মথি লেখ্যে গম্ হবর্ 7:11 - Chakma Bible

¹¹ তুমি বজং ওইনেয়ো যুনি নিজো পুয়ো ছাগুনোরে গম্ গম্ জিনিস দিবাত্তে জান, সালে যিগুনে তমা স্বর্গর্ বাবা ইধু চান্ তে যে তারারে গম্ গম্ জিনিস দিবো ইয়েন কত্তমান্ সত্য!

মথি লেখ্যে গম্ হবর্ 7:11 ပူးပေါင်းရင်းမြစ်များ

পত্থম 6:5

লগেপ্রভু দেগিলোদে পিতথিমীত্‌ মান্‌জ্যর্ ভান্ন্যেইয়ানি অমকদ বাড়ি যেইয়্যে, আর তারা মনর্ বেক্‌ চিদে-সজ্জানি নিত্য বানা ভান্ন্যেইয়ন্দি লুঙি পোজ্যে।

পত্থম 8:21

লগেপ্রভু সে উৎসর্বর বাজ্‌ পেইনে হুজী অলঅ আর মনে মনে কলঅ, “মান্‌জ্যর কারনে আর কনদিন্‌ মুই মাদিগানরে অভিশাব্ ন-দিম, কিত্তে চিগোনত্তুন্ ধুরি দঅ-মান্‌জ্যর মনানি ভান্ন্যেয়ন্দি। এবেরা যেবাবোত্যে মুই বেক্‌ জেদা পরান্‌বলাগুনোরে‌‌ শেজ্ গোজ্যং সেবাবোত্যেগুরি আর কনদিনঅ ন-গুরিম।

২ শমূয়েল 7:19

ও প্রভু লগেপ্রভু, ইয়েন তঅ চোগোত্‌ যদবদে ন-অয়; ইয়েনর্ লগে তঅ চাগরর্‌ বংশর আগাম্ কধানিয়ো তুই কোইয়োচ্‌। ও প্রভু লগেপ্রভু, ইয়েনই যেনে মান্‌জ্যত্তে তর্‌ সুদোম অয়।

ইয়োব 15:16

সালে মানুচ্‌ যে অমকদ বজঙ্‌ আর পানি ধোক্ক্যেন্ বজঙানি খান্‌, তে কনমতে খাটি ওই ন-পারে।

গীতসংহিতা 84:11

ঘেচ্চেক্‌গুরি গোজেন লগেপ্রভু বেলান আর ঢাল ধোক্ক্যেন; তে দোয়্যে আর বাঈনী দান গরে। যিগুনে গমেডালে চলন্ তারারে কনঅ গম জিনিস দেদে তে অস্বিগের ন-গরে।

গীতসংহিতা 85:12

যিয়েন গম লগেপ্রভু ঘেচ্চেক্‌গুরি সিয়েন দিবো, আর আমা দেজ্‌ছানে খেত-খেত্তি দিবো।

গীতসংহিতা 86:15

মাত্তর্ ও প্রভু, তুই মেয়্যেলোই ভরা দোয়্যেলু গোজেন; তুই এনেবাদে বেজার্ ন-ওজ্, তর্ অমকদ কোচ্‌পানা আর বিশ্বেজর শেজ্ নেই।

গীতসংহিতা 86:5

ও প্রভু, তুই মংগলময় আর খেমাগুরিয়্যে; যিগুনে তরে ডাগন্ তারা উগুরে তুই কোচ্‌পানালোই ভরা।

যিশাইয় 49:15

সেনত্তে লগেপ্রভু কোইয়্যেদে, মাবো কি তার্ দুধো পুয়োবোরে ভুলি যেই পারে? যে পুয়োবোরে তে জর্ম দিয়্যে তারে কি তে মেয়্যে ন-গুরিবো? এমন্অ ওই পারে, মাবো ভুলি যেই পারে মাত্তর্ মুই কনদিন্অ তরে ভুলি ন-যেম্।।

যিশাইয় 63:7

মুই লগেপ্রভুর্ অমকদ কোচ্‌‌‍পানার কধা কোম্ আর তার বেক্ কামানিত্তে তারে নাঙ্ গিনিম। তার মেয়্যে আর তার অমকদ কোচ্‌পানার কারনে তে ইস্রায়েল জাদত্তে বোউত্ ভালেদির কাম গোজ্যে বিলিনে মুই তারে নাঙ্ গিনিম।‌‍‍‍

যিরমিয় 17:9

মনান্ বেগত্তুন্ বেশ ঠগ্, তারে কনঅ বাবদে গম্ গরা ন-যায়। কনজনে মান্‌‍‌‍‍জ্যর্ মনানি বুঝি ন-পারে।

যিরমিয় 33:14

লগেপ্রভু কোইয়্যেদে, “ইস্রায়েল আর যিহূদার মানুচ্চুনোরে মুই যে ভালেদির্ এগেম্ গোজ্যং সময় এজের্ যেক্কে মুই সিয়েনি পূরোণ গুরিম।

হোশেয় 14:2

তুমি লগেপ্রভু ইধু ফিরি এইনে তারে কঅ, “আমা বেক্ পাপ্‌পানি খেমা গর্ আর আমার যিয়েনি গম্ সিয়েনি মানি লঅ যেনে আমি গোরু উৎ‌সর্গ ধোক্ক্যেন গুরি আমা মুয়োদি তরে বাঈনী গুরি পারিই।

মীখা 7:18

তঅ ধোক্ক্যেন গোজেন আর কনজন নেই যিবে তার বাঁজি থেইয়্যে মানুচ্চুনোর পাপ আর অন্যেয়ানি খেমা গুরি দে। তুই জিংকানিবর্ রাগ্‌কান পুষি ন-রাগেচ্ বরং তর্ গভীন কোচ্‌পানা দেগাদে হুজি ওচ্।

মালাখি 1:6

বেগত্তুন্ খেমতাবলা লগেপ্রভু কত্তে, “পুয়ো তা বাবরে আর চাগর্ তা গিরোজোরে সর্মান গরে। যুনি মুই বাপ্ ওই থাং সালে মুই পাঙ্গে সর্মানান্ কুদু? যুনি গিরোজ্ ওই থাং সালে মর্ পাওনা শ্রদ্ধাগান্ কুদু? ও ধর্মগুরুগুন, তুমি মরে ঈচ্ গোজ্য। মাত্তর্ তুমি কত্তে, ‘আমি কেধোক্ক্যেনগুরি তরে ঈচ্ গোজ্যেই?’

মথি লেখ্যে গম্ হবর্ 23:9

এই পিত্‌থিমীত্ কাররে বাবা বিলি ন-ডাক্ক্য, কিয়া তমার্ এক্কো গুরি বাপ্ আর তে স্বর্গত্ আঘে।

মথি লেখ্যে গম্ হবর্ 7:10

বা মাছ চেলে সাপ দিবে?

যোহন 3:16

“গোজেনে মান্‌জ্যরে এদক্ কোচ্‌পেলদে যে, তার্ বানা এক্কোগুরি পুয়োরে তে দান্ গুরিলো, যেন যে কেঅ সেই পুয়োবো উগুরে বিশ্বেজ্ গরে তে ভস্ত ন-অয় মাত্তর্ উমর্‌অ জিংকানি পায়।

রোমীয় 3:19

আমি কোই পারিই মোশির্ রীদি-সুদোম তারাত্যে যিগুনে সেই রীদি-সুদোমর্ অধীন। সেনত্তে যিহূদী- অযিহূদী কারর্ কিচ্চু কবার্ নেই, বেক্ মানুচ্চুন্ গোজেন ইধু দুষি ওই আঘন্।

রোমীয় 3:9

ইক্কিনে আমি কি কবং? যিহূদী ইজেবে আমা অবস্থা কি অযিহূদীগুনোত্তুন্ বেশ্ গম্? কন বাবদে নয়। আমি দঅ আগে কোইয়্যেই, যিহূদী-অযিহূদী বেক্কুনে পাপে ভরা

রোমীয় 8:32

গোজেনে নিজোর্ পুয়োবোরেয়ো রেহাই ন-দিলো বরং আমা বেক্কুনোত্ত্যে তারে মরণর্ আঢত্ তুলি দিলো। সালে তে কি পুয়োবো সমারে আর বেক্কানিয়ো আমারে দান ন-গুরিবো?

গালাতীয় 3:22

মাত্তর্ পবিত্র বোইবো বেক্‌ মানুচ্চুনোরে পাপত্যে দুষি বিলিনে থির্ গোজ্জ্যে, যেন যীশু খ্রীষ্ট উগুরে যিগুনে বিশ্বেজ্ গরন্ সিগুনে তারার্ সেই বিশ্বেজর্ কারনে এগেম্-গোজ্জ্যে বরান্ পেই পারন্।

যাকোব 1:17

জিংকানির্ পত্তি দোল্ জিনিস আর থুদো নেইয়্যে দান স্বর্গত্তুন্ লামি এজে, আর সিয়েন এজে গোজেনত্তুন্, যিবে বেক্‌ পহ্‌রানর্ বাপ্। থির্ নেইয়্যে ছাবা ধোক্ক্যেন গুরি তে বুদুলি ন-যায়।

১ যোহন 3:1

চঅ, বাবা গোজেনে আমারে কদক্ কোচ্‌পায়! তে আমারে তার্ পুয়ো বিলিনে ডাগে; আজলে আমি সিয়েনই। ইয়েনত্যে জগদ্‌‍তানে আমারে ন-চিনে, কিয়া জগদ্‌‍তানে গোজেনরেয়ো ন-চিনে।

১ যোহন 4:10

আমি যে গোজেনরে কোচ্‌পেয়্যেই সিয়েন নয়, মাত্তর্ তে আমারে কোচ্‌‌পেইনে তা পুয়োবোরে দিপাধেয়্যে, যেন পুয়োবো তার নিজোর জিংকানিগান-উৎসর্ব গরানায় আমা পাপ্পানি দূর্ গুরিনে গোজেনরে হুজি গরে। ইয়েনই অলঅ কোচ্‌পানা।