মথি লেখ্যে গম্ হবর্ 5:35 - Chakma Bible

³⁵ পিত্‌থিমীগান নাঙে ন-গোজ্য, কিয়া সিয়েন তার টেঙ্ থবার্ জাগা। যিরূশালেম নাঙে ন-গোজ্য, কিয়া সিয়েন দাঙর্ রাজার শঅর্।

মথি লেখ্যে গম্ হবর্ 5:35 ပူးပေါင်းရင်းမြစ်များ

২ বংশধর 6:6

মাত্তর্‌ ইক্কিনে মর্‌ থেবার্‌ জাগা ইজেবে মুই যিরূশালেমানরে বেঈ লোইয়োং আর মর্‌ মানুচ্‌ ইস্রায়েলীয়গুনোরে শাজন্ গুরিবাত্তে দায়ূদোরে বেঈ লোইয়োং।

গীতসংহিতা 48:2

গোজেনর থেবার জাগায়ান সেই সিয়োন মুড়োবো, অজলত্ বানেয়্যে দাঙর্ রাজার সে শঅরান চাদে দোল্; গোদা দুনিয়াগানরে সিয়েনে হুজিয়ে রাগায়।

গীতসংহিতা 87:2

যাকোব-বংশর অন্য বেক থেবার জাগানিত্তুন্ তে সিয়োনর গেট্টুন কোচ্‌পায়।

গীতসংহিতা 99:5

আমা গোজেন লগেপ্রভুর বাঈনী গর; তা টেঙ্ থইদ্যে মুজুঙোত্ মাদা নিগিরিনে তারে জু জু জান; তে পবিত্র।

যিশাইয় 66:1

লগেপ্রভু কত্তে, “স্বর্গগান মর্ সিংহাসন আর পিত্‌থিমীগান মর্ টেঙ্ থবার জাগা। তুমি মত্তে কুদু ঘর বানেবা? মর্ জিরেবার জাগায়ান কুদু অবঅ?‌

মালাখি 1:14

যিবের্ য়েমান পাল ভিদিরে যগাজ্যে মরদ য়েমান্ আগন্ আর তে সিবে দিবাত্তে মানত্ গোজ্যে মাত্তর্ সে পরেদি এক্কো থুদো য়েমান্ লগেপ্রভুর নাঙে উৎসর্ব গোজ্যে, তে দঅ দগাবাঁজি। তা উগুরে অভিশাব্ পোড়োক্। মুয়ই দাঙর্ রাজা আর বেক্ জাদ্‌‌‌‌তুনে মরে দরান্। মুই বেগত্তুন্ খেমতাবলা লগেপ্রভু এ কধাগান কঙর্।”

মথি লেখ্যে গম্ হবর্ 5:36

তঅ মাঢাবো নাঙে ন-গুরিচ্, কিয়া তার্ এক্কান চুল ধুব্ কি কালা গুরিবার খেমতা তর্ নেই।

প্রেরিত্‌ 7:49

প্রভু কয়, স্বর্গ মর্ সিংহাসন, পিত্‌‌থিমীগান মর্ টেং থবার্ জাগা; মত্তে কিবাবোত্যে ঘর্ তুমি বানেবা? মর্ জিরেবার জাগায়ান্ কুদু অবঅ?

ফগদাং পেইয়্যে 21:10

যেরেদি সেই স্বর্গদূত্‌তো মরে এক্কো দাঙর্ আর অজল্ মূড়োত্ নেযেল। সেক্কে মুই পবিত্র আত্মায় পরিচালিত এলুং। গোজেনর্ মহিমালোই জ্বোল্‌জোল্ল্যে যে পবিত্র শঅরান যিরূশালেম স্বর্গর্ ভিদিরেত্তুন্ আর গোজেনত্তুন্ লামি এজের্ তে মরে সিয়েন দেগেল।

ফগদাং পেইয়্যে 21:2

যেরেদি মুই সেই পবিত্র শঅরানরে, অত্তাৎ নুয়ো যিরূশালেমানরে স্বর্গ ভিদিরেত্তুন্ আর গোজেন ইত্তুন লামি এত্তে দেগিলুং। বৌরে যেধোক্ক্যেন গুরি তা জামেইবোত্যে সাজা অয়, এই শঅরানরেয়ো ঠিগ্ সেধোক্ক্যেন গুরি সাজা ওইয়্যে।