মথি লেখ্যে গম্ হবর্ 6:4 - Chakma Bible

⁴ যেন তর্ দান গরানাগান্ গুমুরোত্ অয়। সেক্কে তঅ বাপ্পো, যিবে গুমুরোত্ বেক্কানি দেগে, তেয়ই তরে বক্‌শিজ্ দিবো।

মথি লেখ্যে গম্ হবর্ 6:4 ပူးပေါင်းရင်းမြစ်များ

গীতসংহিতা 139:12

কিত্তে সে আন্ধারান্ দঅ তইদু আন্ধার্ নয়। রেত্তো-দিনো ধোক্ক্যেন পহ্‌র্; তইদু আন্ধার্ আর পহ্‌রান্ দ্বিয়েন এক্কুই।

গীতসংহিতা 17:3

তুই দঅ মঅ মনানত্ সুমিনে চেইয়োচ্ আর রেদোত্ মরে যগা চেইয়োচ্; মরে পুযোর্ গুরিয়ো চেইয়োচ্ মাত্তর্ কনকিজু ন-পাজ্। মুই ঠিগ্ গোজ্যংগে কনঅ পাপ কধা মর্ মুয়োন্ মুই বেবহার ন-গুরিম।

গীতসংহিতা 44:21

সালে গোজেনে কি সিয়েনি হবর্ ন-পায়? তে দঅ আমার মনর্ গুমুরোগানি বেক্কানি হবর্ পায়।

গম্ উপদেজ্ 25:22

সিয়েন গুরিলে তুই তা মাধাত্ জোল্ জোল্যে আঙারা কুরেই রাগেবে, আর লগেপ্রভু তরে বক্‌‍শিজ্ দিবো।

যিরমিয় 17:10

মুই লগেপ্রভু মনান তোগেইনে চাং আর মনরে জগা চাং; মুই মান্‌‍‌জ্যর আদাউদো আর তার্ কামর্ পাওনা মজিম ফল্ দুয়োং।‍‍

যিরমিয় 23:24

কনজনে কি এমন গুমুরো জাগাত্ লুগেই পারে যিয়েনত্ মুই তারে ন-দেগং? মুই কি স্বর্গ আর পিত্‌‌‌‌থিমীর বেক্ জাগায়ানত্ ন-থাং‌?”

মথি লেখ্যে গম্ হবর্ 10:42

যে কনজনে এই সামান্য মানুচ্চুনো ভিদিরে একজনরে মর্ শিচ্চ্য বিলিনে এক জগ ঠান্ডা পানি দে, মুই তমারে ঘেচ্চেকগুরি কঙর্, তে কনমতে তা বক্‌শিজ্‌চান্ ন-আরেব।”

মথি লেখ্যে গম্ হবর্ 6:18

যেনে অন্যগুনে হবর্ ন-পান্ যে, তুই উবোস্ আগচ্। সালে তঅ বাপ্পো, যিবেরে দেগা ন-গেলেয়ো মুজুঙোত্ আঘে, বানা তেয়ই সিয়েনি দেগিবো। তঅ বাপ্পো, যিবে গুমুরোত্ বেক্কানি দেগে, তেয়ই তরে বক্‌শিজ্ দিবো।

মথি লেখ্যে গম্ হবর্ 6:3

মাত্তর্ তুই যেক্কে নাঢা মানুচ্চুনোরে কিজু দুয়োচ্ সেক্কে তঅ ডেন্ আঢ্‌তানে কি গোজ্যে সিয়েন্ তঅ বাঙ্ আঢ্‌তানরে জানিবাত্তে ন-দিচ্,

মথি লেখ্যে গম্ হবর্ 6:6

মাত্তর্ তুই যেক্কে তবনা গরচ্ সেক্কে ঘর ভিদিরে যেইনে দোরান্ বানিবে আর তঅ বাপ্পো, যিবেরে দেগা ন-গেলেয়ো মুজুঙোত্ আঘে, তাইধু তবনা গর্। তঅ বাপ্পো, যিবে গুমুরোত্ বেক্কানি দেগে, তেয়ই তরে বক্‌শিজ্ দিবো।

লূকে লেখ্যে গম্ হবর্ 14:14

সেক্কে তুই গোজেনত্তুন্ বর্ পেবে, কিয়া তারা তর্ সেই বাত্যেনাগান্ শুজি ন-পারিবাক্। যেক্কে মরনত্তুন্ নিদ্দুজি মানুচ্চুনোরে জেদা গরা অবঅ সেক্কে তুই ইয়েনর্ শুজোনাগান্ পেবে।”

লূকে লেখ্যে গম্ হবর্ 8:17

এমন কিজু লুগেয়্যে নেই যিয়েনি ফগদাং ন-অবঅ, বা এমন কিজু গুমরত্ নেই যিয়েনি হবর্ পাহ্ ন-যেবঅ বা ফগদাং ন-অবঅ।

১ করিন্হীয় 4:5

সেনত্তে প্রভু এবার্ আগেদি, অত্তাৎ সেই ঠিগ্ গোজ্জ্যে সময়ানর্ আগে তুমি কনঅ কিচ্চু দুষ্ ধুরিবাত্তে ন-যেয়ো। আন্ধারত্ যিয়েন লুগেইয়্যে আঘে তেয়ই সেক্কে সিয়েন পহ্‌রত্ আনিবো আর মান্‌জ্য মনর্ গুমুরো কধানি ফগদাং গুরিবো। সেই অক্তত্ গোজেনত্তুন্ যে যার্ পাওনার্ বাঈনী পেবাক্।

ইব্রীয় 4:13

সৃট্টির কিচ্চু গোজেন ইধু লুগেইয়্যে নেই। যিবে ইধু আমার ইজেব দিয়্যে পরিবো তা চোগো মুজুঙোত্ বেক্কানি মেল্যে আর ফগদাং পেইয়্যে।

যিহূদা 1:24

বানা এক্কোগুরি গোজেন আমার উদ্ধোর গুরিয়্যে তে তমারে উজোত্ হেবার আঢত্তুন রোক্ষ্যে গুরিনে থুদো নেইয়্যে অবস্থায় নিজোর মহিমার মুজুঙোত্ হুজিয়ে আজির্ গুরি পারে। পুরোণি কালত্তুন্ ধুরি যেধোক্ক্যেন এলঅ সেধোক্ক্যেন ইক্কিনিয়ো আর উমরত্যে আমার প্রভু যীশু খ্রীষ্টর মাধ্যমে গোজেনর্ বাঈনী, মহিমা, বল্ আর খেমতা থোক্। আমেন।

ফগদাং পেইয়্যে 2:23

তার্ পুয়ো-ছাগুনোরেয়ো মুই মারে ফেলেম। সেক্কে বেক্‌ মন্ডলীগুনে কোই পারিবাক্ যে, মুই মান্‌জ্যর্ মন ভিদিরেগান আর মনান্ তোগেই চাং। মুই কাম মজিম তমারে পত্তিজনরে ফল দিম।

১ শমূয়েল 2:30

“সেনত্তেই ইস্রায়েলীয়গুনোর গোজেন লগেপ্রভু কত্তে, ‘মুই হামাক্কায় কোইয়োঙে, তর্‌ আর তর্‌ পুরোণি মানুচ্চুনোর বংশর মানুচ্চুনে সারা জিংকানিবর্‌ মর্‌ সেবা কাম গুরিবাক্’; মাত্তর্‌ ইক্কিনে লগেপ্রভু কত্তে, ‘সিয়েন আর ন-চলিবো। যিগুনে মরে সর্মান গুরিবাক্ মুই তারারে সর্মান গুরিম আর যিগুনে মরে ঈচ্ গুরিবাক্ তারারে ঈচ্ গরা অবঅ।