মথি লেখ্যে গম্ হবর্ 4:7 - Chakma Bible

⁷ যীশু শদান্নোরে কলঅ, “আরঅ এ কধাগান্অ লেগা আঘে, তর্ প্রভু গোজেনরে তুই জগা চেবাত্তে ন-যেচ্।”

মথি লেখ্যে গম্ হবর্ 4:7 ပူးပေါင်းရင်းမြစ်များ

গীতসংহিতা 106:14

ধূল্যেচর-চাগালাত্ তারা লুভ্ গুরিনে গোজেনরে যগা চেলাক্।

গীতসংহিতা 78:18

তারার আওজ্ মজিম হানা দাবি গুরিনে মনে মনে তারা গোজেনরে জগা চেলাক্।

গীতসংহিতা 78:41

বার বার তারা গোজেনরে জগা চেইয়োন, ইস্রায়েলর সেই পবিত্র মানুচ্চোরে দুঘ্ দুয়োন।

গীতসংহিতা 78:56

মাত্তর্ তো তারা দাঙর্ গোজেনরে জগা চেলাক্ আর তা বিরুদ্ধে উল্লোমি গুরিলাক্; তা উগুমান তারা ন-পালেলাক্।

যাত্রা 17:2

সেনত্তে তারা মোশি লগে কোল্‌-কোজ্যে বাজেইনে কলাক্, “আমারে হেবাত্তে পানি দে।” মোশি তারারে কলঅ, “তুমি মঅ‌ লগে কিত্তেই কোল্‌-কোজ্যে বাজর্, আর কিত্তেই‌ বা তুমি লগেপ্রভুরে জগা চঅর্‌?”

যাত্রা 17:7

মানুচ্চুনে এই রফীদীমোত্‌ কোল্‌-কোজ্যে গোজ্যন্‌ আর কোইয়োন, “লগেপ্রভু কি আমা লগে আঘে, না-কি নেই?” এই কধানিলোই লগেপ্রভুরে তারা জগা চেইয়োন্‌। সেনত্যে মোশি এই জাগাগানর্‌ দ্বিয়েন্‌ নাঙ্‌ দিলো মঃসা (যিয়েনর্ ভেদ্‌তান্ “জগা চানা”) আর মরীবা (যিয়েনর্ ভেদ্তান্ “কোল্‌বাজানা”)।

যিশাইয় 8:20

তমাত্তুন্ গোজেনর্ উগুম আর সাক্ষি ইদু যাহ্ পুরিবো। যুনি তারা গোজেন কধা মজিম্ কধা ন-কন্ সালে বুঝো পুড়িবোদে তারা ইদু কনঅ পহ্‌‌র জিনিস্‌চান নেই।‌

মালাখি 3:15

ইক্কিনে আমি বাড়্‌বো গুরিয়্যেগুনোরে বর্ পেইয়্যে কোর্; অয়, অন্যেয়গুরিয়্যেগুনে ভালেদি গোজ্যন্; তারা গোজেনরে যগা নেইনেয়ো রেহাই পাদন্।’ ”

গণাণা 14:22

এই মানুচ্চুনোত্তুন্‌ একজনেয়ো সেই দেজ্‌চান্‌ চেই ন-পেবাক, যে দেজ্‌চান্‌ দিম্‌ বিলি মু্‌ই তারার্‌ পুরোণি মানুচ্চুনো ইদু শমক্‌ গোজ্যং। ইয়েনর্‌ কারণান্‌ অলঅ, এই মানুচ্চুনে মর্‌ মহিমাগান্ আর মিসরর্‌ ধূল্যেচর-চাগালাত্‌ দেগেয়্যে মর্‌ আমক্‌ অবার চিহ্নগানি দেগিনেয়ো মরে অগ্রাজ্য গোজ্যন আর দশ দশবার মরে যগা চেইয়োন। যিগুনে মরে ইংসে-নিন্দে গোজ্যন্ তারা কনজনে সেই দেজ্‌চান্‌ ন-দেগিবাক।

মথি লেখ্যে গম্ হবর্ 21:16

ইয়েনি দেগিনে-শুনিনে তারা বিরক্ত ওইনে যীশুরে কলাক্, “তারা যিয়েন কদন্ সিয়েন তুই শুনোর্?” যীশু তারারে কলঅ, “অয়, শুনোঙর্। বোইয়োত্ তুমি কি কনদিন্অ ন-পড়: চিগোন্ পুয়ো-ঝি আর চিগোন্ চিজিগুনো কধানি ভিদিরে তুই নিজোত্তে বাঈনী গুরিবার্ বেবস্থা গোজ্যস্?”

মথি লেখ্যে গম্ হবর্ 21:42

সেক্কে যীশু তারারে কলঅ, “তুমি কি পবিত্র বোইয়ো ভিদিরে কনদিন্অ ন-পড়অ, ‘রাজমিস্ত্রিগুনে যে পাত্তর্‌বো বাদ্ দুয়োন্, সিবেই বেগত্তুন্ দরকারী পাত্তর্ ওই উদিলো; প্রভুই ইয়েন্ গুরিলো, আর সিয়েন্ আমা চোগোত্ অমকদ আমক্ লাগে’?

মথি লেখ্যে গম্ হবর্ 4:10

সেক্কে যীশু তারে কলঅ, “দূর্ অ, শদান্। পবিত্র বোইবোত্ লেগা আঘে, তুই তর্ প্রভু গোজেনরে ভোক্তি গুরিবে, বানা তারে সেবা গুরিবে।”

মথি লেখ্যে গম্ হবর্ 4:4

যীশু জোবত্ কলঅ, “পবিত্র বোইয়োত্ লেগা আঘে, মানুচ্ বানা রুটিলোই ন-বাজন্, মাত্তর্ গোজেনর্ পত্তি মুয়ো কধালোই বাজন্।”

লূকে লেখ্যে গম্ হবর্ 4:12

যীশু তারে কলঅ, “পবিত্র বোইবোত্ কুয়ো ওইয়্যেদে, ‘তর্ প্রভু গোজেনরে তুই যগা চেবাত্তে ন-যেচ্।’ ”

প্রেরিত্‌ 15:10

সালে আমা পূরোণি মানুচ্চুনে বা আমি যে পোজাভুগি বুয়োই ন-পারিই সেই পোজা ভুগিবো অযিহূদী বিশ্বেজিগুনো কানাত্ তুলি দিইনে কিত্ত্যে তুমি গোজেনরে যগা চেবার্ চেষ্টা গরর্?

প্রেরিত্‌ 5:9

সেক্কে পিতরে তারে কলঅ, “প্রভুর আত্মাগানরে যগা চেবাত্যে কিত্ত্যেই তুমি একযদা অলা? চাহ্, যে মানুচ্চুনে তঅ নেক্কোরে গোর্ দুয়োন তারা দোরান কুরে এইনে লুম্মোন্দি, আর তারা তরেয়ো বারেদি নেযেবাক্।”

১ করিন্হীয় 10:9

তারা ভিদিরে ভালোকজনে প্রভুরে পোরোক্ষ্যে গুরিনে যেবাবোত্যে সাপ কামরত্ মুরি যেইয়োন সেবাবোত্যেগুরি আমি যেন প্রভুরে পোরোক্ষ্যে ন-গুরিই।

দ্বি’লম্বর বিররণ 6:16

তুমি তমার্‌ গোজেন লগেপ্রভুরে জগা চেবাত্তে ন-যেয়ো, যেধোক্ক্যেন তুমি মঃসাতত্‌ গোজ্য।

ইব্রীয় 3:9

তমা পূরোণি মানুচ্চুনে সিধু মরে যাচাই গোজ্জ্যন, আর চল্লিচ্ বজর্ ধুরি সেই সময়ো মানুচ্চুনে মঅ কামানি দেক্ক্যন্।