মথি লেখ্যে গম্ হবর্ 6:19 - Chakma Bible

¹⁹ এ পিত্‌থিমীত্ তুমি নিজোত্তে ধন-সম্পদ ন-থুবেয়ো। ইধু জাঙারে ধরে আর পুগে বর্‍বাত্ লাগান আর চুরে বেড়্ কাবিনে চুর্ গরন।‍ ‍

মথি লেখ্যে গম্ হবর্ 6:19 ပူးပေါင်းရင်းမြစ်များ

ইয়োব 24:16

আন্ধার্ অলে মান্‌‌জে ঘর ভাঙা ধরন্, মাত্তর্ দিনোত্ তারা পোল্যেই থান; পহ্‌‌র সমারে তারার কনঅ মিলেমিলি ন-থায়।

ইয়োব 31:24

সোনা উগুরে যুনি মুই নির্ভর গুরি থাং, বা খাটি সোনাগানরে কোই থাং, তঅ উগুরে মর্ বিশ্বেজ্,

গীতসংহিতা 39:6

মানুচ্ এজন্দে ছাবা ধোক্ক্যেন্, যান্দেয়ো ছাবা ধোক্ক্যেন; তে মিজে মিজে কিজিক্ কাজাক্ গরে; তে ধন-সোম্বোত্তি তুবোয় মাত্তর্ কন্না সিয়েন ভোগ গুরিবো হবর্ ন-পায়।

গীতসংহিতা 62:10

তুমি অন্যেয় সুবিধে নিবাত্তে নির্ভর ন-গোজ্য; জুলুম গোজ্যে আয় উগুরে মিজে আশা ন-রাগেয়ো; বাড়েয়্যে ধন-সোম্বোত্তিলোই গুলোগুলি গুরি ন-থেয়ো।

যাত্রা 22:2

যুনি কনঅ‌ চুরে চুর্‌ গুরিবাত্তে যেইনে ঘরত্‌ চোমেবার্‌ অক্তত্‌ ধরা খায়্‌ আর আহত ওইনে মুরি যায়্‌, মাত্তর্‌ যিবের্‌ আঘাত্তোই‌ তে মুরি গেলঅ তে খুনোর্‌ দায়ী ন অবঅ।

গম্ উপদেজ্ 11:4

যেদিন্যে গোজেন রাগ্‌কান লামি এবঅ সেদিন্যে ধন কনঅ কামত্ ন-লাগিবো, মাত্তর্ গোজেন উগুরে ভোক্তিগানে মরণত্তুণ্ রোক্ক্যে গুরিবো।

গম্ উপদেজ্ 16:16

সনাত্তুন্ বেশ্ জ্ঞান পানা কত্তমান্ গম্! আর রূবোত্তুন বেশ্ বিচের বুদ্ধি পানা কত্তমান্ গম!

উপদেশক 2:26

গোজেনরে যে হুজি গরে তারে তে জ্ঞান, বুদ্ধি আর রঙ্গ-ফুত্তি দান গরে, মাত্তর্ পাপিরে তে ধন-সোম্বোত্তি তুবেবার্ আর সিয়েনি জোমেবার্ কামানি দে, যেনে তে সিয়েনি সে মানুচ্চোরে দি যায় যে গোজেনরে হুজি গরে। ইয়েন্অ বাহ্‌জে, বোইয়্যের পিজেদি দাবা দেনা বাদে আর কিচ্চু নয়।

সফনিয় 1:18

লগেপ্রভুর রাগর্ দিন্নোত্ তারার সনা-রূবোনিয়ো তারারে বাঁজেই ন-পারিবো। তা রিবেঙর্ জ্বালার্ আগুনে বেক্ দুনিয়েগান পুড়ি যেবঅ, কিত্যে পিত্‌‌‌‌‌থিমীত্ বজত্তি গুরিয়্যে বেক্কুনোরে তে ঝিমিদোত্ শেজ্ গুরি দিবো, অয়, জদবদে শেজ্ গুরি দিবো।

মথি লেখ্যে গম্ হবর্ 19:21

যীশু তারে কলঅ, “যুনি তুই পুরোপুরি খাটি অবাত্তে চাজ্ সালে যেইনে তর্ বেক্ সোম্বোত্তিগানি বিজিনে নাঢা মানুচ্চুনোরে দান্ গর্। সেক্কে তুই স্বর্গত্ ধন পেবে। সে পরেদি এইনে মঅ শিচ্চ্য অগি।”

মথি লেখ্যে গম্ হবর্ 6:20

মাত্তর্ স্বর্গত্ জাঙারেয়ো ন-ধরে, পুগে বর্‍বাত্অ ন-গরে আর চুরে বেড়্ কাবিনে চুর্‌অ ন-গরন্। সেনত্তে স্বর্গত্ নিজোত্তে ধন থুবেই রাগঅ,

লূকে লেখ্যে গম্ হবর্ 12:21

যেরেদি যীশু কলঅ, “যে মানুচ্চো নিজোত্যে ধন-সোম্বোত্তি থুবোয় অদচ গোজেন চোগেদি তাগোয়্যে নয়, তা অবস্থা সেবাবোত্যে অয়।”

লূকে লেখ্যে গম্ হবর্ 12:33

তমা বিষয়-সম্বোত্তি বেজিনে ভিক্ষ্যে ইজেবে দান্ গরঅ। যে দীনার্ থোইল্ল্যাবো কনদিনঅ পুরো ন-অয় সিবেয়ই নিজোত্যে বানঅ; অত্তাৎ যে ধন জিংকানিবর্ থিগি থেবঅ সিয়েনি স্বর্গত্ থুবঅ। সিধু চুর্ অ ন-এজে আর পুগেয়ো বর্‌বাদ্ ন-গরন্।

লূকে লেখ্যে গম্ হবর্ 12:39

“তুমি ঘেচ্চেকগুরি ইয়েন গুরি পারিদা যে, চুর্ কন্ সময় এবঅ সিয়েন্ যুনি ঘর গিরোজ্‌‌‌সো হবর্ পেদঅ সালে জাগি থেদঅ আর সেই চুর্‌‌‌বোরে তা ঘরত্ সুমিবাত্তে ন-দিদো।

লূকে লেখ্যে গম্ হবর্ 18:22

এ কধাগান্ শুনিনে যীশু তারে কলঅ, “এজঅ এক্কান্ কাম তর্ বাগি আঘে । তর্ যিয়েনি আঘে বিজিনে নাঢা মানুচ্চুনোরে দে, সালে তুই স্বর্গত্ ধন্ পেবে। সে পরেদি এইনে মর্ শিচ্চ্য অগি।”

লূকে লেখ্যে গম্ হবর্ 18:24

সেই নেতাবো ইন্দি রিনি চেইনে যীশু কলঅ, “থাগোইয়্যে মানুচ্চুনোর্ পক্ষে গোজেন রেজ্যত্ সমানা কত্তমান্ আগাত্ত্যে!

১ তীমথিয় 6:17

যিগুনে এ জগদত্ থাগোইয়্যে তারারে এ উগুমান দে যেন তারা দেমাগ্ ন-গরন আর কানগ্‌‌কন্ন্যে ধন উগুরে নির্ভর ন-গুরিনে গোজেন উগুরে নির্ভর গরন। তেয়ই ভোগ্ গুরিবাত্যে বেক্ জিনিস্‌‌চানি খুলো আঢে আমারে দান গরে।

ইব্রীয় 13:5

টেঙা-পৌইজ্যের্ লুভোত্তুন্ নিজোরে দূরোত্ রাগঅ। তমার্ যিয়েনি আঘে সিয়েনিলোই হুজি থাগঅ। গোজেনে কোইয়্যেদে, “মুই কনদিন্অ তরে ফেলেই ন-যেম্ বা কনদিন্অ তরে বাদ্ ন-দিম্।”