মথি লেখ্যে গম্ হবর্ 5:8 - Chakma Bible

⁸ যিগুনোর্ মনানি দোল্ তারা বর্‍‍‍পেইয়্যে, কিয়া তারা গোজেনরে দেগিবাক্।

মথি লেখ্যে গম্ হবর্ 5:8 ပူးပေါင်းရင်းမြစ်များ

পত্থম 32:30

সেক্কে যাকোবে সে জাগান নাঙান রাগেল পনূয়েল (যিয়েনর্ ভেদ্‌তান্ “গোজেন মু”)। তে কলঅ, “মুই গোজেনরে মুজুঙো-মুজুঙি দেগিনেয়ো বাঁজি আগং।”

২ শমূয়েল 22:27

সিজিগুনোর লগে সিজি বেবহার গর্‌, আর কুজুরোমিগুনোরে দেগা তঅ বুদ্ধির্‌ চালাগি।

গীতসংহিতা 15:2

তেয়ই যগাজ্যে, যিবে গমেডালে জিংকানি কাদায়, গম কাম্ গরে, মনত্তুন্ সত্য কধা কয়,

গীতসংহিতা 18:26

গম্ মানুচ্চুনো সমারে গম্ বেবহার গর্, আর কুজুরোমিগুনোরে দেগা তর্ বুদ্ধির্ খেলা।

গীতসংহিতা 24:4

বানা তেয়ই যগাজ্যে, যিবের্ আঢ্‌‌তান্ নিদ্দুজি, মনান্ দোল্, মনান্ মিজে কধা ইন্দি নয়, আর মুয়োদি নেই মিজে শমক্।

গীতসংহিতা 51:10

ও গোজেন, তুই মইদু দোল্ মন-মানসিক্ গুরি দে; মর্ মনান্ আরঅ থির্ গুরি দে।

গীতসংহিতা 51:6

তুই মনান ভিদিরে সত্যগান দেগিবাত্তে চাজ্; তুয়ই মর্ মনানর্ গভীনোত্ জ্ঞানান্ দে।

গীতসংহিতা 73:1

যিগুনোর মনানি দোল্ সে ইস্রায়েলীয়গুনোর তপ্পেন্দি গোজেনে ঘেচ্চেক্‌গুরি ভালেদি গরে।

গম্ উপদেজ্ 22:11

যে মানুচ্চো গম্ মনান্ কোচ্‌পায় আর দোয়্যে-মেয়্যে কধাবাত্তা কয় তে রাজার সমাজ্যে অয়।

প্রেরিত্‌ 15:9

তে আমারে আর তারা ভিদিরে যুদো বিলিনে কিচ্চু ন-থয়, কিয়া তারা বিশ্বেজ্ গোজ্যন্ বিলিনে তে তারা মনানিয়ো সাব্ গোজ্যে।

১ করিন্হীয় 13:12

আমি ইক্কিনে যেন আনাত্ গমেডালে ন-দেগির্, মাত্তর্ সেক্কেনে মুজুঙো-মুজুঙি দেগিবোং। মুই ইক্কিনে যিয়েন হবর্ পাং সিয়েন পুরো নয়, মাত্তর্ গোজেনে মরে যেবাবোত্যেগুরি হবর্ পায় সেক্কে মুই সেবাবোত্যেগুরি পুরোপুরি গুরি হবর্ পেইম্।

২ করিন্হীয় 7:1

কোচ্‌পেইয়্যে সমাজ্যেগুন, আমাত্যে এ বেক্‌ এগেমানি গরা আঘে বিলিনে এজঅ, আমি কিয়্যে আর মনর্ বেক্‌ অসিজিয়ানিত্তুন্ নিজোরে সিজি গুরিই আর গোজেন উগুরে ভক্তিগুরি দোরেইনে পুরোপুরি পবিত্রতার্ পধেদি উজেই যেই।

তীত 1:15

যিগুনোর্ মনানি সিজি তারা ইধু বেক্কানি সিজি, মাত্তর্ যিগুনোর্ মনানি কুজুরো আর যিগুনে অবিশ্বেজি তারা ইধু কিচ্চু সিজি নয়; এন্‌ কি, তারার্ মনানি আর বিবেক্‌কান্‌অ কুজুরো‌।

ইব্রীয় 10:22

সেনত্যে বিশ্বেজর্ মাধ্যমে যে নিচ্চয়তাগান এজে, এজঅ, আমি সেই পুরোপুরি নিচ্চয়তাগানর্ খাটি রিবেঙোই গোজেন মুজুঙোত্ যেই; কিয়া দুষি বিবেগ আঢত্তুন্ আমা রিবেঙানরে লো ছিদিনেই সিজি গরা ওইয়্যে আর পন্ পানিলোই আমা কিয়্যেগানিরে ধূয়ো ওইয়্যে।

ইব্রীয় 12:14

বেক্‌ মানুচ্চুনো সমারে সুগে-শান্দিয়্যে থাগদে আর পবিত্র অবাত্যে আয়োজি অ।

ইব্রীয় 9:14

মাত্তর্ যে উমর্‌অ পবিত্র আত্মালোই গোজেন ইধু নিজোরে থুদো নেইয়্যে উৎসর্ব ইজেবে দান গুরিলো সেই যীশুর লো-গানে আমা বিবেগরে ফল-নেইয়্যে কামত্তুন্ আরঅ কত্তমান বেশ্ গুরি সিজি গুরিবো, যেনে আমি জেদা গোজেনর্ সেবা গুরি পারিই!

যাকোব 3:17

মাত্তর্ যে জ্ঞানান্ স্বর্গত্তুন্ এজে সিয়েন পত্তমে খাটি, সে পরেদি শান্তিলোই ভরা; সিয়েনত্ থায় সোজ্জ্যগুণ্ আর নম্রতা; সিয়েন দোয়্যে আর গম কামত্ ভরা, থির্ আর ভন্ডামী-নেইয়্যে।

যাকোব 4:8

গোজেন ইধু উজেই যঅ, সালে তেয়ো তমা ইন্দি উজেই এবঅ। পাপীগুন্, তুমি নিজোরে সাব্ গরঅ। দ্বিমনা মানুচ্চুন, তমা মনানি খাটি গরঅ।

১ পিতর 1:22

ইক্কিনে সত্যগানরে মানি লোইনে তুমি তমার মনানরে সিজি গোজ্জ্য, আর সেনত্যে বিশ্বেজি ভেইয়ুনে তমা ইধু এদক্ পরাণর্। সেনত্যে কঙত্তে, তুমি একজন আরেকজনরে মনে-পরাণে গভীন্ গুরিনে কোচ্‌পেইয়ো।

ফগদাং পেইয়্যে 22:4

তারা তা মুয়োন দেগিবাক্ আর তা নাঙান্ তারার্ কবালত্ লেগা থেবঅ।