মথি লেখ্যে গম্ হবর্ 6:24 - Chakma Bible

²⁴ কনজনে দ্বিবে গিরোজরে সেবা গুরি ন-পারে, কিয়া তে একজনরে ঘিনেব আর অন্যজনরে কোচ্‌পেব। তে একজন উগুরে মনযোগ দিবো আর অন্যজনরে ঈচ্ গুরিবো। গোজেন আর ধন-সোম্বোত্তিরে এ দ্বিয়েনর্ সেবা তুমি একসমারে গুরি ন-পারঅ।

মথি লেখ্যে গম্ হবর্ 6:24 ပူးပေါင်းရင်းမြစ်များ

পত্থম 47:17

সেক্কে তারা বেক্‌ গোরু-ভেড়াগুন্‌ যোষেফ ইধু আনা ধোজ্যন। ছাগল, ভেড়া, গোরু, ঘোড়া আর গাধার বদলে তে তারারে হানা দিয়্যে ধুরিলো। বেক্‌ য়েমানুন্‌ এগত্তর্‌ গুরিনে তে গোদা বজর্‌বো তারারে হাবেল।

১ রাজাবলী 18:21

এলিয় মানুচ্চুনোর মুজুঙোত্‌ যেইনে কলঅ, “আর কয়দিন তুমি দ্বিয়েন্‌ নৌকোত্‌ ঠেঙ্‌ দিইনে চলিবা? যুনি লগেপ্রভু গোজেন্‌ অয় সালে তারে সেবা গরঅ, আর যুনি বাল দেবেদাবো গোজেন অয় সালে তারে সেবা গরঅ।” মাত্তর্‌ মানুচ্চুনে কনঅ জোব্‌ ন-দিলাক্‌।

২ রাজাবলী 17:41

তারা লগেপ্রভুর তবনায়ো গুরিদাক্‌ আরঅ তারা দেব-দেবেদা পূজোয়ো গুরিদাক্‌। এজঅ তারার ঝি-পুয়োগুনে আর নাদিন্‌-পুদিনুনে তারা পূরোণি মানুচ্চুনো ধোক্ক্যেন চলদন্‌।

যিহিষ্কেল 20:39

“‘ও ইস্রায়েলীয়গুন,মুই প্রভু লগেপ্রভু কঙর্, যঅ, তুমি পত্তিজনে যেইনে তমা মূত্তিগুনোরে সেবা গরঅ। মাত্তর্ পরেদি মঅ কধা তুমি হামাক্কায় শুনিবা আর সেক্কে তুমি তমার বক্‌‌‌‌‌শিজ্ আর মূত্তিলোই আর মর্ সুদ্ধো-সাংগ নাঙান অসিজি ন-গুরিবা।

সফনিয় 1:5

যিগুনে আগাজর্ বেক তারাগুনোরে পূজো গুরিবাত্তে ছালঅ উগুরে উদিনে জু জু গরন্ আর যিগুনে লগেপ্রভুর নাঙে জু জু গুরিনে শমক্ গরানার্ পরেদি মিল্‌কম দেবেদার নাঙেও শমক্ গরন তারারে মুই ভস্ত গুরি ফেলেম।

মথি লেখ্যে গম্ হবর্ 4:10

সেক্কে যীশু তারে কলঅ, “দূর্ অ, শদান্। পবিত্র বোইবোত্ লেগা আঘে, তুই তর্ প্রভু গোজেনরে ভোক্তি গুরিবে, বানা তারে সেবা গুরিবে।”

লূকে লেখ্যে গম্ হবর্ 16:11

এ জগদর্ ধন-সোম্বোত্তি পৌইদ্যেনে যুনি তমারে বিশ্বেজ্ গরা ন-যায় সালে কন্না তমারে বিশ্বেজ্ গুরিনে আজল্ ধন্ দিবো?

লূকে লেখ্যে গম্ হবর্ 16:13

কনঅ চাগরে দ্বিজন্ গিরোজরে সেবা গুরি ন-পারে, কিয়া তে একজনরে ঘিনেব আর অন্যজনরে কোচ্‌পেব, নয়ত তে একজন উগুরে মনযোগ্ দিবো আর অন্যজনরে ঈচ্ গুরিবো। গোজেন আর ধন-সম্বোত্তি এ দ্বিয়েনর্ সেবা তুমি এক সমারে গুরি ন-পারঅ।

লূকে লেখ্যে গম্ হবর্ 16:9

মুই তমারে কঙর্, এ ভান্ন্যেই জগদর্ ধন্‌দোই মানুচ্চুনো সমারে দাংগুত্ব গরঅ, যেন সেই ধনানি ফুরেই যানার্ পরেদি চিরকালত্যে থেবার্ জাগাত্ তমারে গুজি লুয়ো অয়।

গালাতীয় 1:10

মুই ইয়েনত্ কার প্রশংসা পেবার চেষ্টা গরঙর্, মান্‌জ্যর না গোজেনর্? না কি মান্‌জ্যরে হুজী গুরিবার চেষ্টা গরঙর্? মুই যুনি এজঅ মান্‌জ্যরে হুজী গুরিবার চেষ্টা গরং সালে দঅ মুই খ্রীষ্টর্ চাগর নয়।

১ তীমথিয় 6:17

যিগুনে এ জগদত্ থাগোইয়্যে তারারে এ উগুমান দে যেন তারা দেমাগ্ ন-গরন আর কানগ্‌‌কন্ন্যে ধন উগুরে নির্ভর ন-গুরিনে গোজেন উগুরে নির্ভর গরন। তেয়ই ভোগ্ গুরিবাত্যে বেক্ জিনিস্‌‌চানি খুলো আঢে আমারে দান গরে।

২ তীমথিয় 4:10

কিয়া দীমা ইধুগোর্ জগদ্‌তানরে কোচ্‌পেইনে মরে ফেলেইনে থিষলনীকীত্ যেয়্যেগোই। ইয়েনবাদে ক্রীষ্কেন্ত গালাতিয়াত্ আর তীতে দালমাতিয়াত্ যেয়্যে;

যাকোব 4:4

অবিশ্বেজি-মানুচ্চুন্! তুমি কি কোই ন-পারঅ, জগদর্ দাংগু অনা মানে গোজেনর্ শত্রু অনা? সেনত্যে যে কেঅ জগদর্ দাংগু অবার্ আওজ্ গরে তে নিজোরে গোজেনর্ শত্রু বানায়।

যিহোশূয় 24:15

মাত্তর্‌ লগেপ্রভুর সেবা গুরিবাত্তে যুনি তমার মনত্ ন-পড়ে সালে যিবের্‌ সেবা তুমি গুরিবা সিয়েন ইক্কিনেই ঠিগ্‌ গুরি নেযঅ। তমা পূরেণিমানুচ্চুনে ইউফ্রেটিস গাঙর্‌ উইপারত্‌ থাগদে যিদুক্কুন দেব-দেবেদারে পূজো গুরিদাক্‌ তারারে সেবা গুরিবা, না কি যিগুনোর্‌ দেজত্‌ তুমি বজত্তি গরর্‌ সে ইমোরীয়গুনোর দেব-দেবেদাগুনোরে সেবা গুরিবা? মাত্তর্‌ মুই আর মঅ গিরির্‌ বেক্কুনে লগেপ্রভুরে সেবা গুরিবোং।”

১ শমূয়েল 7:3

সেক্কে শমূয়েলে বেক্‌ ইস্রায়েলীয়গুনোরে কলঅ, “যুনি তুমি তমার বেক্‌ মনান্দোই আরঅ লগেপ্রভুর ইদু ফিরি এবাত্তে চঅ, সালে তমা ভিদিরেত্তুন অন্য জাদ্‌তুনোর্ দেব-দেবেদা আর অষ্টারোৎ দেবেদার মূত্তিগুন সোরেই দুয়ো আর লগেপ্রভুর ইন্দি নিজোর মনান্‌ ঠিগ্ গুরিনে বানা তারে সেবা গরঅ। সালে তে পলেষ্টীয়গুনোর আঢত্তুন তমারে উদ্ধোর গুরিবো।”