মথি লেখ্যে গম্ হবর্ 6:2 - Chakma Bible

² ইয়েনত্তে যেক্কে তুই নাঢা মানুচ্চুনোরে কিজু দুয়োচ্ সেক্কে ভন্ডগুনো ধোক্ক্যেন্ ন-গুরিচ্। তারা দঅ মান্‌জ্যর্ বাঈনী পেবাত্তে সমাজ-ঘরত্ আর পধে পধে ঢাক্-ঢুল্ বাজেইনে ভিক্ষ্যে দুয়োন্। মুই তমারে ঘেচ্চেকগুরি কঙর্, তারা তারার্ বক্‌শিজ্ পেইয়োন।

মথি লেখ্যে গম্ হবর্ 6:2 ပူးပေါင်းရင်းမြစ်များ

গীতসংহিতা 112:9

তে গম মনে নাদা মানুচ্চুনোরে দান গোজ্যে; তার গম কামানি উমরত্যে থিদেবর্ গোজ্যে। তার খেমতা আর সর্মানান বাড়িবো।

গীতসংহিতা 37:21

পাজিগুনে উদোর্ লোইনে ন-সুজোন্, মাত্তর্ গোজেন ভক্তগুনে দোয়্যেলু আর দানবলা।

গম্ উপদেজ্ 19:17

যে মান্‌জ্যে নাঢা মান্‌জ্যরে দোয়্যে গরে তে লগেপ্রভুরে উদোর্ দে; লগেপ্রভু তার সে উপকারর ফল্ দিবো।

গম্ উপদেজ্ 20:6

বোউত্ মান্‌জ্যে নিজোরে বিশ্বেজি বিলিনে দাবি গরন্, মাত্তর্ বিশ্বেজবলা মানুচ্ কন্না থোগেইনে পায়?

উপদেশক 11:2

তঅ ধনুন্ নানান্ বাবোত্যেগুরি খাদা, কিত্তে পিত্‌থিমীত্ কি বাবোত্যে দজা এবঅ সিয়েন্ দঅ তুই হবর্ ন-পাজ্।

যিশাইয় 10:6

মুই তারে গোজেন উগুরে ভোক্তিনেইয়্যে এক্কো জাদ বিরুদ্ধে পাদাঙর্ আর যিগুনে মঅ রাগ্‌‌কান তুলি দুয়োন্ তারা বিরুদ্ধে পাদাঙর্ যেন তে লুদেই পারে আর কাড়ি নেযেই পারে আর পদ কাদা ধোক্ক্যেন্ গুরি তারারে টেঙোই মাড়ি পারে।

যিশাইয় 58:7

পেট পুরেদে মানুচ্চুনোরে তমা হানাগানি ভাগ্ গুরি দুয়ো, ঘুরি বেড়েয়্যে নাঢা মান্‌জ্যরে নিজো ঘরত্ আশ্রয় দুয়ো, লাংতা-বাংতা দেগিলে তারে কাবড় উরেই দুয়ো, আর নিজো কুদুম্মোগুনোত্তুন্ মুয়োন ফিরেই ন-নুয়ো। ইয়েনি গরানা অলঅ আজল্ উবোস্‌থানা।

যিশাইয় 9:17

সেনত্তে প্রভু গাবুজ্যেগুনোরে নিইনে কনঅ ফুত্তি ন-পেবঅ, আর মা-বাপ নেইয়্যেগুনোরে, রানি মিলেগুনো উগুরে তে কনঅ দোয়্যে ন-গুরিবো; কিত্তে বেক্কুনে গোজেন উগুরে ভোক্তি নেইয়্যে আর পাজি, বেক্কুনে বজং কধা কন্। ইয়েনি অলেয়ো তা রাগ্‌কান ন-থামেব; এজঅ সং তা আঢ্‌তান তুল্যে আঘে।‌‌

হোশেয় 8:1

তুই শিংগা বাজা। লগেপ্রভুর মানুচ্চুনোর্ বিরুদ্ধে শত্রুগুনে সাড়াল্যে চিল ধোক্ক্যেন এত্তন্, কিত্যে মানুচ্চুনে মর্ দিয়্যে সুদোমান্ অমান্য গোজ্যন আর মঅ রীদি-সুদোমানির্ বিরুদ্ধে উল্লোমী গোজ্যন্।

মথি লেখ্যে গম্ হবর্ 15:7

ভন্ডগুন! তমা পৌইদ্যেনে ভাববাদী যিশাইয় ঠিগ্ কধা কোইয়্যে,

মথি লেখ্যে গম্ হবর্ 16:3

আর বেন্যেমাদান্ কঅ, ‘এইয়্যেদঅ ঝড়্ অত্তে কিয়া আগাজ্‌চান রাঙা আর আন্ধার্ ওইয়্যে।’ আগাজ অবস্থা তুমি গমেডালে বিচের্ গুরি জানঅ, অদচ সময়র্ চিহ্নোগান বুঝি ন-পারঅ।

মথি লেখ্যে গম্ হবর্ 22:18

তারার্ ভান্ন্যেই উদ্দেচ্চ্য বুঝি পারিনে যীশু কলঅ, “ভণ্ডগুন্, তুমি কিত্তেই মরে যগা চর্?

মথি লেখ্যে গম্ হবর্ 23:5

মানুচ্চুনোরে দেগেবাত্তে তারা বেক্ কামানি গরন্। পবিত্র বোইবোর্ পদ-লেগা তাবিজ্ তারা দাঙর্ গুরিনে বানান্ আর নিজোরে ধার্মিক দেগেবাত্তে কাবড় কোণাত্ লাম্বা জুদো লাগান্।

মথি লেখ্যে গম্ হবর্ 23:6

হেবার্ অক্তত্ সর্মান জাগাত্ আর সমাজ-ঘরত্ আজল্ আজল্ জাগানিত্ তারা বুজিবাত্তে গম্ পান।

মথি লেখ্যে গম্ হবর্ 24:51

সেক্কে তে তারে কাবিনে দি'কট্টা গুরি ফক্করুনো সমারে তা জাগায়ান্ ঠিগ্ গুরিবো। সিয়েনত্ মানুচ্চুনে কানাকুদি গুরিবাক্ আর যন্ত্রণালোই দাত্ কামেরেবাক্।

মথি লেখ্যে গম্ হবর্ 5:18

মুই তমারে ঘেচ্চেক্‌‌গুরি কঙর্, আগাজ্ আর পিত্‌থিমীগান্ শেজ্ ন-অনা সং, যেদক্ বিলোন্ সং রীদি-সুদোমর্ বেক্ কধানি ন-ফলে সেদক্ বিলোন সং সেই রীদি-সুদোমর্ এক ফুদো কি এক্কেনায়ো বাদ্ ন-যেবঅ।

মথি লেখ্যে গম্ হবর্ 6:16

তুমি যেক্কে উবোস্ থাগঅ সেক্কে ফক্করুনো ধোক্ক্যেন্ মুয়োন্ কালা গুরি ন-রাগেয়ো। তারা যে উবোস্ থাদন্ সিয়েন মান্‌জ্যরে দেগেবাত্তে তারা মাঢাবোত্ আর মুয়োনত্ ছেই গুলিনে বেড়ান্। মুই তমারে ঘেচ্চেকগুরি কঙর্, তারা তারার্ বক্‌শিজ্‌চানি পেইয়োন।

মথি লেখ্যে গম্ হবর্ 6:3

মাত্তর্ তুই যেক্কে নাঢা মানুচ্চুনোরে কিজু দুয়োচ্ সেক্কে তঅ ডেন্ আঢ্‌তানে কি গোজ্যে সিয়েন্ তঅ বাঙ্ আঢ্‌তানরে জানিবাত্তে ন-দিচ্,

মথি লেখ্যে গম্ হবর্ 6:5

তুমি যেক্কে তবনা গরঅ সেক্কে ভন্ডগুনো ধোক্ক্যেন্ ন-গোজ্য, কিয়া তারা মান্‌জ্য ইধু নিজোরে দেগেবাত্তে সমাজ-ঘরত্ আর পদ মুয়োত্ থিয়্যেইনে তবনা গত্তে গম্ পান্। মুই তমারে ঘেচ্চেকগুরি কঙর্, তারা তারার্ বক্‌শিজ্ পেইয়োন।

মথি লেখ্যে গম্ হবর্ 7:5

পত্তমে তঅ নিজো চোগোত্তুন্ ফেজাগান্ নিগিলেই ফেলা, সেক্কে তঅ ভেইয়ো চোগোত্তুন্ ফেজাগান্ নিগিলেবাত্তে গমেডালে দেগিবে।

মার্ক 12:39

তারা সমাজ-ঘরত্ আজল্ আজল্ আসনত্ আর হেবার অক্তত্ সর্মানর জাগাত্ ববাত্তে চান্।

মার্ক 7:6

যীশু জোব্ দিলো, “তুমি ভণ্ড! তমা পৌইদ্যেনে ভাববাদী যিশাইয় ঠিগ্ কধা কোইয়্যে। তা বোইবোত্ লেঘা আঘে: এ মানুচ্চুনে মুয়োদি মরে সর্মান গরন্, মাত্তর্ তারার্ মনানি মত্তুন্ দূরোত্ থায়।

লূকে লেখ্যে গম্ হবর্ 11:41

তমা থাল্-কদরা ভিদিরে যিয়েনি আঘে সিয়েনি বরং ভিক্ষ্যে ধোক্ক্যেন্ দান গরঅ; দেগিবা, বেক্কানি তমা ইধু সিজি অবঅ।

লূকে লেখ্যে গম্ হবর্ 11:43

“অভিশাব্ পেইয়্যে ফরীশীগুন! সমাজ-ঘরর্ আজল্ আজল্ আসনত্ বজদে আর আট্-বাজারত্ সর্মান পাধে তুমি গম্ পঅ।

লূকে লেখ্যে গম্ হবর্ 12:33

তমা বিষয়-সম্বোত্তি বেজিনে ভিক্ষ্যে ইজেবে দান্ গরঅ। যে দীনার্ থোইল্ল্যাবো কনদিনঅ পুরো ন-অয় সিবেয়ই নিজোত্যে বানঅ; অত্তাৎ যে ধন জিংকানিবর্ থিগি থেবঅ সিয়েনি স্বর্গত্ থুবঅ। সিধু চুর্ অ ন-এজে আর পুগেয়ো বর্‌বাদ্ ন-গরন্।

লূকে লেখ্যে গম্ হবর্ 12:56

ফক্করুন্! তুমি পিত্‌থিমী আর আগাজ চেঙারানর্ অত্ত বুঝি পারঅ, অদচ ইয়েন কেধোক্ক্যেন, তুমি বত্তমান সময়োর্ অত্তগান্ ন-বুঝোর্?

লূকে লেখ্যে গম্ হবর্ 13:15

সেক্কে প্রভু যীশু সেই নেতাগুনোরে কলঅ, তুমি ফক্কর্! জিরেবার্ দিনোত্ তুমি বেক্কুনে কি তমার্ বলদ্ গোরু বা গাধাবোরে গোরু ঘরত্তুন্ খুলিনে পানি খাবেবাত্যে লোই ন-যঅ?

লূকে লেখ্যে গম্ হবর্ 20:46

“ধর্ম-মাষ্টরুনো পৌইদ্যেনে উজিয়ার্ অ। তারা লাম্বা লাম্বা সিলুম্ উরিনে ঘুরি বেড়েবাত্তে চান্ আর আঢে-বাজারে সর্মান পেবাত্তে চান্। তারা সমাজ-ঘরত্ আজল্ আজল্ আসনানিত্ আর হেবার অক্তত্ সর্মানর জাগাত্ ববাত্তে চান্।

লূকে লেখ্যে গম্ হবর্ 6:24

মাত্তর্ অভিশাব্ পোড়োক্ তাগোয়্যে মানুচ্চুনোর্! তুমি পুরোপুরি সুগ্ ভুগ্ গরর্।

লূকে লেখ্যে গম্ হবর্ 6:42

তঅ নিজো চোগোত্ যে পেজাগান্ আঘে সিয়েন যেক্কে খিয়েল্ ন-গরর্ সেক্কে কেধোক্ক্যেন্ গুরি তঅ ভেইবোরে কোই পারচ্, ভেই, তঅ চোগোত্ যে পেজাগান্ আঘে, আয়, সিয়েন নিগিলেই দুয়োং? ফক্কর্, পত্তমে তঅ নিজো চোগোত্তুন্ পেজাগান্ নিগিলেই ফেলা, সালে তঅ ভেইয়ো চোগোত্ যে পেজাগান্ আঘে সিয়েন নিগিলেবাত্তে গমেডালে দেগিবে।

যোহন 13:29

কেঅ কেঅ মনে গুরিলাক্, পরবত্যে যিয়েনি দরকার্ যীশু যিহূদারে সিয়েনি কিনি আনিবাত্যে কোইয়্যে বা নাঢা মানুচ্চুনোরে কিজু দিবাত্যে কোইয়্যে, কিয়া তারার্ টেঙা বাক্সুবো যিহূদা ইধু থেদঅ।

যোহন 5:41

“মুই মান্‌জ্যর্ বাঈনী পেবাত্তে চেট্ট্যা ন-গরং,

যোহন 5:44

তুমি একজন অন্যজনত্তুন্ বাঈনী পেবার্ আজা গরঅ, মাত্তর্ যে বাঈনীগান্ বানা গোজেনত্তুন্ পাহ্-যায় সিয়েনর্ চেট্ট্যায়ো ন-গরঅ। ইয়েনর্ পরেদি তুমি কিবাবোত্যেগুরি বিশ্বেজ্ গুরি পারঅ?

যোহন 7:18

যে নিজোত্তুন্ কধা কয় তে তার্ নিজোর্ নাঙ্ ফুদেবার্ চেষ্টা গরে, মাত্তর্ যে দিপাধেয়্যে, কেঅ যুনি তার নাঙ্ ফুদেবার্ চেষ্টা গরে সালে তে সত্যবাদী আর তা মনত্ কনঅ ছলনা নেই।

প্রেরিত্‌ 10:2

যিহূদী ন-অলেয়ো তে গোজেনভক্ত এলঅ আহ্ তে আর তা পরিবারর্ বেক্কুনে গোজেনর্ উবোসনা গুরিদাক্। তে নাঢাগুনোরে বোউত্ টেঙা-পৌইজ্যে দান গুরিদো আর গোজেন ইধু পেরায় তবনা গুরিদো।

প্রেরিত্‌ 10:31

‘কর্ণীলিয়, গোজেনে তঅ তবনাগান শুন্ন্যে আর নাঢা মানুচ্চুনোরে তর্ দানর কধানি তে ইদোত্ রাগেয়্যে।

প্রেরিত্‌ 10:4

কর্ণীলিয় দোরেইনে সেই স্বর্গদূত্‌তো ইন্দি রিনি চেইনে কলঅ, “কঅ, প্রভু।”

প্রেরিত্‌ 11:29

সেক্কে শিচ্চ্যগুনে ঠিগ্ গুরিলাক্, যিহূদিয়া রেজ্যর্ বিশ্বেজি ভেইয়ুনোরে সাহায্য দিবাত্যে তারা পত্তিজনে নিজোর্ নিজোর্ সাধ্য মজিম্ টেঙা পাধেবাক্। তারা সিয়েন গোজ্জ্যন্।

প্রেরিত্‌ 24:17

“ভালোক্ বজর্ পরেদি মুই যিরূশালেমত্ যেয়োং যেন মঅ জাদর্ নাঢা মানুচ্চুনোরে কিজু টেঙা-পৌইজ্যে দি পারং আর য়েমান উৎসর্ব গুরি পারং।

প্রেরিত্‌ 9:36

যাফো শঅরত্ টাবিথা নাঙে এক্কো মিলে শিচ্চ্য এলঅ। গ্রীক ভাষায় এ নাঙানর্ অত্ত দর্কা। তে আমিযে অন্যগুনোরে উপকার গুরিদো আর নাঢা মানুচ্চুনোরে সাহায্য গুরিদো।

রোমীয় 12:8

যে উচ্চোমি দিবার্ খেমতা পেয়্যে তে উচ্চোমি দোক্; যে অন্যরে দান গুরিবার্ খেমতা পেয়্যে তে সরল মনে দোক্; যে নেতা অবার্ খেমতা পেয়্যে তে আওজ্ গুরিনে পরিচালনা গোরোক্; যে অন্যগুনোরে সাহায্য গুরিবার খেমতা পেয়্যে তে হুজি মনে সিয়েন গোরোক্।

১ করিন্হীয় 13:3

মর্ যিয়েনি আঘে সিয়েনি যুনি মুই নাঢা মানুচ্চুনোরে হাবেবাত্যে দান গরং, কিয়্যেগান্অ পুড়িবাত্যে দি দোং, মাত্তর্ মঅ ভিদিরে যুনি কোচ্‌‌পানা ন-থায়, সালে মর্ কনঅ লাভ নেই।

গালাতীয় 2:10

তারার্ বানা এক্কান কোজোলি এলঅ, আমি যেন নাঢা মানুচ্চুনোর্ কধা মনত্ রাগেই; খালিক্ মর্-অ সেই আওজ্‌চান এলঅ।

ইফিষীয় 4:28

যে চুর্ গরে তে আর চুর্ ন-গোরোক, বরং নিজো আঢে গমেডালে কাম্ গোরোক্ যেন অভাবী মানুচ্চুনোরে দিবাত্যে তার্ কিজু থায়।

১ থিষলনীকীয় 2:6

মান্‌জ্যত্তুন্, অত্তাৎ তমার বা অন্য কারত্তুন্ আমি সুনাঙ্ পেবার চেষ্টা ন-গুরিই। খ্রীষ্টর্ দূত ইজেবে আমা অধিকারান্ কামাক্কায় আমি তমা উগুরে খাদেই পারিদোং,

১ তীমথিয় 6:18

থাগোইয়্যেগুনোরে উগুম দে যেন তারা অন্যগুনোরে উপকার্ গরন, সৎ কামত থান্, খুলো আঢে দান গরন্ আর তারার্ ধন-সোম্বোত্তির্ ভাগ অন্যগুনোরেয়ো দুয়োন।

ফিলীমন 1:7

ভেই, তর্ কোচ্‌পানাগান দেগিনে মুই অমকদ হুজী ওইয়োং আর উচ্চোমি পেইয়োং, কিয়া তুই গোজেন মানুচ্চুনো মনত্ নূয়ো উচ্চোমি জাগেই তুল্ল্যচ্।

ইব্রীয় 13:16

গম্ কাম গত্তে আর অন্যগুনোর্ রাদকালত্ এজাল্ দিবাত্তে ভুলি ন-যেইয়ো, কিত্যেই গোজেনে এবাবোত্যে উৎসর্বলোই হুজি অয়।

১ পিতর 4:11

যুনি কেঅ ফগদাং গরে সালে তে এবাবোত্যে গুরি ফগদাং গোরোক যেন তে গোজেনর্ নিজোর্ মুয়ো কধা কর্। যুনি কেঅ সেবা গরে সালে তে গোজেনর্ দিয়্যে বল্লোই সেবা গোরোক্, যেন যীশু খ্রীষ্টর্ মাধ্যমে বেক্কানিত্ গোজেনর্ বাঈনী পায়। বাঈনী আর খেমতা উমরত্যে তার্। আমেন।

১ শমূয়েল 15:30

শৌলে কলঅ, “মুই পাপ গোজ্যং; তো মর্‌ কোজোলীগান্ ইয়েন, মঅ জাদর্‌ বুড়ো নেতাগুনো ইদু আর ইস্রায়েলীয়গুনোর মুজুঙোত্‌ মর্‌ সর্মানান্‌ রাগঅ। মুই যেনে তর্‌ গোজেন লগেপ্রভুর উবোসনা গুরি পারং সেনত্তেই তুই মঅ সমারে আদিচ্‌।”