মথি লেখ্যে গম্ হবর্ 6:16 - Chakma Bible

¹⁶ তুমি যেক্কে উবোস্ থাগঅ সেক্কে ফক্করুনো ধোক্ক্যেন্ মুয়োন্ কালা গুরি ন-রাগেয়ো। তারা যে উবোস্ থাদন্ সিয়েন মান্‌জ্যরে দেগেবাত্তে তারা মাঢাবোত্ আর মুয়োনত্ ছেই গুলিনে বেড়ান্। মুই তমারে ঘেচ্চেকগুরি কঙর্, তারা তারার্ বক্‌শিজ্‌চানি পেইয়োন।

মথি লেখ্যে গম্ হবর্ 6:16 ပူးပေါင်းရင်းမြစ်များ

২ শমূয়েল 12:16

সেক্কে দায়ূদে পূঅবোত্তে গোজেন ইদু কোজোলী গরা ধুরিলো। তে উবোস্‌ থেলঅ আর তা ঘরত্‌ যেইনে মাদিত্‌ ঘুম যেইনে রেত্তো কাদেল।

২ শমূয়েল 12:21

সেক্কে তার সে চাগরুনে তারে পুযোর্‌ গুরিলাক্, “তুই কিত্তেই এধোক্ক্যেন্ গুরিলে? পূঅবো বাঁজি থাগদে তুই উবোস্‌ থেলে আর কানিলে, মাত্তর্‌ তে যেক্কে মুরি গেলঅ সেক্কে তুই উদিনে হানা-দানা গুরিলে।”

১ রাজাবলী 21:27

আহাবে লগেপ্রভুর কধা শুনিনে নিজো কাবড়ান্‌ ফাদি ফেলেইনে বস্তা ফাদা উরিলো আর উবোস্‌ থেলঅ। তে বস্তা ফাদা উরিনে ঘুম্‌ যেদঅ আর নম্রগুরিনে আঢাউদো গুরিদো।

নহিমিয় 1:4

এ কধানি শুনিনে মুই বজিনে কানা ধুরিলুঙ্‌। কয়েকদিন ধুরিনে মুই আবিলেচ্‌ খেলুঙ্‌ আর উবোস্‌ থেলুং আর স্বর্গর গোজেনর ইদু তবনা গুরিলুং।

ইষ্টের 4:16

“তুই যেইনে শূশনত্‌ থেইয়্যে বেক্‌ যিহূদীগুনোরে এগত্তর্‌ গর্‌ আর মত্তেই বেক্কুনে উবোস্‌ থাদোক্। তুমি তিন দিন সং রেদোত্‌ বা দিনোত্‌ কনঅ কিচ্ছু হানা-দানা ন-গুরিবা। তুমি যেধোক্কেন্‌ উবোস থেবা সেধোক্কেন্‌ মুই আর মর্‌ চাগরানীগুনেয়ো উবোস্‌ থেবাক্‌। সে পরেন্দি যুনিয়ো সিয়েন্‌ সুদোমর্‌ উল্লোমি অয় তো মুই রাজার ইদু যেম্‌। সেক্কে যুনি মত্তুন্‌ মরা পড়েদে অয় মুই মুরিম্‌।”

গীতসংহিতা 109:24

নখাদে নহাদে মঅ আদুগুন্ গির্ গিজ্যে ওইয়োন্; মঅ কিয়্যেগান রোগা ওই যেইয়্যে, এক্কুবারে শুগেই যেইয়্যে।

গীতসংহিতা 35:13

তো তারার্ অসুগোর্ সময়োত্ মুই বস্তা ফাদা সিলুম্ উয্যং; উবোস্ থেইনে নিজোরে বল্‌‌পোজ্যে গোজ্যং; মাত্তর্ মঅ তবনাগান মইদু ফিরি এচ্চ্যে।

গীতসংহিতা 69:10

মর্ কানানিগান আর মর্ উবোস্ থানার্ দুঘ্‌কান মর্ দুন্নামর্ বেপার ওইয়্যে।

দানিয়েল 9:3

সেনত্তে মুই উবোস্ থেইনে, বস্তা পাদা পিনিনে আর ছেই মিগিনেই কোজোলী আর আওজে প্রভু গোজেন ইধু তবনা গুরিলুং।

মালাখি 3:14

তুমি কোইয়ো, ‘গোজেনর্ সেবা গরানা অনত্তক্। তার্ রীদি-সুদোম মজিম্ কাম্ গুরিবাত্তে আর আপ্‌সোজ্ গুরিনে বেগত্তুন্ খেমতাবলা লগেপ্রভুর মুজুঙোত্ আদাউদো গুরিনে আমার কি লাভ্ অলঅ?‌‌‌‌‌

মথি লেখ্যে গম্ হবর্ 6:1

উজিয়ার্, মান্‌জ্যরে দেগেবাত্তে ধর্মকাম্ ন-গোজ্য; যুনি গরঅ সালে তমা স্বর্গর্ বাবাত্তুন্ কনঅ বক্‌শিজ্ ন-পেবা।

মথি লেখ্যে গম্ হবর্ 6:2

ইয়েনত্তে যেক্কে তুই নাঢা মানুচ্চুনোরে কিজু দুয়োচ্ সেক্কে ভন্ডগুনো ধোক্ক্যেন্ ন-গুরিচ্। তারা দঅ মান্‌জ্যর্ বাঈনী পেবাত্তে সমাজ-ঘরত্ আর পধে পধে ঢাক্-ঢুল্ বাজেইনে ভিক্ষ্যে দুয়োন্। মুই তমারে ঘেচ্চেকগুরি কঙর্, তারা তারার্ বক্‌শিজ্ পেইয়োন।

মথি লেখ্যে গম্ হবর্ 6:5

তুমি যেক্কে তবনা গরঅ সেক্কে ভন্ডগুনো ধোক্ক্যেন্ ন-গোজ্য, কিয়া তারা মান্‌জ্য ইধু নিজোরে দেগেবাত্তে সমাজ-ঘরত্ আর পদ মুয়োত্ থিয়্যেইনে তবনা গত্তে গম্ পান্। মুই তমারে ঘেচ্চেকগুরি কঙর্, তারা তারার্ বক্‌শিজ্ পেইয়োন।

মার্ক 2:18

একবার বাপ্তিস্মদিয়্যে যোহন শিচ্চ্যগুনে আর ফরীশীগুনে উবোস্ পালাদন্। সিয়েন দেগিনে কয়েক্কো মানুচ্ যীশু ইধু এইনে কলাক্, “যোহন শিচ্চ্যগুনে আর ফরীশীগুনোর্ শিচ্চ্যগুনে উবোস্ পালাদন, মাত্তর্ তঅ শিচ্চ্যগুনে উবোস্ ন-থান্ কিত্ত্যে?”

লূকে লেখ্যে গম্ হবর্ 18:12

মুই সাপ্তায় দ্বিবার্ উবোচ্‌ থাং আর মর্ বেক্ আয়ত্তুন্ দশ ভাগর্ এক ভাগ্ তরে দুয়োং।

প্রেরিত্‌ 10:30

সেক্কে কর্ণীলিয় কলঅ, “চের্ দিন আগে ঠিগ্ এ সময়োত্ বেল্যেমাদান্ তিন্নো বাজদে মুই মঅ ঘরত্ তবনা গরঙর্। এমন সময়োত্ আদিক্ক্যে গুরি জ্বোল্‌জোল্ল্যা কাবড় উজ্যে এক্কো মানুচ্‌ মঅ মুজুঙোত্ এইনে থিয়্যেইনে কলঅ,

প্রেরিত্‌ 14:23

তারা পত্তি মন্ডলীত্ আজল্ নেতাগুনোরে কামত্ অদে অদে লাগেলাক্ আর যে প্রভু উগুরে তারা বিশ্বেজ্ গোজ্জ্যন্, তবনা গুরিনে আর উবোচ্‌ থেইনে সেই প্রভু আঢত্ মন্ডলী মানুচ্চুনোরে তুলি দিলাক্।

১ করিন্হীয় 7:5

একজন আরেকজন সমারে কিয়্যেদি মিজেবাত্তে মানা ন-গোজ্জ্য; মাত্তর্ বানা তবনা গুরিবার্ সুযোগ্ পেবাত্তে একমত ওইনে কিজু সময়োত্তে ফারগ্ থেই পারঅ। সে পরেদি আরঅ একসমারে মিজেয়ো, যেন নিজোরে দমনর্ অভাবে শদানে তমারে পাপ ইন্দি টানি ন-পারে।

২ করিন্হীয় 11:27

খ্রীষ্টর্ সেবা গুরিবাত্যে যেইনে মুই দুঘোত্অ জদবদে কাম গোজ্জ্যং। মুই ভালোক্ রেত্ জাগি রোইয়োং, পেট পরায় আর পানি তিরেজে দুঘ্ পেইয়োং, উবোস্ থেইয়োং, জারে আর কাবর-চুগরর্ অভাবে দুঘ্ পেইয়োং।

২ করিন্হীয় 6:5

কদক্ আমারে পিদে ওইয়্যে, কদক্ জেলোত্ দিয়্যে ওইয়্যে, কদক্ দাংগা-হাংগামা আমা উগুরেদি যেয়্যে, কদক্ কাম গোজ্জ্যেই, কদক্ রেত্ আমি ঘুম্ ন-যেইনে কাদেয়্যেই আর কদক্‌‌বার্ ন-হেইনে থেইয়্যেই।