মথি লেখ্যে গম্ হবর্ 5:1 - Chakma Bible

¹ যীশু ভালোক্কুন্ মানুচ্ দেগিনে মুড়ো উগুরে উদিলো। তে বজানার্ পরেদি তা শিচ্চ্যগুনে তাইধু এলাক্।

মথি লেখ্যে গম্ হবর্ 5:1 ပူးပေါင်းရင်းမြစ်များ

মথি লেখ্যে গম্ হবর্ 13:2

তাইদু বোউত্ মানুচ্ এইনে তুবেলাক্, তে এক্কান্ নৌকোত্ উদিনে বুজিলো, আর বেক্ মানুচ্চুনে সাগর পারত্ থিয়্যেই রলাক্।

মথি লেখ্যে গম্ হবর্ 15:29

পরেদি যীশু সে জাগায়ান্ ছাড়িনে গালীল সাগর পারদি যাহ্ ধুরিলো আর এক্কো মুড়োত্ উদিনে সিয়েনত্ বুজিলো।

মথি লেখ্যে গম্ হবর্ 4:25

গালীল, দিকাপলি, যিরূশালেম, যিহূদিয়া আর যর্দনর অন্য পারত্তুন্ বোউত্ মানুচ্ যীশুর পিজে পিজে যাহ্ ধুরিলাক্।

মথি লেখ্যে গম্ হবর্ 5:2

সেক্কে তে শিচ্চ্যগুনোরে ইয়েন কোইনে শিক্ষ্যে দিয়্যে ধুরিলো:

মার্ক 3:13

ইয়েনর্ পরেদি যীশু মুড়ো উগুরে উদিলো আর নিজোর আওজ্ মজিম্ কিজু মান্‌‌জ্যরে তাইধু ডাগি নেযেল। তারা যীশু ইধু এযানার্ পরেদি তে বারজনরে অভিষেক্ গুরিনে নেযেল যেন তারা তা সমারে সমারে থান্ আর ভুদ্ ধাবেবার্ ক্ষেমতালোই তে তারারে প্রচার-কামত্ পাধেই পারে।

মার্ক 3:20

যীশু ঘরত্ এযানার্ পরেদি আরঅ এদক্ মানুচ্ তা মুজুঙোত্ তুবেলাক্ যে, তে আর তা শিচ্চ্যগুনে কিজু হেবাত্তেয়ো ন-পেলাক্।

মার্ক 4:1

যীশু আরঅ গালীল সাগর পারত্ মানুচ্চুনোরে শিক্ষ্যে দিয়্যে ধুরিলো। তা চেরোকিত্তে বোউত্ মান্‌জ্যর্ ভিড়্ অলঅ; সেনত্তে তে সাগর সংমোধ্যে এক্কান্ নৌকোত্ উদিনে বুজিলো আর মানুচ্চুনে সাগর পারত্ থিয়্যেই রলাক্।

লূকে লেখ্যে গম্ হবর্ 6:12

ইয়েনর্ পরেদি যীশু তবনা গুরিবাত্তে এক্কো মুড়োত্ গেলঅ আর গোদা রেত্তো গোজেন ইধু তবনা গুরিনে কাদেল।

লূকে লেখ্যে গম্ হবর্ 6:17

যীশু তা শিচ্চ্যগুন্ সমারে লোইনে মুড়োত্তুন্ লামিনে এক্কান্ সং জাগাত্ যেইনে থিয়্যেল। সিয়েনত্ তার ভালোক্কুন্ শিচ্চ্য এগত্তর্ ওইয়োন্। ইগুন বাদেয়ো যিহূদিয়াত্তুন্, যিরূশালেমত্তুন্ আর সোর আহ্ সীদোন নাঙে সাগর পারর্ দ্বিয়েন্ শঅর চাগালাত্তুন্অ বোউত্ মানুচ্ সিয়েনত্ এলাক্।

লূকে লেখ্যে গম্ হবর্ 6:20

যেরেদি যীশু শিচ্চ্যগুনো ইন্দি রিনি চেইনে কুয়ো ধুরিলো, নাঢা মানুচ্চুন্, তুমি বর্‌পেইয়্যে, কিয়া গোজেন রেজ্যগান্ তমার্।

লূকে লেখ্যে গম্ হবর্ 9:28

এই বেক্ কধানি কনার্ এক সাপ্তা পরেদি যীশু তবনা গুরিবাত্তে পিতর, যোহন আর যাকোবরে লোইনে এক্কো মুড়োত্ গেলঅ।

যোহন 6:15

ইয়েন্দোই যীশু বুঝি পারিলো, মানুচ্চুনে তারে বলে ধুরিনে তারার্ রাজা বানেবাত্যে ধুরিবাত্তে এত্তন্। সেনত্তে তে গায় গায় আরঅ সেই মুড়োবোত্ গেলগোই।