মথি লেখ্যে গম্ হবর্ 5:30 - Chakma Bible

³⁰ যুনি তঅ ডেন্ আঢ্‌তানে তরে পাপ পধেদি টানে সালে সিয়েন্ কাবি ফেলেই দে। তর্ গোদা কিয়্যেগান্ নরগত্ যানাত্তুন্ বরং এক্কান বর্‍‍‍‍‍বাদ্ অনা তঅ পক্ষে গম্।

মথি লেখ্যে গম্ হবর্ 5:30 ပူးပေါင်းရင်းမြစ်များ

মথি লেখ্যে গম্ হবর্ 11:6

আর তেয়ই বর্‌পেইয়্যে যে মরে নিইনে মনত্ কনঅ সন্দেহ ন-গরে।”

মথি লেখ্যে গম্ হবর্ 13:21

মাত্তর্ তারা ভিদিরে শিঙোরান্ গমে ডালে ন-বজে বিলি তারা কানক্কনত্তে থির্ থান্। যেক্কে সে কধানিত্তে দুঘ্ আর অত্যেচার্ এজে সেক্কে তারা পিজেদি যান্।

মথি লেখ্যে গম্ হবর্ 16:23

যীশু ফিরিনে পিতররে কলঅ, “মঅ কায়-কুরেত্তুন দূর অ, শদান্। তুই মর্ পথ্তানর্ কাদা। যিয়েন গোজেনর্ সিয়েন তুই ন-ভাবর্ মাত্তর্ যিয়েন মান্‌জ্যর্ সিয়েন ভাবর্।”

মথি লেখ্যে গম্ হবর্ 17:27

মাত্তর্ আমা বেবহারে খাজানা-তুলিয়্যেগুনে যেন অগমান্ ন-পান্ ইয়েনত্তে তুই সাগরত্ যেইনে বুড়্‌শি ফেলা, আর পত্তমে যে মাছ্‌‌চো উদিবো সিবের্ মুয়োন্ খুলিলে এক্কো রূবোর্ দীনার্ পেবে। সিবে লোইনে তর্ আর মর্ খাজানাগুন্ দি আয়।”

মথি লেখ্যে গম্ হবর্ 18:8

তঅ আঢ্‌তানি বা টেঙানিয়ে যুনি তঅ বিশ্বেজ্‌চান আরেই দে সালে সিয়েনি কাবিনে ফেলেই দে। দ্বিয়েন্ আঢ্ আর দ্বিয়েন্ টেঙোই জনমত্তে আগুনোত্ পড়ানাত্তুন্ বরং লেং বা আঢুড়্ ওইনে জিংকানিত্ সমানা তত্যেই গম্।

মথি লেখ্যে গম্ হবর্ 22:13

সেক্কে রাজা চাগরুনোরে কলঅ, ‘ইবের্ আঢ্-টেঙানি বানিনে বারেদি আন্ধারত্ ফেলেই দুয়ো। সেই জাগানত্ মান্‌জ্যে কানাকুদি গুরিবাক্ আর যন্ত্রণালোই দাত্ কামেরেবাক্।’ ”

মথি লেখ্যে গম্ হবর্ 25:20

যে চাগর্‌বো পাচ্ আজার্ দীনার্ লোইয়্যে তে আরঅ পাচ্ আজার্ টেঙালোই এইনে কলঅ, তুই মরে পাচ্ আজার্ দীনার্ দুয়োচ্। চাহ্, মুই আরঅ পাচ্ আজার্ দীনার্ লাভ্ গোজ্যং।

মথি লেখ্যে গম্ হবর্ 26:31

পরেদি যীশু তা শিচ্চ্যগুনোরে কলঅ, “এচ্চ্যে রেদোত্ মরে নিইনে তমা বেক্কুনো মনত্ মানা এবঅ। পবিত্র বোইবোত্ লেগা আঘে, ‘মুই গরগ্‌কোরে মারে ফেলেম্, সেক্কে পাল ভেড়াগুন্ ছিদি পড়িবাক্।’

মথি লেখ্যে গম্ হবর্ 5:22

মাত্তর্ মুই তমারে কঙর্, যে কনজনে তা ভেইয়ো উগুরে রাগ্ গরে তে বিচেরর্ দায়ত্ পড়িবো। যে কনজনে তা ভেইয়োরে কয়, তুই বেকুব্, তে দাঙর্ তেম্মাঙর্ বিচেরর্ দায়ত্ পড়িবো। আর যে তা ভেইবোরে কয়, তুই বিবেক্ নেইয়্যে, তে নরগ আগুনো দায়ত্ পড়িবো।

মথি লেখ্যে গম্ হবর্ 5:29

তঅ ডেন্ চোগ্‌কো যুনি তরে পাপ পধেদি টানে সালে সিবে নিগিলেইনে দূরোত্ ফেলেই দে। তর্ গোদা কিয়্যেগান নরগত্ পড়ানাত্তুন্ বরং সিগুনোর্ এক্কো বর্‍‍‍বাদ্ অনা তঅ পক্ষে গম্।

মার্ক 9:43

তঅ আঢ্‌‌‍তানে যুনি তরে পাপ পধেদি টানে সালে সিয়েন্ কাবি কাবিনে ফেলেই দে। দ্বিয়েন আঢ্‌তোই নরগত্ যানাত্তুন্ বরং লুলো ওইনে জিংকানিত্ সমানা তঅ পক্ষে গম্।

লূকে লেখ্যে গম্ হবর্ 12:5

কারে দোরেবা মুই তমারে সিয়েন্ কোই দোঙর্। তমারে মারে ফেলেবার্ পরেদি নরগত্ ফেলে দিবার্ খেমতা যার্ আঘে তারেই দোরেয়ো। অয়, মুই তমারে কঙর্, তারেই দোরেয়ো।

লূকে লেখ্যে গম্ হবর্ 17:2

এই চিগোনুনো ভিদিরে যুনি কেঅ পাপ পধেদি নেযায়, সালে তা তদাবোত্ দাঙর্ পাত্তর্ বানিনে তারে সাগরত্ ফেলেই দেনা বরং তাত্যেই গম্।

রোমীয় 9:33

এ পৌইদ্যেনে পবিত্র বোইবোত্ লেগা আঘে, চঅ, মুই সিয়েনত্ এন্ এক্কো পাত্তর্ থোইয়োং যেনে মান্‌‌‌জ্যে উজোত্ খান্ আর যিবে মান্‌‌‌জ্যর্ উজোত্ হেবার্ অয়। মাত্তর্ যে সিবে উগুরে বিশ্বেজ্ গরে তে আজা ন-অারেব।

১ করিন্হীয় 8:13

হানাত্তে যুনি মঅ ভেইবো পাপত্ পড়ে সালে মঅ ভেইবো যাতে পাপত্ ন-পড়ে সেনত্তে মুই য়েরা হানা ছাড়ি দিম।

গালাতীয় 5:11

ভেইলগ্, মুই যুনি এজঅ প্রচার গরং, মানুচ্চুনোরে চুনু মাঢা কাবানা উচিত সালে কিত্ত্যে মরে এজঅ অত্যেচার্ গরা অর্? ক্রুশো উগুরে খ্রীষ্টর্ মরণর্ মানা দঅ সালে দূর্ ওই যেইয়্যে।

১ পিতর 2:8

আরঅ বোইবোর্ এ কধাগান্অ খাদে, সিবে এমন্‌ পাত্তর্ যিবেত্ মান্‌জ্যে উজোত্ হান্, আর যিবেত্ মান্‌জ্যর্ উজোত্ হেবার কারন অবঅ। মান্‌জ্যে গোজেনর্ কধানি অমান্য গরন্ বিলিনে উজোত্ হান্ আর ইয়েনত্যে তারা ঠিগ্ ওইনে আঘন্।