মথি লেখ্যে গম্ হবর্ 6:10 - Chakma Bible

¹⁰ তঅ রেজ্যগান্ এজোক্। তঅ আওজ্‌চান যেবাবোত্যে স্বর্গত্ সেধোক্ক্যেন্ পিত্‌থিমীত্অ পূরোণ ওক্।

মথি লেখ্যে গম্ হবর্ 6:10 ပူးပေါင်းရင်းမြစ်များ

নহিমিয় 9:6

বানা তুয়ই লগেপ্রভু। তুয়ই আগাজ্‌, দাঙর্‌ আগাজ্‌ আর সিয়েন ভিদিরে বেক্কানি, পিত্‌থিমী আর তা উগুরে বেক্কানি আর সাগর্‌ আর তা ভিদিরে বেক্কানি বানেয়োচ্‌। তুয়ই বেক্কুনোর্‌ পরাণান্‌ দুয়োচ্‌ আর স্বর্গর বেক্কুনে তর্‌ উবোসনা গরন্‌।

গীতসংহিতা 2:6

লগেপ্রভু কবদে, “মুই যিবেরে রাজা বানেয়োং তারে মর্ সুদ্ধো-সাংগ সিয়োন মুড়োবোত্ বোজেয়োং।”

গীতসংহিতা 40:8

ও মর্ গোজেন, তর্ আওজ মজিম জিংকানি কাদানা মর্ হুজি; তর্ বেক্ উগুমানি মর্ মনত্ আঘে।”

যিশাইয় 2:2

শেজ্‌কালত্ বেক মুড়োমুড়িগুনো ভিদিরেত্তুন্ সেই মুড়োবোরে বেগত্তুন্ অজলত্ তুলো অবঅ যিয়েনত্ লগেপ্রভুর্ ঘর্ আঘে। চিগোন চিগোন মুড়োগুনোত্তুন্ সিবেরে অজলত্ তুলো অবঅ, আর বেক্ জাদ্‌তুনে পানি গঙার ধোক্ক্যেন তান্দি যেবাক্।

যিরমিয় 23:5

লগেপ্রভু কোইয়্যেদে, সে দিনুন এত্তন যেক্কে মুই দায়ূদোর বংশত্ এক্কো ন্যায়বলা চারারে তুলিম; তে রাজা ওইনে জ্ঞানর্ সমারে রাজাগিরি গুরিবো আর দেজত্ গম্ আর ন্যায় কাম গুরিবো।

দানিয়েল 2:44

“সেই বেক রাজাগুনোর অক্তত্ স্বর্গর্ গোজেনে এমন এক্কান রেজ্য থিদেবর্ গুরিবো যিয়েন কনদিন্‌অ ভস্ত ন-অবঅ বা অন্য মান্‌জ্য আঢত্ ন-যেবঅ। সেই রেজ্যগানিয়ে উই বেক্ রেজ্যগানিরে ভস্ত গুরি শেজ্ গুরি দিবো মাত্তর্ সেই রেজ্যগান নিজে উমরত্যে থেবঅ।

দানিয়েল 4:35

পিত্‌‌‌‌থিমীর বেক্ মানুচ্চুন তাইদু কিচ্চু নয়। তে স্বর্গদূত্তুনোরে আর পিত্‌‌‌‌থিমীর মানুচ্চুনোরে নিইনে তা আওজ্ মজিম কাম গরে। এমন কনজন নেই যে, তার আঢ্‌‌‌‌তানি থামেই দি পারে বা তারে কোই পারে, ‘তুই কি গরর্?’ ”

দানিয়েল 7:13

রেদোত্ মর্ সেই স্ববনত্ মুই রিনি চেইনে মান্‌‌‌‌‌‌‌জ্যপুয়ো ধোক্ক্যেন একজনরে আগাজ মেঘ ভিদিরে এত্তে দেগিলুং। তে সেই বুড়ো মানুচ্চো ইধু উজেই গেলে পরেদি তারে তা মুজুঙোত্ নেযা অলঅ।

দানিয়েল 7:27

সে পরেদি রাজাগিরি, শাজন্ আর পিত্‌‌‌‌‌‌‌‌‌‌‌থিমীর বেক্ রেজ্যগানির খেমতা দাঙর্ গোজেনর মানুচ্চুনো আঢত্ তুলি দিয়্যে অবঅ। তারার্ রেজ্যগান অবঅ উমরর্ আর বেক্ রাজাগুনে তারারে সেবা গুরিবাক্ আর তারার্ বাধ্য অবাক্।

সখরিয় 9:9

“ও সিয়োন-ঝিবো, অমকদ ফুত্তি গর্। ও যিরূশালেম, তুই জয় ধুনি দে। চাহ্, তঅ রাজাবো তইদু এজের্; তে ন্যায়বলা আর তাইদু উদ্বোর্ আঘে; তে নম্র, তে গাধা উগুরে, গাধী ছঅ উগুরে চড়িনে এজের্।

মথি লেখ্যে গম্ হবর্ 12:50

কিয়া যিগুনে মর্ স্বর্গর্ বাবঅ আওজ্ পালান্ তারা-মর্ ভেই, বোন আর মা।”

মথি লেখ্যে গম্ হবর্ 16:28

মুই তমারে ঘেচ্চেকগুরি কঙর্, ইয়োত্ এমন কয়েকজন আগন্ যিগুনো ইধু মান্‌জ্য পুয়োবোরে রাজা ইজেবে রাজাগিরি গরানা ন-দেগানা সং তারা কনমতে মুরি ন-যেবাক্।”

মথি লেখ্যে গম্ হবর্ 26:42

তে ফিরি যেইনে দ্বিবারত্ তবনা গুরিনে কলঅ, “ও বাহ্, মুই ন-গুজিলেয়ো যুনি এই দুঘোর্ গলচ্চো দূর্ ন-অয় সালে তঅ আওজ্‌চান পূরোণ্ ওক্।”

মথি লেখ্যে গম্ হবর্ 3:2

তে কলঅ, “পাপত্তুন্ মনানি ফিরো, কিয়া স্বর্গ-রেজ্যগান্ কায়-কুরে লুম্মেগি।”

মথি লেখ্যে গম্ হবর্ 4:17

সে সময়ত্তুন্ ধুরি যীশু ইয়েন কোইনে ফগদাং গরা ধুরিলো, “পাপত্তুন্ মনানি ফিরো, কিয়া স্বর্গ-রেজ্যগান্ কায়-কুরে লুম্মেগি।”

মথি লেখ্যে গম্ হবর্ 7:21

যিগুনে মরে প্রভু, প্রভু কন্ তারা পত্তিজনে যে স্বর্গ-রেজ্যত্ সোমেই পারিবাক্ সিয়েন নয়, মাত্তর্ মঅ স্বর্গর্ বাপ্পো আওজ্‌চান যে পালায় তেয়ই সোমেই পারিবো।

মার্ক 11:10

আমা বাপ্ দায়ূদোর যে রেজ্যগান এজের্ সিয়েনর্ বাঈনী ওক্। স্বর্গত্অ হোশান্না!”

মার্ক 3:35

গোজেনর্ আয়োচ্ যিগুনে পালান্ সিগুনোই মর্ ভেই, বোন আর মা।”

লূকে লেখ্যে গম্ হবর্ 19:11

যীশু সেক্কে যিয়েনত্ এলঅ সিয়েনত্তুন্ যিরূশালেমান বেশ্ দূরোত্ নয়, আর যিগুনে তা কধা শুনোদন্ সিগুনে ভাবদন্, গোজেন রেজ্যগান্ সবরে ফগদাং পেবঅ। সেনত্তে যীশু তারারে শিক্ষ্যে দিবাত্যে এ কধাগান্ কলঅ:

লূকে লেখ্যে গম্ হবর্ 19:38

“প্রভুর্ নাঙে যে রাজাবো এজের্ তার বাঈনী ওক্‌ । স্বর্গত্ শান্তি, আর সিধু গোজেনর্ মহিমা ফগদাং পেইয়্যে।”

লূকে লেখ্যে গম্ হবর্ 22:42

“বাবা, তুই যুনি চাজ্ সালে এ দুঘোর্ গলচ্চো মত্তুন্ সোরেই নেযা। তো মঅ মনেমন্‌জক্কা নয়, তঅ আওজ্ মজিম ওক্‌।”

যোহন 4:34

সেক্কে যীশু তারারে কলঅ, “যে মরে পাধেয়্যে তা আওজ্‌‌চান্ পালন্ গরানা আর তা কামান্ থুম্ গরানাগান্ অলঅ মর্ হানা।

যোহন 6:40

মঅ বাপ্পো আওজ্‌চান্ ইয়েন-তমা ভিদিরে যিগুনে পুয়োবোরে দেগিনে তা উগুরে বিশ্বেজ্ গরন্ তারা যেন উমর জিংকানি পান্। আর মুয়ই তারারে শেজ্ দিনোত্ জেদা গুরি তুলিম্।”

যোহন 7:17

যুনি কেঅ তা আওজ্ পালেবাত্তে চায় সালে তে বুঝি পারিবো, এ শিক্ষ্যেগান্ গোজেনত্তুন্ এচ্চ্যে, না মুই নিজোত্তুন্ কঙর্।

প্রেরিত্‌ 13:22

সে পরেদি গোজেনে শৌলরে সোরেই দিইনে দায়ূদরে রাজা বানেল। তে দায়ূদো পৌইদ্যেনে কোইয়্যেদে, মুই যিশয় পুয়ো দায়ূদো ভিদিরে মর্ মন মজিম্ মানুচ্চোরে তোগেই পেয়োং। মুই যিয়েন চাং তে সিয়েনই গুরিবো।

প্রেরিত্‌ 21:14

তারে থামেই ন-পারিনে আমি জুরো অলং আর যেরেদি কলং, “প্রভুর্ আওজ্ মজিম্ ওক্‌।”

প্রেরিত্‌ 22:14

সেক্কে অননিয় কলঅ, আমা পূরোণি মানুচ্চুনোর গোজেনে তরে বেঈ লোইয়্যে যেন তুই তার্ আওজ্‌চানি জানি পারচ্, আর সেই ন্যায়বলা মানুচ্চোরে, অত্তাৎ যীশু খ্রীষ্টরে দেগচ্ আর তা মুয়ো কধানি শুনোচ্।

রোমীয় 12:2

ইধুগোর্ ভান্ন্যেই জগদর্ চালচলন ভিদিরে তুমি নিজোরে ন-জোরেয়ো, বরং গোজেনরে তমা মনানি নুয়ো গুরিবাত্তে দিইনে পুরোপুরি নুয়ো ওই উদো, যেন তুমি গোজেনর্ আওজ্‌‌চান জানি পারঅ। গোজেনর্ আওজ্‌‌চান গম্, পুরোপুরি ঠিগ্ আর সেক্কে গোজেনে হুজি অয়।

ইফিষীয় 6:6

মান্‌জ্যরে হুজী গুরিবার মনভাব্‌পোই তমা গিরোজ্‌চুনোর চোগো মুজুঙোত্ বানা তারার্ বাধ্য ন-ওইয়ো; তাত্তুন্ বরং খ্রীষ্টর্ চাগর্ ইজেবে গোজেনর্ আওজ্‌চান মনেপরাণে পালেইনে তুমি গিরোজ্‌চুনোর বাধ্য ওইয়ো।

কলসীয় 1:13

কিয়া তে আন্ধার রেজ্যত্তুন্ আমারে উদ্ধোর্ গুরিনে তার কোচ্‌পেইয়্যে পুয়োবোর্ রেজ্যত্ আন্ন্যে।

কলসীয় 1:9

ইয়েনত্যে তমা পৌইদ্যেনে শুনোনার্ পরেত্তুন ধুরি আমি নিত্য তমাত্যে তবনা গুরির্। আত্মিক জ্ঞান আর বুদ্ধিলোই যেন তুমি গোজেনর্ আওজ্‌চান পুরোপুরি বুঝি পারঅ আমি সিয়েনই গোজেন ইধু মাগির্।

১ থিষলনীকীয় 4:3

গোজেনর্ আওজ্‌চান ইয়েন-তুমি পবিত্র অ, অত্তাৎ নানান্ বাবোত্যে সিনেলীত্তুন্ দূরোত্ থাগঅ,

১ থিষলনীকীয় 5:18

আর যে কনঅ অবস্থাত্ গোজেনরে ভালেদি জানেয়ো; কিয়া খ্রীষ্ট যীশুর মাধ্যমে তমাত্যে সিয়েনই গোজেনর্ আয়োজ।

ইব্রীয় 1:14

স্বর্গদূত্‌‌‌তুনে কি বেক্কুনে সেবাগুরিয়্যে আত্মা নয়? যিগুনে পাপত্তুন্ উদ্ধোর্ পেবাক্ তারারে সেবা গুরিবাত্যে দঅ তারারে দিপাধা অয়।

ইব্রীয় 10:36

তমাত্তুন্ থির্ থানা দরকার, যাতে গোজেনর্ আওজ্ মজিম কাম গরানার্ পরেদি গোজেনে যিয়েন দিবাত্যে এগেম্ গোজ্জ্যে সিয়েন তুমি পঅ;

ইব্রীয় 10:7

যেরেদি মুই কলুং, ‘এইয়্যে দঅ, মুই এচ্চ্যং; বোইবোত্ মর্ এজানা পৌইদ্যেনে লেঘা আঘে। ও গোজেন, তর্ আওজ্‌‌চান পালেবাত্যে মুই এচ্চ্যং।’ ”

ইব্রীয় 13:21

যিয়েনি গম সিয়েনিলোই তে তার্ আওজ্ মজিম চলিবাত্যে তমারে পুরোপুরি যুক্কোল্ গোরোক্। তার্ চোগেদি যিয়েন গম্ যীশু খ্রীষ্টর্ মাধ্যমে আমা রিবেঙত্ তে সিয়েনই গোরোক্। উমরত্যে গোজেনর্ বাঈনী গরা ওক্‌। আমেন।

১ পিতর 2:15

গোজেনর্ আওজ্‌ ইয়েন, তুমি যেন গম কাম গুরিনে অঘা মানুচ্চুনোর বুদ্ধি-নেইয়্যে কধাবাত্তা বন্ধ গুরি দুয়ো।

১ পিতর 4:2

সিয়েনত্যে এই জগদর্ বাগি জিংকানিগান তে আর জগদর্ কামনা-বাসনা ঈল্ মারেইনে ন-কাদায়, বরং গোজেনর্ আওজ্‌ পালেইনে কাদায়।

ফগদাং পেইয়্যে 11:15

যেরেদি সাত-লম্বর স্বর্গদূত্‌তো তা তূরীবো বাজেল। সেক্কে স্বর্গত্ দাঙর্ দাঙর্ গুরিনে কুয়ো অলঅ, “জগদর্ রেজ্যগান ইক্কিনে আমার প্রভু আর তার্ মশীহর ওইয়্যে।

ফগদাং পেইয়্যে 12:10

সে পরেদি মুই স্বর্গত্তুন্ দাঙর্ দাঙর্ গুরি একজনরে কধে শুনিলুং, ইক্কিনে উদ্ধোর্, খেমতা আর আমার গোজেনর্ রেজ্য আর তার্ মশীহর খেমতা লুম্মেগি, কিয়া যিবে আমা ভেইবোরে দুষ্ দিদো তারে স্বর্গত্তুন্ ফেলেই দিয়্যে ওইয়্যে। আমা গোজেন মুজুঙোত্ তে দিন-রেত্ তারারে দুষ্ দেগেদ।

ফগদাং পেইয়্যে 19:6

সে পরেদি মুই ভালোক্কুন্ মান্‌জ্যর্ ঝাগঅ রঅ, জোরে বেঈ যেইয়্যে গঙার পানি রঅ আর জোরে দেবা পেরাগ রঅ ধোক্ক্যেন গুরি কোইয়্যে এ কধাগান শুনিলুং, “হাল্লেলূয়া! আমার বেগত্তুন্ খেমতাবলা প্রভু গোজেনে রাজাগিরি গরানা আরাম্ভ গোজ্জ্যে।

ফগদাং পেইয়্যে 20:4

সিয়েন পরেদি মুই কদক্কানি সিংহাসন দেগিলুং, আর যিগুনে সিয়েনি উগুরে বৈ এলাক্ তারা আঢত্ বিচের গুরিবার খেমতা দিয়্যে ওইয়্যে। গোজেনর্ কধা আর যীশুর শিক্ষ্যে মজিম চলানার্ কারনে যিগুনোর মাঢাগুন কাবি ফেলা ওইয়্যে, মুই তারার্ আত্মাগুনোরে দেগিলুং। তারা সেই য়েমান্নোরে বা তা মূত্তিবোরে পূজো ন-গরন আর কবালত্ বা আঢত্ তা চিহ্নোগান ন-মানন্। তারা জেদা ওই উদিলাক্ আর এক আজার বজর্ ধুরিনে খ্রীষ্ট সমারে রাজাগিরি গুরিলাক্।