মথি লেখ্যে গম্ হবর্ 5:17 - Chakma Bible

¹⁷ এ কধাগান মনে ন-গোজ্য, মুই মোশির্ রীদি-সুদোম আর ভাববাদীগুনোর্ লেগা বাদ্ দিবাত্তে এচ্চ্যং। মুই সিয়েনি বাদ্ দিবাত্তে ন-এজং মাত্তর্ পূরোণ্ গুরিবাত্তে এচ্চ্যং।

মথি লেখ্যে গম্ হবর্ 5:17 ပူးပေါင်းရင်းမြစ်များ

যিশাইয় 42:21

উদ্ধোরর্ পরিকল্পনাত্তে লগেপ্রভু হুজি ওইনে তা উগুমানরে মহৎ আর বাঈনী গরে পারা গুরিলো।

মথি লেখ্যে গম্ হবর্ 3:15

সেক্কে যীশু তারে কলঅ, “মাত্তর্ এবেরা এবাবোত্যে ওক্, কিয়া গোজেনর আওজ্‌চান এবাবোত্যেগুরি পূরোন্ গরানা উচিত।” সেক্কে যোহনে রাজী অলঅ।

মথি লেখ্যে গম্ হবর্ 7:12

তুমি অন্য মানুচ্চুনোত্তুন্ যেবাবোত্যে বেবহার পেবাত্তে চঅ তুমিয়ো তারা লগে সেবাবোত্যে বেবহার গরঅ। ইয়েনই অলঅ মোশির সুদোম আর ভাববাদীগুনোর শিক্ষ্যের্ আজল্ কধা।

লূকে লেখ্যে গম্ হবর্ 16:17

মাত্তর্ রীদি-সুদোমর্ এক ফুদো বাদ্ পড়ানাত্তুন্ বরং আগাজ্ আর পিত্‌থিমীগান্ শেজ্ অনা সহজ।

যোহন 8:5

রীতি-সুদোমত্ মোশি এবাবোত্যে মিলেরে পাত্তর্ মেলা দিইনে মারে ফেলেবাত্তে আমারে উগুম্ দিয়্যে। মাত্তর্ তুই কি কচ্?”

প্রেরিত্‌ 18:13

তারা কলাক্, “এ মানুচ্চো এমন্‌ গুরিনে গোজেনর্ উবোসনা গত্তে কাট্ট্যে দের্ যিয়েন রীতি-সুদোমর্ বিরুদ্ধে।”

প্রেরিত্‌ 21:28

যেরেদি তারা রঅ ছাড়িনে কুয়ো ধুরিলাক্, ইস্রায়েলীয়গুন, উজেই এজঅ। গোদা পিত্‌থিমীর্ মানুচ্চুনো ইধু আমা জাদ্‌ আর আমা রীতি-সুদোম আহ্ উবোসনা-ঘর বিরুদ্ধে যে মানুচ্চো শিক্ষ্যে দিইনে বেড়ায়, ইবে সেই মানুচ্চো। ইয়েন বাদে তে উবোসনা-ঘরত্ গ্রীক্‌কুনোরে আনিনে এই পবিত্র জাগায়ান্ অপবিত্র গোজ্জ্যে।

প্রেরিত্‌ 6:13

তারা কয়েক্কো মিজে সাক্ষী আনিলাক্। এ মিজে সাক্ষীগুনে কলাক্, “এ মানুচ্চো নিত্য উবোসনা-ঘর বিরুদ্ধে আর মোশির আইন-কানুনো বিরুদ্ধে কধা কয়।

রোমীয় 10:4

যীশু খ্রীষ্ট রীদি-সুদোম পুরেই দিইনে সিয়েনির্ খেমতাগান্ বাদ্ দি দিয়্যে, যেন তা উগুরে যিগুনে বিশ্বেজ্ গরন্ তারা গোজেনর্ মানি লোইয়্যে অন্।

রোমীয় 3:31

এ বিশ্বেজ্‌চানত্তে কি আমি সালে রীদি-সুদোম বাদ্ দি দির্? কনদিন্অ নয়, বরং রীদি-সুদোম কধা যে সত্য সিয়েনই আমি প্রমাণ গুরির্।

রোমীয় 8:4

তে সিয়েন গুরিলো যেন পাপ-খাচ্চ্যদ অধীনোত্ ন-চলিনে পবিত্র আত্মার্ অধীনোত্ চলিবাত্যে আমা ভিদিরে রীদি-সুদোমর্ দাবী-দাওয়া পূরোণ্ অয়।