মথি লেখ্যে গম্ হবর্ 5:20 - Chakma Bible

²⁰ মুই তমারে কঙর্, ধর্ম-মাষ্টর আর ফরীশীগুনোর ধার্মিকতাগানত্তুন্ তমার যুনি বেশ্ কিজু ন-থায় সালে তুমি কনবাবদে স্বর্গ-রেজ্যত্ সোমেই ন-পারিবা।

মথি লেখ্যে গম্ হবর্ 5:20 ပူးပေါင်းရင်းမြစ်များ

মথি লেখ্যে গম্ হবর্ 16:12

সেক্কে শিচ্চ্যগুনে বুঝি পারিলাক্, তে রুটির সদাগানত্তুন্ তারারে উজিয়ার্ অবাত্তে ন-কয়, মাত্তর্ ফরীশী আর সদ্দূকীগুনোর শিক্ষ্যেত্তুন্ উজিয়ার্ অবাত্তে কোইয়্যে।

মথি লেখ্যে গম্ হবর্ 18:5

আর যে কেঅ ইবে ধোক্ক্যেন্ কনঅ চিগোন্ গুরোরে মঅ নাঙে ভালেদি জানায় তে মরে ভালেদি জানায়।

মথি লেখ্যে গম্ হবর্ 3:10

গাজ গড়াত্ কুড়োল্ বাজেয়্যে আঘে। যে গাজত্ গম্ ফল ন-ধরে সিবে কাবিনে আগুনোত্ ফেলে দিয়্যে অবঅ।

মথি লেখ্যে গম্ হবর্ 7:21

যিগুনে মরে প্রভু, প্রভু কন্ তারা পত্তিজনে যে স্বর্গ-রেজ্যত্ সোমেই পারিবাক্ সিয়েন নয়, মাত্তর্ মঅ স্বর্গর্ বাপ্পো আওজ্‌চান যে পালায় তেয়ই সোমেই পারিবো।

মার্ক 10:15

মুই তমারে ঘেচ্চেক্‌‌‍গুরি কঙর্, চিগোন পুয়ো-ঝিগুনো ধোক্ক্যেন্ গুরি গোজেনর শাসন মানি ন-নিলে কেঅ কনমতে গোজেন রেজ্যত্ সোমেই ন-পারিবাক্।”

মার্ক 10:25

থাগোইয়্যে মান্‌‌‍জ্যর্ পক্ষে গোজেন রেজ্যত্ সমানাত্তুন্ বরং সূচো কানাবোদি উটোর্ যানা সোজা।”

লূকে লেখ্যে গম্ হবর্ 11:44

তমাত্যে কত্তমান্ দর্‌গরেপারা ! তুমি দঅ চিহ্নো ন-দিয়্যে গৌর ধোক্ক্যেন্। মান্‌‌জ্যে হবর্ ন-পেইয়্যে গুরি সিয়েন উগুরেদি আঢি যান্।”

লূকে লেখ্যে গম্ হবর্ 12:1

এ ভিদিরে আজার্ আজার্ মানুচ্‌ এমন্‌ গুরি থুবেলাক্ যে, তারা ঠেলাঠেলি গুরি একজন অন্যজন উগুরে পত্তন্। সেক্কে যীশু পত্তমে তা শিচ্চ্যগুনোরে কলঅ, ফরীশীগুনোর্ সদাগানিত্তুন্ উজিয়ার্ অ। সেই সদাগান্ অলঅ তারার্ ভন্ডামী।

লূকে লেখ্যে গম্ হবর্ 18:17

মুই তমারে ঘেচ্চেক্‌‌‍গুরি কঙর্, চিগোন পুয়ো-ঝিগুনো ধোক্ক্যেন্ গুরি গোজেনর শাসন মানি ন-নিলে কেঅ কনমতে গোজেন রেজ্যত্ সোমেই ন-পারিবাক্।”

২ করিন্হীয় 3:9

যে বেবস্থাগান্দোই মান্‌জ্যরে দুষী বিলিনে থির্ গরা অয় তার্ কামান যুনি এদক্ মহিমাভরা, মাত্তর্ যে বেবস্থাগান্দোই মান্‌জ্যরে নিদ্দুজি বিলিনে মানি লুয়ো অয় তার্ কামান্ আরঅ কত্তমান্ বেশ্ মহিমাভরা!

২ করিন্হীয় 5:17

যুনি কেঅ খ্রীষ্ট সমারে মিজেই থায় সালে তে নুয়ো গুরিনে সৃট্টি অলঅ। তার্ পুরোণি বেক্কানি ভুলি যেইনে বেক্কানি নুয়ো ওই উত্ত্যে।

ইব্রীয় 12:14

বেক্‌ মানুচ্চুনো সমারে সুগে-শান্দিয়্যে থাগদে আর পবিত্র অবাত্যে আয়োজি অ।

ফগদাং পেইয়্যে 21:27

অসিজি কনঅ কিজু বা জঘন্য কাম গরে বা মিজে কধা কয় এমন কনঅ মানুচ্ সিয়েনত্ সোমেই ন-পারিবাক্; যিগুনোর নাঙানি ভেড়া-ছবোর্ জিংকানি বোইবোত্ লেগা আঘে তারা বানা সিয়েনত্ সোমেই পারিবাক্।