মথি লেখ্যে গম্ হবর্ 5:39 - Chakma Bible

³⁹ মাত্তর্ মুই তমারে কঙর্, তমা সমারে যে কনজনে ভান্ন্যেই বেবহার গরে তা বিরুদ্ধে কিচ্চু ন-গোজ্য; বরং যে কনজনে তঅ ডেন্ গালত্ চুয়োড়্ মারে তারে বাঙ্‌অ গালানত্অ চুয়োড়্ মারিবাত্তে দিস্।

মথি লেখ্যে গম্ হবর্ 5:39 ပူးပေါင်းရင်းမြစ်များ

১ রাজাবলী 22:24

সেক্কে কনানার পূঅ সিদিকিয় যেইনে মীখায়ের গালত্‌ চুয়োর্‌ মারিনে কলঅ, “লগেপ্রভুর আত্মাগান তঅ লগে কধা কবাত্তে মত্তুন্‌ নিগিলি এইনে কন্‌ পধেন্দি যেইয়্যে?”

ইয়োব 16:10

মরে ঠাট্টা গুরিবাত্তে মান্‌জ্যে মুয়োন্‌ খুল্যন্‌; ঘিনেইনে তারা মঅ গালানত্‌ চুয়োর্‌ মাজ্যন্‌ আর মঅ বিরুদ্ধে একলগে এগত্তর্‌ অন্‌।

গম্ উপদেজ্ 20:22

তুই ন-কোজ্, “এ অন্যেয়ানর হেনা শুজিম্।” লগেপ্রভুত্তে বাজ্জেই থাগ্, তে সেই দজানত্তুন্ তরে রোক্ষ্যে গুরিবো।

গম্ উপদেজ্ 24:29

এ কধাগান ন-কোইয়ো, “তে তঅ উগুরে যেধোক্ক্যেন গোজ্যে মুইয়ো তা উগুরে সেধোক্ক্যেন্ গুরিম; তে যিয়েন গোজ্যে তা ফল তারে দিম্।”

যিশাইয় 50:6

যিগুনে মরে মাজ্যন্ মুই তারা ইদু মঅ পিঠ্‌তান পাদি দুয়োং আর যিগুনে মঅ দাড়িগানি উগুরেয়োন তারা ইদু মঅ গালান্ পাদি দুয়োং। যেক্কে মরে অগমান গরন্ আর মঅ উগুরে সেফ্ ফেলা ওইয়্যে সেক্কে মুই মঅ মুয়োন নাঢি ন-রাগাং।‌

আবিলেচ্ 3:30

যে তারে মাজ্যে তাইদু তে গালান্ পাদি দুয়োক্, নিজোরে অগমান পেবাত্তে দুয়োক্।

লেবীয় 19:18

হেনা চুযোনা ন-চলিবো, বা কারঅ‌ বিপক্ষে মন ভিদিরে ইংসের্‌ মনভাব পুযি রাগানা ন-চলিবো। বেক্‌ মানুচ্চুনোরে নিজো ধোক্ক্যেন গুরি কোচ্‌পা-পুরিবো। মুই লগেপ্রভু।

মীখা 5:1

ও সৈন্যদল্লোই ঘিরে হেইয়্যে শঅরান্, তঅ সৈন্যদল্লো সাজা, কিত্যে আমা বিরুদ্ধে এক্কান ঘিরে অর্। শত্রুগুনে ইস্রায়েলর শাজন্‌গুরিয়্যেবোর্ গালত্ লুদিক্কোই আঘাত্ গত্তন্।

মথি লেখ্যে গম্ হবর্ 5:40

যে কনজনে তঅ সিলুম্মো নিবাত্তে মগদ্দমা গুরিবাত্তে চায় তারে তর্ কাবরান্অ নিবাত্তে দিস্।

লূকে লেখ্যে গম্ হবর্ 22:64

তারা যীশু চোগ্‌কুন্ বানিনে কলাক্, “কঅ দে চেই, কন্না তরে মারিলো?”

লূকে লেখ্যে গম্ হবর্ 6:7

ধর্ম-মাষ্টরুনে আর ফরীশীগুনে যীশুরে দুষ্ দিবাত্তে এক্কান্ সুযোগ তগাদন্। সেনত্তে জিরেবার্ দিনোত্ তে কাররে গম্ গরে না হি সিয়েন্ চেবাত্তে তারা তা উগুরে গমেডালে খিয়েল্ গরা ধুরিলাক্।

যোহন 18:23

যীশু তারে কলঅ, “মুই যুনি বজং কিজু কোই থাং সালে সিয়েন্ দেগেই দে। মাত্তর্ যুনি গম্ কোই থাং সালে কিত্ত্যে মরে মারর্?”

১ করিন্হীয় 6:7

আসলে তুমি যে একজন অারেক জন বিরুদ্ধে মামলা-মগদ্দমা গরর্ সিয়েন্দোই ইয়েন প্রমাণ অত্তে যে, তুমি উদি যেয়ো। সিয়েনত্তুন্ বরং অন্যেয়ানি সোজ্জ্য ন-গরঅ কিত্ত্যে? ন-ঠুগিলা কিত্ত্যে?

১ থিষলনীকীয় 5:15

চেইয়ো, অন্যেয়র্ বদলে কেঅ যেন অন্যেয় ন-গরন্। তুমি নিত্য একজন আরেকজনরে, এমন কি, অন্য বেক্কুনোর্ ভালেদি গুরিবার চেষ্টা গরঅ।

ইব্রীয় 12:4

পাপর্ বিরুদ্ধে যুদ্ধো গত্তে গত্তে তমার দঅ এজঅ লো ঝরেদে ধোক্ক্যেন অবস্থা ন-অয়।

যাকোব 5:6

তুমি নিদ্দুজিগুনোরে দুযি গোজ্জ্য আর মারে ফেল্ল্য, আর তারা তমারে মানা ন-গরন্।

১ পিতর 3:9

অন্যেয়র্ বদলে কার উগুরে অন্যেয় ন-গোজ্জ্য বা কেঅ গেইল্‌ দিলে তারে ফিরেইনে গেইল্‌ ন-দুয়ো, বরং তারাত্যে বর্ মাখ্য; কিয়া আশিদ্‌বাদ পেবাত্যে গোজেনে তমারে ডাক্ক্যে।