মথি লেখ্যে গম্ হবর্ 4:9 - Chakma Bible

⁹ “তুই যুনি মাদিত্ পড়িনে মরে জু জু দিইনে তর্ প্রভু বিলি স্বিগের্ গরচ্ সালে এই বেক্কানি মুই তরে দিম্।”

মথি লেখ্যে গম্ হবর্ 4:9 ပူးပေါင်းရင်းမြစ်များ

গীতসংহিতা 72:11

বেক রাজাগুনে তাইদু মাঢা নিগিরোদোক্ আর বেক জাদ্‌তুনে তারে সেবা গোরোদোক্।

গম্ উপদেজ্ 8:15

রাজাগুনে রাজাগিরি গরন্ মঅ মাধ্যমে, আর শাজন্‌গুরিয়্যেগুনে বানান্ ন্যায়বলা সুদোম;

দানিয়েল 4:32

তরে মান্‌‌জ্য কায় কুরেত্তুন্ ধাবেই দিয়্যে অবঅ আর তুই য়েমানুনো সমারে বজত্তি গুরিবে; গোরু ধোক্ক্যেন তুই ঘাস হেবে। যেদক্ বিলোন সং তুই মানি ন ‌‌নেযেবে, দাঙর্ গোজেনে মান্‌জ্য রেজ্যগানি উগুরে কাবিদ্যঙ্‌‌গিরি গরে আর সেই বেক্ রেজ্যগানি যিবেরে আওজ্ তারে দে সেদক্ বিলোন সং সাত বজর্ যেবঅ।”

মথি লেখ্যে গম্ হবর্ 26:15

আর পুযোর্ গুরিলো, “যুনি মুই বেঈমানী গুরিনে যীশুরে তমা আঢত্ ধুরি দুয়োং তুমি মরে কি দিবা?” আজল্ ধর্মগুরুগুনে তিরিচ্চো রুবোর টাকা গুণিনে তারে দিলাক্।

মথি লেখ্যে গম্ হবর্ 4:10

সেক্কে যীশু তারে কলঅ, “দূর্ অ, শদান্। পবিত্র বোইবোত্ লেগা আঘে, তুই তর্ প্রভু গোজেনরে ভোক্তি গুরিবে, বানা তারে সেবা গুরিবে।”

যোহন 12:31

এ জগদ মানুচ্চুনোর্ বিচের সময় এবেরা এচ্চ্যে, আর জগদর্ গিরোজ আঢত্তুন্ ইক্কিনে রাজাগিরি কাড়ি নেযা অবঅ।

যোহন 13:3

যীশু কোই পারিদো, বাবা গোজেনে তা আঢত্ বেক্কানি দিয়্যে। তে আরঅ কোই পারিদো, তে তাত্তুন্ এচ্চ্যে আর তা ইধু ফিরি যার্।

যোহন 14:30

মুই তমা সমারে আর বেশ্ কধা ন-কোম্, কিয়া জগদর্ গিরোজ্‌সো এজের্। মঅ উগুরে তার্ কনঅ অধিকার্ নেই।

যোহন 16:11

বিচের পৌইদ্যেনে চেতনা দিবো, কিয়া জগদ গিরোজর্ বিচের্ ওই যেইয়্যে।

২ করিন্হীয় 4:4

অবিশ্বেজি মানুচ্চুনোর মনানি এ যুগোর্ দেবেদাগুনে কান্ গুরি দুয়োন যেন তারা গম্ হবরর্ পহ্‌রান্ ন-দেগন্। এ গম্ হবরানত্ খ্রীষ্টর্ মহিমাগান্ ফুদি উঠ্যে; আর এ খ্রীষ্টই অলঅ গোজেনর্ অবিকল্ ফগদাং।

১ তীমথিয় 3:6

মন্ডলীর পরিচালক্‌কো যেন নুয়ো বিশ্বেজি ন-অয়, কিয়া নুয়ো বিশ্বেজি অলে তে অয়ত দেমাগে ফুলি উদিবো আর শদানরে দিয়্যে সাজার যগাজ্জ্যে অবঅ।

ফগদাং পেইয়্যে 19:10

সেক্কে মুই সেই স্বর্গদূত্‌তোর টেঙ ইধু মাঢা নিগুরিনে তারে গোজেনর্ সর্মান দিইনে সালাম গুরিলুং। মাত্তর্ তে মরে কলঅ, “ইয়েন কি গরর্? মুই তর্ সমাজ্জ্যে চাগর্। গোজেনরে সালাম গর্। তর্ বিশ্বেজি ভেইয়ুন, যিগুনে যীশুর্ শিক্ষ্যে ধুরি থান্, মুই তারাত্তুন্ একজন। যিশুর্ শিক্ষ্যেগান অলদে ভাববাদীগুনোর শিক্ষ্যের্ আজল্ কধা।”

ফগদাং পেইয়্যে 19:16

তার্ পোজাগত্ আর দামানাত্ এ নাঙান্ লেগা আঘে, “রাজাগুনোর রাজা, প্রভুগুনোর প্রভু।”