মথি লেখ্যে গম্ হবর্ 5:7 - Chakma Bible

⁷ যিগুনে দোয়্যেলু তারা বর্‍‍‍পেইয়্যে, কিয়া তারা দোয়্যে পেবাক্।

মথি লেখ্যে গম্ হবর্ 5:7 ပူးပေါင်းရင်းမြစ်များ

২ শমূয়েল 22:26

তুই দোয়্যেলুগুনোর লগে দোয়্যের্‌ বেবহার গর্‌, নিদ্দুজীগুনোর লগে নিদ্দুজী বেবহার গুরিচ্,

গীতসংহিতা 112:4

যে মনেদি দোল্ তাত্তে আন্ধারত্‌অ পহর্ দেগে, কিত্তে তে দোয়্যে-মেয়্যেলোই ভরা আর গম।

গীতসংহিতা 112:9

তে গম মনে নাদা মানুচ্চুনোরে দান গোজ্যে; তার গম কামানি উমরত্যে থিদেবর্ গোজ্যে। তার খেমতা আর সর্মানান বাড়িবো।

গীতসংহিতা 18:25

ও লগেপ্রভু, তুই বিশ্বেজিগুনো সমারে বিশ্বেজি বেবহার গর্, নিদ্দুষিগুনো সমারে নিদ্দুযি বেবহার গর্,

গীতসংহিতা 37:26

গোজেন ভক্তগুনে আমিঝে দোয়্যেলু অন্ আর উদোর্ দুয়োন্; তারার্ বংশধরুনে আশিদবাদ্ পেবাক্।

গম্ উপদেজ্ 11:17

দোয়েলু মান্‌জ্যে নিজোর উপকার গরন্, মাত্তর্ চিৎনপুজ্যে মান্‌জ্যে নিজোর ক্ষতি গরন্,

গম্ উপদেজ্ 11:25

যে খুলো আঢে দান গরে তার ভালেদি অয়; যে অন্যরে সাহায্য গরে তে নিজেয়ো সাহায্য পায়।

গম্ উপদেজ্ 14:21

যে তার পাড়াল্যেবোরে ঈচ্ গরে তে পাপ গরে, মাত্তর্ যে অভাবিগুনোরে দোয়্যে গরে তে বর্ পেইয়্যে।

গম্ উপদেজ্ 19:17

যে মান্‌জ্যে নাঢা মান্‌জ্যরে দোয়্যে গরে তে লগেপ্রভুরে উদোর্ দে; লগেপ্রভু তার সে উপকারর ফল্ দিবো।

যিশাইয় 57:1

গম্ মানুচ্চুনে যে ভস্ত ওই যাদন্ সিন্দি কনজনে মনান্ ন-দুয়োন। গোজেন ভক্ত মানুচ্চুনোরে নেযা অর্, মাত্তর্ কনজনে বুঝি ন-পারদন্, ভান্ন্যেয় আঢত্তুন্ রোক্ষ্যে গুরিবাত্তে তারারে নেযা অর্।

দানিয়েল 4:27

সেনত্তে ও মহারাজ, তুই মঅ সল্লাগান ধর্। তুই ন্যায় কাম্ গুরিনে আর নাঢাগুনো উগুরে দোয়্যেলু ওইনে তর্ পাপ আর অন্যেয়ানি ছাড়ি দে। সালে অয়ত তর্ গম্ অবস্থা থির্ থেবঅ।”

হোশেয় 1:6

পরেদি গোমরে আরঅ পিদিলী অলঅ সেক্কে তার এক্কো ঝি অলঅ। সেক্কে লগেপ্রভু হোশেয়রে কলঅ, “তুই ঝিবোর্ নাঙান্ লো-রুহামা রাগা (যিয়্যেনর ভেদ্‌তান্ ‘দোয়্যে ন-পেইয়্যে’), কিত্যে ইস্রায়েল মানুচ্চুনোরে আর মুই দোয়্যে ন-গুরিম, কনঅ বাবদে তারারে খেমা ন-গুরিম।

হোশেয় 2:1

তমা ভেইয়ুনোরে তুমি কবা অম্মি (যিয়েনর্ ভেদ্‌তান্ মঅ মানুচ্) আর বোনুনোরে কবা রুহামা (যিয়েনর্ ভেদ্‌‌তান্ দোয়্যের মানুচ্)।

হোশেয় 2:23

মত্তেই মুই তারে দেজত্ বিজ ধোক্ক্যেন গুরি গেজেম্; মুই যিবেরে কোইয়োং, ‘মঅ দোয়্যের মানুচ্ নয়,’ তারে মুই দোয়্যে গুরিম। মুই যিগুনোরে কোইয়োং, ‘মঅ মানুচ্ নয়,’ তারারে মুই কোম, ‘তুমি মঅ মানুচ্’; আর তারা কবাক্, ‘তুয়ই আমা গোজেন।’ ”

মীখা 6:8

ও মানুচ্চো, যিয়েনি গম্ সিয়েনি দঅ তে তরে দেগেয়্যে। ন্যায় কাম্ গরানা, গোজেন উগুরে বিশ্বেজি থেবাত্তে কোচ্‌পানা আর তঅ গোজেন লগে নম্রগুরিনে উদোলোলি রোক্ষ্যে গরানা বাদে লগেপ্রভু তইদু আর কিচ্ছু ন-চায়।

মার্ক 11:25

তুমি যেক্কে তবনা গরঅ সেক্কে কারঅ বিরুদ্ধে যুনি তমার্ কনঅ কধা থায় সালে তারে খেমা গোজ্য, যেন তমার্ স্বর্গর্ বাপ্পো তমারেয়ো পাপ খেমা গুরি পারে।”

লূকে লেখ্যে গম্ হবর্ 6:35

মাত্তর্ তুমি তমা শত্রুগুনোরে কোচ্‌পেয়ো আর তারারে মংগল্ গরঅ। কিজু ফেরৎ পেবার্ আজা ন-রাগেনে উদোর্ দুয়ো। সালে তমাত্তে দাঙর্ বক্‌শিজ্ আঘে, আর তুমি দাঙর্ গোজেনর্ পুয়ো অবা, কারন তে অকৃতজ্ঞ আর পাজিগুনোরেয়ো দোয়্যে গরে।

রোমীয় 11:30

যেধোক্ক্যেন্ তুমি এক সময়োত্ গোজেনর্ অবাধ্য এলা মাত্তর্ যিহূদীগুনোর্ অবাধ্যতার্ কারনে ইক্কিনে গোজেনর্ দোয়্যে পেইয়ো,

১ করিন্হীয় 7:25

গাবুজ্যে মিলেগুনোত্ত্যে প্রভুত্তুন্ কনঅ উগুম মুই ন-পাং। মাত্তর্ গোজেনর্ দোয়্যে পেইনে মুই বিশ্বেজবলা ওইয়োং বিলিনে মঅ কধাগান জানাঙর্।

২ করিন্হীয় 4:1

এই বেবস্থাগানর্ কধা জানিবার ভারান্ গোজেনে দোয়্যে গুরিনে আমারে দিয়্যে বিলিনে আমি আজা ন-আরেই।

ইফিষীয় 4:32

তুমি একজন আরেক জন উগুরে দোয়্যেলু অ, অন্যর্ দুঘে দুঘি অ, আর গোজেনে যেবাবোত্যে গুরি খ্রীষ্টর্ মাধ্যমে তমারে খেমা গোজ্জ্যে সেধোক্ক্যেন গুরি তুমিয়ো একজন আরেক জনরে খেমা গরঅ।

কলসীয় 3:12

ইয়েনত্যে গোজেনে যিগুনোরে বেঈ লোইনে নিজোত্যে জুদো গুরি থোইয়্যে তার্ সেই কোচ্‌‌পেইয়্যে মানুচ্‌ ইজেবে তুমি মনেদি মেয়্যে, দোয়্যে, নম্রতা, নরম-খাচ্চ্যত্ আর ধৈজ্জ্য দিইনে নিজোরে সাজঅ।

১ তীমথিয় 1:13

যুনিয়ো মুই আগে খ্রীষ্টরে বদ্‌নাঙ গত্তুং আর অত্যেচারী আহ্ ভান্ন্যেইরাগী এলুং তো মরে তে এ কামত্ বেঈ লোইয়্যে। মরে তে দোয়্যে গোজ্জ্যে, কিয়া মর্ অবিশ্বেজত্যে মুই হবর্ ন-পেইনে সিয়েনি বেক্কানি গত্তুং।

১ তীমথিয় 1:16

আর সেনত্যে গোজেনে মরে দোয়্যে গোজ্জ্যে, যেন আজল্ পাপী যে মুই, মর্ মাধ্যমে খ্রীষ্ট যীশু তার্ ধৈজ্জ্যগান্ দেগেই পারে। তা উগুরে বিশ্বেজর্ কারনে যিগুনে উমর্‌অ জিংকানি পেবাক্ তারা যেন মরে দেগিনে শিগিই পারন্ সেনত্যে তে মঅ উগুরে এবাবোত্যে গোজ্জ্যে।

ইব্রীয় 4:16

সেনত্যে এজঅ, আমি সাহচ্‌ গুরিনে গোজেনর্ দোয়্যের্ সিংহাসন মুজুঙোত্ উজেই যেই, যেন দরকার মজিম সিয়েনত্তুন্ আমি তার্ মেয়্যে আর দোয়্যে পেই পারিই।

ইব্রীয় 6:10

গোজেনে দোল্ বিচেরক্; সেনত্যে তমা কামানি আর তা মানুচ্চুনোরে সেবা-যত্তন্ গুরিনে তুমি তারে যে কোচ্‌পানা দেগেয়ো আর দেগর্, সিয়েন তে ভুলি ন-যেবঅ।

যাকোব 2:13

কিয়া যে দোয়্যে ন-গরে, বিচেরর্ সময়োত্ তেয়ো দোয়্যে ন-পেবঅ। বিচের উগুরে দোয়্যেগানে জিদিবো।

যাকোব 3:17

মাত্তর্ যে জ্ঞানান্ স্বর্গত্তুন্ এজে সিয়েন পত্তমে খাটি, সে পরেদি শান্তিলোই ভরা; সিয়েনত্ থায় সোজ্জ্যগুণ্ আর নম্রতা; সিয়েন দোয়্যে আর গম কামত্ ভরা, থির্ আর ভন্ডামী-নেইয়্যে।

১ পিতর 2:10

এক সময়োত্ তুমি গোজেনর্ মানুচ্‌ ন-এলা, মাত্তর্ ইক্কিনে ওইয়ো; এক সময়োত্ তুমি দোয়্যে ন-পঅ, মাত্তর্ ইক্কিনে পেইয়ো।