাক্, আর পত্তমে যিগুনে তারা বেগ যেরেদি পড়িবাক্।”

মথি লেখ্যে গম্ হবর্ 22:14

হিত্ত্যবোর্ শেজদি যীশু কলঅ, “ইয়েনত্তে কং, বোউত্ মান্‌জ্যরে ডাগা ওইয়্যে মাত্তর্ কম্ মান্‌জ্যরে বেঈ নেযা ওইয়্যে।”

মথি লেখ্যে গম্ হবর্ 7:13

চিবেচিপ্প্যে গেদো ইন্দি সমঅ, কিয়া যে পথ্‌তানে ভস্ত অইদ্যে ইন্দি নেযায় সিয়েনর দোরান্অ দাঙর্ আর পথ্‌তান অযার। বোউত্ মানুচ্ সিয়েনদি সমন।

মথি লেখ্যে গম্ হবর্ 7:15

ভণ্ড ভাববাদীগুনো পৌইদ্যেনে উজিয়ার্ অ। তারা তমা ইধু ভেড়া ছাগল চেঙেরালোই এজন্, অদচ ভিদিরেদি তারা রেক্ষস হোক্ক্যে বাঘ ধোক্ক্যেন্।

মার্ক 8:34

ইয়েনর্ পরেদি তে শিচ্চ্যগুনোরে আর অন্য মানুচ্চুনোরে তা কায়কুরে ডাগিনে কলঅ, “যুনি কেঅ মঅ পধেদি এবাত্তে চায় সালে তে নিজোর্ আওজ্ মজিম ন-চোলোক্; নিজো ক্রুশ্‌চান বুয়োইনে তে মঅ পিজেদি এজোক্।

লূকে লেখ্যে গম্ হবর্ 12:32

ও মর্ ভেড়া ছাগল চিগোন্ পাল্লো, ন-দোরেয়ো, কিয়া তমা বাপ্পোর্ আওজ্‌‌‌চান ইয়েন, তা রেজ্যগান্ তে তমারে দিবো।

যোহন 16:2

মানুচ্চুনে সমাজ-ঘরত্তুন্ তমারে নিগিলেই দিবাক্; এন্ কি, সময় এজের্ যেক্কে তমারে যিগুনে মারে ফেলেবাক্ তারা মনে গুরিবাক্ যে, তারা গোজেনর্ সেবা গত্তন্।

যোহন 16:33

মুই তমারে ইয়েনি বেক্কানি কলুং যেন তুমি মঅ সমারে আঘঅ কিনেই মনত্ শান্তি পঅ। এ জগদত্ তুমি কষ্ট আর চাপ মুয়োত্ আঘ, মাত্তর্ সাহচ্‌ ন-আরেইয়ো; মুয়ই জগদ্‌তানরে জয় গোজ্যং।”

রোমীয় 12:2

ইধুগোর্ ভান্ন্যেই জগদর্ চালচলন ভিদিরে তুমি নিজোরে ন-জোরেয়ো, বরং গোজেনরে তমা মনানি নুয়ো গুরিবাত্তে দিইনে পুরোপুরি নুয়ো ওই উদো, যেন তুমি গোজেনর্ আওজ্‌‌চান জানি পারঅ। গোজেনর্ আওজ্‌‌চান গম্, পুরোপুরি ঠিগ্ আর সেক্কে গোজেনে হুজি অয়।

রোমীয় 9:32

কিত্ত্যেই ন-পারন্? কিয়া তারা বিশ্বেজ্ উগুরে নির্ভর ন-গুরিনে কাম উগুরে নির্ভর গোজ্জ্যন্। যে শিল্লোত্ মান্‌জ্যে উজোট্ খান্ এ সিবেত্ তারা উজোট্ খেইয়োন্।