মথি লেখ্যে গম্ হবর্ 6:23 - Chakma Bible

²³ মাত্তর্ তঅ চোগ্‌কুন যুনি বজং অয় সালে তর্ বেক্ কিয়্যেগান আন্ধার্ অবঅ। তঅ ভিদিরে যে পহ্‌‌রান আঘে সিয়েন্ যুনি আজলে আন্ধার্ অয় সালে সে আন্ধারান্ কি সাংগাধিক্!

মথি লেখ্যে গম্ হবর্ 6:23 ပူးပေါင်းရင်းမြစ်များ

গম্ উপদেজ্ 26:12

তুই কি এমন্ মান্‌জ্যরে দেখ্যচ্ যে তার নিজো চোগেদি জ্ঞানী? তাত্তুন্ বরং বিবেচনা নেইয়্যেবো পৌইদ্যেনে আজা আঘে।

যিশাইয় 8:20

তমাত্তুন্ গোজেনর্ উগুম আর সাক্ষি ইদু যাহ্ পুরিবো। যুনি তারা গোজেন কধা মজিম্ কধা ন-কন্ সালে বুঝো পুড়িবোদে তারা ইদু কনঅ পহ্‌‌র জিনিস্‌চান নেই।‌

যিরমিয় 4:22

লগেপ্রভু কোইয়্যেদে, “মঅ মানুচ্চুনে ভুল্; তারা মরে ন-চিনোন্। তারা বুদ্ধি নেইয়্যে পুয়ো-ঝি; তারার বুঝিবার খেমতা নেই। ভান্ন্যেই কাম্ গুরিবাত্তে তারা কাবিল্, মাত্তর্ কিবাবোত্যে গুরি গম্ কাম গরা অয় তারা হবর্ ন-পান।”

মথি লেখ্যে গম্ হবর্ 20:15

যিয়েন্ মর্ নিজোর্, সিয়েন মর্ হুজি মজিম্ বেবহার গুরিবার অধিকার কি মর্ নেই? নাহি মুই দোয়্যেলু বিলি তঅ চোগোত্ ইংসে লাগের্।’ ”

মথি লেখ্যে গম্ হবর্ 6:22

চোগ্ অলদে কিয়্যেগানর্ চেরাগ। সেনত্তে তঅ চোগ্‌কুন যুনি গম্ অয় সালে তর্ বেক কিয়্যেগান পহ্‌রে পরিপূরোণ অবঅ।

মার্ক 7:22

লুভি অনা, অন্যরে ক্ষতি গুরিবার্ আওজ্, ছলনা, বজং খাচ্চ্যত্, ইংসে, নিন্দে, বার্ গরানা আর মূর্খকামানি নিগিলি এজে।

লূকে লেখ্যে গম্ হবর্ 11:34

তঅ চোগ্‌কুন অলঅ তর্ কিয়্যেগানর্ চেরাগ্। যুনি তঅ চোক্কো গম্ অয় সালে তর্ বেক্ কিয়্যেগান্ পহ্‌‌রে ভুরিবো, মাত্তর্ চোগ্ বজং অলে তঅ কিয়্যেগান্অ আন্ধারে ভুরিবো।

লূকে লেখ্যে গম্ হবর্ 8:10

সেক্কে যীশু কলঅ, গোজেন রেজ্যর্ গুমুরো সত্যগানি তমারে জানিবাত্তে দিয়্যে ওইয়্যে, মাত্তর্ অন্যগুনো ইধু মুই সিয়েনি হিত্ত্যলোই কং, যেন তারা রিনি চেইনেয়ো ন-দেগন্ আর শুনিনেয়ো ন-বুঝোন্।

রোমীয় 1:22

যুনিয়ো তারা নিজোরে জ্ঞানী বিলিনে দাবী গরলেয়ো আজলে তারা অঘা ওইয়োন।

১ করিন্হীয় 2:14

যে মানুচ্চো আত্মিক নয় তে গোজেনর্ আত্মাত্তুন্ যিয়েনি এজে সিয়েনি মানি ন-লয়, কিয়া সিয়েনি তা ইধু মূর্খতা। সিয়েনি তে বুঝি ন-পারে, কিয়া পবিত্র আত্মাগানে শিক্ষ্যে ন-দিলে সিয়েনি পোরোক্ষ্যে গুরি দেগা ন-যায়।

ইফিষীয় 4:18

তারার্ মনানি আন্ধারত্ পড়ি আঘে। মনানি দরঅ বিলিনে তারা গোজেন পৌইদ্যেনে কিচ্চু কোই ন-পারন্, আর সেনত্যে গোজেনর্ দিয়্যে জিংকানিত্তুন্ তারা বোউত্ দূরোত্ আঘন।

ইফিষীয় 5:8

কিয়া তুমি আগে আন্ধারত্ থেলেয়ো ইক্কিনে প্রভু সমারে মিজেইনে পহ্‌রত এচ্চ্য। পহ্‌রে ভরা মান্‌জ্যর্ যেধোক্ক্যেন চলানা উচিত তুমি সেধোক্ক্যেন গুরি চলঅ,

১ যোহন 2:11

মাত্তর্ যে তা ভেইবোরে ঘিনায় তে আন্ধারত্ আঘে আর আন্ধারত্ আঢাউদো গরের্। তে কোই ন-পারে তে কুধু যার্, কিয়া আন্ধারানে তা চোগ্‌কুন কান্ গুরি দিয়্যে।