মথি লেখ্যে গম্ হবর্ 6:20 - Chakma Bible

²⁰ মাত্তর্ স্বর্গত্ জাঙারেয়ো ন-ধরে, পুগে বর্‍বাত্অ ন-গরে আর চুরে বেড়্ কাবিনে চুর্‌অ ন-গরন্। সেনত্তে স্বর্গত্ নিজোত্তে ধন থুবেই রাগঅ,

মথি লেখ্যে গম্ হবর্ 6:20 ပူးပေါင်းရင်းမြစ်များ

যিশাইয় 33:6

যুগে যুগে তেয়ই তারার্ রোক্ষ্যে গরানা, উদ্ধোর্, জ্ঞান আর বুঝিবার খেমতার ভান্ডাল্ ওই এজের্। লগেপ্রভু উগুরে ভোক্তিবলা দরান্ অলঅ তারার্ ধন।

মথি লেখ্যে গম্ হবর্ 19:21

যীশু তারে কলঅ, “যুনি তুই পুরোপুরি খাটি অবাত্তে চাজ্ সালে যেইনে তর্ বেক্ সোম্বোত্তিগানি বিজিনে নাঢা মানুচ্চুনোরে দান্ গর্। সেক্কে তুই স্বর্গত্ ধন পেবে। সে পরেদি এইনে মঅ শিচ্চ্য অগি।”

মথি লেখ্যে গম্ হবর্ 6:19

এ পিত্‌থিমীত্ তুমি নিজোত্তে ধন-সম্পদ ন-থুবেয়ো। ইধু জাঙারে ধরে আর পুগে বর্‍বাত্ লাগান আর চুরে বেড়্ কাবিনে চুর্ গরন।‍ ‍

মার্ক 10:21

ইয়েন্দোই যীশু তা ইন্দি রিনি চেলঅ আর অমকদ কোচ্‌‌‍পেইনে তারে কলঅ, “এক্কান জিনিস তর্ বাগি আঘে। যাহ্, তর্ যিয়েনি আঘে সিয়েনি বিজিনে নাঢা মানুচ্চুনোরে দান্ গর্। সেক্কে তুই স্বর্গত্ ধন পেবে। সে পরেদি এইনে মঅ শিচ্চ্য অগি।”

লূকে লেখ্যে গম্ হবর্ 12:33

তমা বিষয়-সম্বোত্তি বেজিনে ভিক্ষ্যে ইজেবে দান্ গরঅ। যে দীনার্ থোইল্ল্যাবো কনদিনঅ পুরো ন-অয় সিবেয়ই নিজোত্যে বানঅ; অত্তাৎ যে ধন জিংকানিবর্ থিগি থেবঅ সিয়েনি স্বর্গত্ থুবঅ। সিধু চুর্ অ ন-এজে আর পুগেয়ো বর্‌বাদ্ ন-গরন্।

লূকে লেখ্যে গম্ হবর্ 18:22

এ কধাগান্ শুনিনে যীশু তারে কলঅ, “এজঅ এক্কান্ কাম তর্ বাগি আঘে । তর্ যিয়েনি আঘে বিজিনে নাঢা মানুচ্চুনোরে দে, সালে তুই স্বর্গত্ ধন্ পেবে। সে পরেদি এইনে মর্ শিচ্চ্য অগি।”

১ তীমথিয় 6:17

যিগুনে এ জগদত্ থাগোইয়্যে তারারে এ উগুমান দে যেন তারা দেমাগ্ ন-গরন আর কানগ্‌‌কন্ন্যে ধন উগুরে নির্ভর ন-গুরিনে গোজেন উগুরে নির্ভর গরন। তেয়ই ভোগ্ গুরিবাত্যে বেক্ জিনিস্‌‌চানি খুলো আঢে আমারে দান গরে।

১ তীমথিয় 6:19

ইয়েনিলোই তারা নিজোত্যে এমন্‌ ধন থুবেবাক্ যিয়েনি ভবিচ্চদে তারার পক্ষে এক্কান দরমর শিঙোর ধোক্ক্যেন অবঅ, যেন সত্যিকারর্ যে জিংকানি সিয়েন তারা দরমর গুরিনে ধুরি রাগেই পারন।

ইব্রীয় 10:34

আর যিগুনে জেলোত্ যেয়োন তারার্ দুঘে দুঘী ওইয়োন। তমার পযাপিরানি লুট ওই যানাগান তুমি হুজি মনে মানি লোইয়ো, কিয়া তুমি কোই পারিদা যে, আরঅ গম আর থিদেবর্ ধন তমাত্যে আঘে।

ইব্রীয় 11:26

তে মিসরর্ ধন-সোম্বোত্তিত্তুন্ খ্রীষ্টত্যে অগমান্ অনার্ দামান বোউত বেশ্ বিলি মনে গুরিলো, কিয়া তা চোগ্‌কো এলদে বক্‌শিজ ইন্দি।

যাকোব 2:5

মর্ কোচ্‌‌পেইয়্যে ভেইয়ুন্, শুনো। এই জগদর্ চোগেদি যিগুনে নাঢা মানুচ্, বিশ্বাজে তাগোয়্যে অবাত্যে গোজেনে কি তারারে বেঈ ন-লয়? যিগুনে গোজেনরে কোচ্‌পান সিগুনোরে তে যে রেজ্যগান দিবার্ এগেম্ গোজ্জ্যে সেই রেজ্যগানর্ অধিকারী অবাত্যে এই নাঢা মানুচ্চুনোরে কি তে বেঈ ন-লয়?

১ পিতর 1:4

অত্তাৎ ভবিচ্চদে এন্ এক্কান সম্বোত্তি পেবার আশ্বাস আমি পেইয়্যেই যিয়েন কনদিন্অ ভস্ত ন-অবঅ, যিয়েনত্ ভান্ন্যেই কিচ্চু ন-থেবঅ আর যিয়েন উমরত্যে নুয়ো থেবঅ। এ সোম্বোত্তিগান তমাত্যে স্বর্গত্ থুবেইয়্যে আঘে।

১ পিতর 5:4

সালে যেক্কে আজল্ গরগ্‌কো দেগা দিবো সেক্কে তুমি জিদেনার মালা ইজেবে তার মহিমার ভাগী অবা আর সিয়েন কনদিন্অ কুমি ন-যেবঅ।

ফগদাং পেইয়্যে 2:9

তর্ দুঘ্ আর রাদ কালর্ কধা মুই কোই পারং, মাত্তর্ তো তুই থাগোইয়্যে। নিজোরে যিহূদী কলেয়ো যিগুনে যিহূদী নয় বরং শদানর্ দলর মানুচ্‌, তারা তঅ বিরুদ্ধে যিয়েনি কন্ সিয়েনি মুই হবর্ পাং।