মথি লেখ্যে গম্ হবর্ 5:19 - Chakma Bible

¹⁹ সেনত্তে উগুমানি ভিদিরে চিগোন্ এক্কান উগুম্অ যে কনজনে অমান্য গরে আর মান্‌‌জ্যরে সিয়েনি অমান্য গুরিবাত্তে শিক্ষ্যে দে তারে স্বর্গ-রেজ্যত্ বেগত্তুন্ চিগোন্ বিলি কুয়ো অবঅ। মাত্তর্ যে কনজনে সে উগুমানি মানে আর শিক্ষ্যে দে তারে স্বর্গ-রেজ্যত্ দাঙর্ কুয়ো অবঅ।

মথি লেখ্যে গম্ হবর্ 5:19 ပူးပေါင်းရင်းမြစ်များ

গীতসংহিতা 119:128

তর্ বেক সুদোমানি মুই ঠিগ্ বিলিনে মনে গরং, আর বেক মিজে পধ্‌থানি মুই গম ন-পাং।

গীতসংহিতা 119:6

সালে তঅ বেক্ উগুমানি পালেবাত্তে মুই ন-লাজেম্।

দানিয়েল 12:3

যিগুনোর বুঝিবার খেমতা আঘে, অত্তাৎ যিগুনে ভালোক্ জনরে ন্যায়পদত্ আন্ন্যন্ তারা আগাজ পহ্‌‌‌‌‌র আর জ্বোল্‌‌‌‌‌জোল্যে তারা ধোক্ক্যেন উমরত্যে জ্বোল্‌‌‌‌‌জোল্যে থেবাক্।

মথি লেখ্যে গম্ হবর্ 11:11

মুই তমারে ঘেচ্চেকগুরি কঙর্, মান্‌জ্য ভিদিরে বাপ্তিষ্মদিয়্যে যোহনত্তুন্ দাঙর্ আর কনজন নেই। মাত্তর্ স্বর্গ-রেজ্য ভিদিরে যে বেক্কুনোত্তুন্ চিগোন্ তেয়ো যোহনত্তুন্ দাঙর্।

মথি লেখ্যে গম্ হবর্ 19:28

যীশু তারারে কলঅ, মুই তমারে ঘেচ্চেকগুরি কঙর্, তুমি যিগুনে মঅ শিচ্চ্য ওইয়ো, নুয়ো সিরিষ্টিত্ যেক্কে মান্‌জ্য পুয়োবো তা সর্মানর্ সিংহাসনত্ বুজিবো সেক্কে তুমিয়ো বারগান্ সিংহাসনত্ বুজিবা আর ইস্রায়েলর্ বারবো গুট্টির বিচের্ গুরিবা।

মথি লেখ্যে গম্ হবর্ 20:26

মাত্তর্ তমা ভিদিরে সেধোক্ক্যেন্ অনা উচিত নয়। তমা ভিদিরে যে দাঙর্ অবাত্তে চায় তাত্তুন্ তমার সেবাগুরিয়্যে উয়ো পড়িবো,

মথি লেখ্যে গম্ হবর্ 28:20

মুই তমারে যেদক্কানি উগুম্ দুয়োং সিয়েনি পালেবাত্তে তারারে শিক্ষ্যে দুয়ো। চঅ, যুগোর্ থুম্ সং নিত্য মুই তমা সমারে সমারে আগং।”

লূকে লেখ্যে গম্ হবর্ 1:15

কিয়া প্রভুর্ চোগেদি তে দাঙর্ অবঅ। তে কনদিন্অ আংগুর-রস বা কনঅ বাবোত্যে মদ্ ন-হেবঅ আর মা পেদত্ থাগদে তে পবিত্র আত্মালোই ভর্ পুনোং অবঅ।

লূকে লেখ্যে গম্ হবর্ 11:42

ফরীশীগুন তমাত্যে কত্তমান্ দর্‌গরেপারা! তুমি গোজেনরে পুদিনা, তেজ্‌‌পাদা আর নানান্ বাবোত্যে শাগ্-পাদর্ দশ ভাগর্ এক ভাগ্ দি থাগঅ, মাত্তর্ ন্যায়বিচের্ আর গোজেন উগুরে কোচ্‌‌পানা ইন্দি মনযোগ্ ন-দুয়ো। আগ ইয়েনি পালানা লগে লগে যেরেদিনিয়ো পালানা তমার্ উচিত।

লূকে লেখ্যে গম্ হবর্ 9:48

সে পরেদি তে তারারে কলঅ, “যে কেঅ মঅ নাঙে এ চিগোন্ চিজিবোরে ভালেদি জানায় তে মরে ভালেদি জানায়। যে মরে ভালেদি জানায়, যিবে মরে পাধেয়্যে তে তারেয়ো ভালেদি জানায়। তমা ভিদিরে বেগত্তুন্ যে চিগোন্, তেয়ই দাঙর্।”

প্রেরিত্‌ 1:1

কোচ্‌‌পেইয়্যে থিয়ফিল, যীশুরে স্বর্গত্ তুলি নিবার্ আগেদি সং তে যিয়েনি গোজ্যে আর শিক্ষ্যে দিয়্যে সিয়েনি বেক্কানি মুই মর্ আগঅ বোইবোত্ লেক্ক্যং।

রোমীয় 3:8

গম্ ওইয়্যে, সালে কি আমি এ কধাগান্ কবং, “যেই, আমি ভান্ন্যেই কাম্ গুরিই যাতে সেই ভান্ন্যেয়র্ মাধ্যমে গম্ জিনিস্‌‌‌‌চান এই পারে”? কনঅ কনঅ মান্‌জ্যে আমারে বদ্‌‌নাঙ্ গুরিনে কন্, আমি এ বাবোত্যে কধা কোই থেই। তারার্ পাওনা সাজা তারা পেবাক্।

রোমীয় 6:1

সালে কি আমি ইয়েন্ কবং, গোজেনর্ দোয়্যেগান যেন বাড়ে সেনত্তে আমি পাপ্ গরানাত্ থেবং?

রোমীয় 6:15

মাত্তর্ রীদি-সুদোমর্ অধীনোত্ ন-থেইনে দোয়্যের্ অধীনোত্ ওইয়্যেই বিলি কি আমি পাপ গুরিবোং? খামাক্কায় নয়।

দ্বি’লম্বর বিররণ 12:32

মুই তমারে যেদক্কানি উগুম্‌ দিলুং সিয়েনি বেক্কানি তুমি পালন গুরিবা; ইয়েন সমারে কিজু ন-মিজেবা, আরঅ ইয়েনত্তুন্‌ কিজু বাদঅ ন-দিবা।

দ্বি’লম্বর বিররণ 27:26

সে মানুচ্চো অভিশাব্ খেইয়্যে, যে এই রীদি-সুদোমর্ কধানি পালন ন-গরে আর তার্‌ খেমতাগানরে অস্বীগের্ গরে। সেক্কে বেক্কুনে কবাক, আমেন।

১ তীমথিয় 6:11

মাত্তর্ তুই দঅ গোজেনর্ মানুচ্‌; ইয়েনিত্তুন্ তুই ধেই যা। সৎ জিংকানি, ভোক্তি, বিশ্বেজ্, কোচ্‌পানা, ধৈজ্জ্য আর নরম খাচ্চ্যদত্যে আয়োজি অ।

তীত 3:8

এ কধানি বিশ্বেজ্‌ গুরিবার। মুই চাং, তুই ইয়েনি পৌইদ্যেনে জোর্ দে, যেনে গোজেন উগুরে যিগুনে বিশ্বেজ্ গোজ্জ্যন তারা অন্যগুনোরে উপকার গুরিবার কামত্ নিজোরে লাগি থেবাত্যেই মনানি দুয়োন। মান্‌জ্যর্ পক্ষে ইয়েনি বেক্কানি গম আর উপকারী।

১ পিতর 5:4

সালে যেক্কে আজল্ গরগ্‌কো দেগা দিবো সেক্কে তুমি জিদেনার মালা ইজেবে তার মহিমার ভাগী অবা আর সিয়েন কনদিন্অ কুমি ন-যেবঅ।

১ যোহন 3:4

যিগুনে পাপ গরন্ সিগুনে গোজেনর্ কধা অমান্য গরন্। পাপ অলঅ গোজেনর্ কধা অমান্য গরানা।

ফগদাং পেইয়্যে 2:20

তো তঅ বিরুদ্ধে মর্ এ কধাগান কবার্ আঘেদে, তুই ইষেবল নাঙে সেই মিলেবোর্ অন্যেয় সোজ্জ্য গরর্। এই ইষেবলে নিজোরে ভাববাদী কয়। তা শিক্ষ্যেলোই তে মর্ চাগরুনোরে ভুলোয় যেন তারা বেগেয়্যে গরন্ আর মূত্তি ইধু উৎসর্ব গোজ্জ্যে হানা হান্।

১ শমূয়েল 2:30

“সেনত্তেই ইস্রায়েলীয়গুনোর গোজেন লগেপ্রভু কত্তে, ‘মুই হামাক্কায় কোইয়োঙে, তর্‌ আর তর্‌ পুরোণি মানুচ্চুনোর বংশর মানুচ্চুনে সারা জিংকানিবর্‌ মর্‌ সেবা কাম গুরিবাক্’; মাত্তর্‌ ইক্কিনে লগেপ্রভু কত্তে, ‘সিয়েন আর ন-চলিবো। যিগুনে মরে সর্মান গুরিবাক্ মুই তারারে সর্মান গুরিম আর যিগুনে মরে ঈচ্ গুরিবাক্ তারারে ঈচ্ গরা অবঅ।