মথি লেখ্যে গম্ হবর্ 6:5 - Chakma Bible

⁵ তুমি যেক্কে তবনা গরঅ সেক্কে ভন্ডগুনো ধোক্ক্যেন্ ন-গোজ্য, কিয়া তারা মান্‌জ্য ইধু নিজোরে দেগেবাত্তে সমাজ-ঘরত্ আর পদ মুয়োত্ থিয়্যেইনে তবনা গত্তে গম্ পান্। মুই তমারে ঘেচ্চেকগুরি কঙর্, তারা তারার্ বক্‌শিজ্ পেইয়োন।

মথি লেখ্যে গম্ হবর্ 6:5 ပူးပေါင်းရင်းမြစ်များ

গীতসংহিতা 5:2

ও মর্ রাজা, ও মর্ গোজেন, তঅ সাহায্যত্তে মঅ কানানিয়ান্ তুই শুন্, কিয়া মুই তইদু তবনা গরঙর্।

গীতসংহিতা 55:17

সাজোন্যে, বেন্যে আর দিবুজ্যে মুই কোজোলি গুরি মর্ আবিত্তিগান জানেম, আর তে মঅ রবো শুনিবো।

গম্ উপদেজ্ 15:8

পাজিগুনোর উৎসর্বয়ানি লগেপ্রভু ঘিনেই, মাত্তর্ গম্ মানুচ্চুনোর তবনাগানি তে হুজি অয়।

গম্ উপদেজ্ 16:5

যিগুনোর মনানি বাড়্‌‌বো তারারে বেক্কুনোরে লগেপ্রভু ঘিনাই; তুমি ঘেচ্চেকগুরি হবর্ পঅ তারা সাজা পেবাক্কে পেবাক্।

যিশাইয় 1:15

তবনা গুরিবাত্তে যেক্কে তুমি আঢ্ তুলিবা সেক্কে মুই তমাত্তুন্ মঅ চোগ্‌কুনোরে ফিরেই নিম্। যুনিয়ো বা বোউত্ তবনা গরঅ মুই সিয়েনি ন-শুনিম্, কিত্তে তমা আঢ্‌তানি লোলোই ভরা।

যিরমিয় 29:12

সেক্কে তুমি মরে ডাগিবা আর মইধু এইনে তবনা গুরিবা, আর মুই তমা কধানি শুনিম।

দানিয়েল 6:10

উগুমানত্ দস্তক্ দিয়্যে ওইয়্যে শুনিনে দানিয়েলে তা ঘরানর্ উগুরে তলা ঘরত্ গেলঅ; সেই ঘরানর্ জানালাগানি যিরূশালেম ইন্দি খুলো এলঅ। তে নিজোর অভ্যেস্ মজিম দিনে তিনবার আঢু পাড়ি তবনা গুরিনেই তার গোজেনরে ভালেদি জানেল।

মথি লেখ্যে গম্ হবর্ 21:22

তুমি যুনি বিশ্বেজ্ গুরিনে তবনা গরঅ সালে তুমি যিয়েন্ চেবা সিয়েনই পেবা।”

মথি লেখ্যে গম্ হবর্ 23:13

ধর্ম-মাষ্টর আর ফরীশীগুন, তমাত্যে কত্তমান দর্‌গরেপারা! তুমি ফক্কর্! তুমি মানুচ্চুনো মুজুঙোত্ স্বর্গ-রেজ্যর্ দোরান্ নাঢি রাগঅ। মাত্তর্ তুমি নিজেয়ো ন-সমঅ আর যিগুনে সুমিবাত্তে চেরেস্টা গত্তন্ তারারেয়ো সুমিবাত্তে ন-দুয়ো।

মথি লেখ্যে গম্ হবর্ 23:5

মানুচ্চুনোরে দেগেবাত্তে তারা বেক্ কামানি গরন্। পবিত্র বোইবোর্ পদ-লেগা তাবিজ্ তারা দাঙর্ গুরিনে বানান্ আর নিজোরে ধার্মিক দেগেবাত্তে কাবড় কোণাত্ লাম্বা জুদো লাগান্।

মথি লেখ্যে গম্ হবর্ 23:6

হেবার্ অক্তত্ সর্মান জাগাত্ আর সমাজ-ঘরত্ আজল্ আজল্ জাগানিত্ তারা বুজিবাত্তে গম্ পান।

মথি লেখ্যে গম্ হবর্ 6:1

উজিয়ার্, মান্‌জ্যরে দেগেবাত্তে ধর্মকাম্ ন-গোজ্য; যুনি গরঅ সালে তমা স্বর্গর্ বাবাত্তুন্ কনঅ বক্‌শিজ্ ন-পেবা।

মথি লেখ্যে গম্ হবর্ 6:16

তুমি যেক্কে উবোস্ থাগঅ সেক্কে ফক্করুনো ধোক্ক্যেন্ মুয়োন্ কালা গুরি ন-রাগেয়ো। তারা যে উবোস্ থাদন্ সিয়েন মান্‌জ্যরে দেগেবাত্তে তারা মাঢাবোত্ আর মুয়োনত্ ছেই গুলিনে বেড়ান্। মুই তমারে ঘেচ্চেকগুরি কঙর্, তারা তারার্ বক্‌শিজ্‌চানি পেইয়োন।

মথি লেখ্যে গম্ হবর্ 6:2

ইয়েনত্তে যেক্কে তুই নাঢা মানুচ্চুনোরে কিজু দুয়োচ্ সেক্কে ভন্ডগুনো ধোক্ক্যেন্ ন-গুরিচ্। তারা দঅ মান্‌জ্যর্ বাঈনী পেবাত্তে সমাজ-ঘরত্ আর পধে পধে ঢাক্-ঢুল্ বাজেইনে ভিক্ষ্যে দুয়োন্। মুই তমারে ঘেচ্চেকগুরি কঙর্, তারা তারার্ বক্‌শিজ্ পেইয়োন।

মথি লেখ্যে গম্ হবর্ 9:38

সেনত্তে খেত্-খেত্তি গিরোজ্‌সো ইধু কোজোলী গরঅ যেন তে তার খেত্-খেত্তিগানি কাবিবাত্তে মানুচ্ পাধেই দে।”

মার্ক 11:25

তুমি যেক্কে তবনা গরঅ সেক্কে কারঅ বিরুদ্ধে যুনি তমার্ কনঅ কধা থায় সালে তারে খেমা গোজ্য, যেন তমার্ স্বর্গর্ বাপ্পো তমারেয়ো পাপ খেমা গুরি পারে।”

মার্ক 12:38

শিক্ষ্যে দেদে দেদে যীশু কলঅ, “ধর্ম-মাষ্টরুনো পৌইদ্যেনে উজিয়ার্ অ। তারা লাম্বা লাম্বা সিলুম্ উরিনে ঘুরি বেড়েবাত্তে চান্ আর আঢে-বাজারে সর্মান পেবাত্তে চান্।

লূকে লেখ্যে গম্ হবর্ 11:43

“অভিশাব্ পেইয়্যে ফরীশীগুন! সমাজ-ঘরর্ আজল্ আজল্ আসনত্ বজদে আর আট্-বাজারত্ সর্মান পাধে তুমি গম্ পঅ।

লূকে লেখ্যে গম্ হবর্ 18:1

শিচ্চ্যগুনে যেনে নিত্য তবনা গরন্ আর আজা ন-আড়ান্ সেই শিক্ষ্যেগান্ দিবাত্যে যীশু তারারে এ উদাহরনান্ দিলো: “কনঅ এক শঅরত্ এক্কো বিচেরক্ এলঅ। তে গোজেনরে ন-দোরেদ আর মান্‌জ্যরেয়ো গ্রাজ্য ন-গুরিদো।

লূকে লেখ্যে গম্ হবর্ 18:13

সেক্কে সেই খাজানা-তুলিয়্যেবো কিজু দূরোত্ থিয়্যেই এলঅ। আগাজ ইন্দি রিনি চেবার্‌‌‌‌অ তার সাহচ্‌ ন-অলঅ; তে বুগ্ চাবেরেইনে কলঅ, ও গোজেন! মুই পাপী; মরে দোয়্যে গর্।

লূকে লেখ্যে গম্ হবর্ 20:47

এক কিত্ত্যেদি তারা মানুচ্চুনোরে দেগেবাত্যে লাম্বা লাম্বা তবনা গরন্, অন্য কিত্ত্যেদি রানি মিলেগুনোর্ সোম্বোত্তিগানি গজক্ গরন্। এ মানুচ্চুনোর্ বউৎ বেশ্ সাজা অবঅ।”

লূকে লেখ্যে গম্ হবর্ 6:24

মাত্তর্ অভিশাব্ পোড়োক্ তাগোয়্যে মানুচ্চুনোর্! তুমি পুরোপুরি সুগ্ ভুগ্ গরর্।

যোহন 16:24

এজঅ সং তুমি মঅ নাঙে কিচ্চু ন-মাগঅ। মাগঅ, তুমি পেবা যেন তমা হুজীগান্ পুরোপুরি অয়।

ইফিষীয় 6:18

পবিত্র আত্মালোই পরিচালিত ওইনে মনে-পরাণে নিত্য তবনা গরঅ। ইয়েনত্যে সজাগ্ থেইনে গোজেনর্ বেক্‌ মানুচ্চুনোত্যে আমিঝে তবনা গরানাত্ থাগঅ।

১ থিষলনীকীয় 5:17

নিত্য তবনা গরঅ,

যাকোব 4:6

মাত্তর্ গোজেনর্ দোয়্যেগান আরঅ বেশ্। সেনত্যে বোইবোত্ লেগা আঘে, “গোজেনে বার্‌বো গুনোর্ বিরুদ্ধে থিয়্যেই, মাত্তর্ নম্রগুনোরে দোয়্যে গরে।”