মথি লেখ্যে গম্ হবর্ 4:23 - Chakma Bible

²³ গালীল রেজ্যর্ বেক্ জাগানিত্ ঘুরি ঘুরি যিহূদীগুনোর নানান্ সমাজ-ঘরত্ যীশু শিক্ষ্যে দিয়্যে ধুরিলো। ইয়েনি বাদেয়ো তে স্বর্গ-রেজ্যর্ গম্ হবরানি ফগদাং গুরিবাত্তে আর মানুচ্চুনোর নানান্ বাবোত্যে পীড়ে গম্ গরা ধুরিলো।

মথি লেখ্যে গম্ হবর্ 4:23 ပူးပေါင်းရင်းမြစ်များ

গীতসংহিতা 103:3

তর্ বেক পাপ্পানি তে খেমা গরে; তে তর্ বেক পিড়েগানি গম্ গুরি পারে।

গীতসংহিতা 74:8

তারা মনে মনে কোইয়োন্, “আমি তারারে পুরোপুরি গুরিনে দোঙেই রাগেবং।” গোজেন সমারে মিজেবার বেক্ জাগায়ানি তারা পুড়ি ফেলেই দুয়োন্।

মথি লেখ্যে গম্ হবর্ 11:5

তারে জানঅ, কান্ মানুচ্চুনে দেগদন্, আঢুরুনে আঢদন্, ফারাঙিবলাগুনে সিজি অদন্, বহ্‌রা মানুচ্চুনে শুনোদন্, মরা মানুচ্চুনে জেঁই উদোদন্ আর নাঢা মানুচ্চুনো ইধু গম্ হবর্ প্রচার গরা অর্।

মথি লেখ্যে গম্ হবর্ 12:9

সে জাগায়ান্ ফেলেইনে যীশু সে ফরীশীগুনোর্ সমাজ-ঘরত্ গেলঅ।

মথি লেখ্যে গম্ হবর্ 13:54

সে পরেদি নিজো আদামত্ যেইনে তে সমাজ-ঘর মানুচ্চুনোরে শিক্ষ্যে দিয়্যে ধুরিলো। তা কধা শুনিনে মানুচ্চুনে আমক্ ওইনে কলাক্, “এই জ্ঞানান্ আর এই বেক্ আমক্ কামানি গুরিবার খেমতা তে কুত্তুন্ পেলঅ?

মথি লেখ্যে গম্ হবর্ 14:14

যীশু নৌকোত্তুন্ লামিনে সয়-সাগোজ্যে মানুচ্ দেগিলো আর মেয়্যে লাগিনে তারা ভিদিরে যিগুনে অসুগ্ এলাক্ তারারে গম্ গুরিলো।

মথি লেখ্যে গম্ হবর্ 24:14

বেক্ জাদ ইধু সাক্ষি দিবাত্তে স্বর্গ-রেজ্যর্ গম্ হবর্ গোদা পিত্‌থিমীত্ ফগদাং গরা অবঅ আর সে পরেদি শেজ্ সময় আজির্ অবঅ।

মথি লেখ্যে গম্ হবর্ 3:2

তে কলঅ, “পাপত্তুন্ মনানি ফিরো, কিয়া স্বর্গ-রেজ্যগান্ কায়-কুরে লুম্মেগি।”

মথি লেখ্যে গম্ হবর্ 9:35

যীশু শঅরত্ আর আদামে আদামে যেইনে যিহূদীগুনোর সমাজ-ঘরত্ শিক্ষ্যে দিবাত্তে আর স্বর্গ-রেজ্যর্ গম্ হবর্ ফগদাং গরা ধুরিলো। ইয়েনি বাদেয়ো তে মানুচ্চুনোর্ নানান্ বাবোত্যে পীড়েয়ো গম্ গুরিলো।

মার্ক 1:14

যোহনে জেলখানাত্ বন্দী অনার্ পরেদি যীশু গালীল রেজ্যত্ গেলঅ। সিধু তে এ কধাগান্ কোইনে গোজেনর্ দিয়্যে গম্ হবরান্ ফগদাং গরা ধুরিলো,

মার্ক 1:21

যীশু আর তা শিচ্চ্যগুনে কফরনাহূম শঅরত্ গেলাক্। পরেদি জিরেবার্ দিনোত্ যীশু সমাজ-ঘরত্ যেইনে শিক্ষ্যে দিয়্যে ধুরিলো।

মার্ক 3:10

তে বোউত্ মান্‌‌‌‌জ্যরে গম্ গোজ্যে বিলি পীড়েল্যেগুনে তারে ধুরিবাত্তে ঠেলাঠিলি গত্তন্।

মার্ক 6:2

আর তা শিচ্চ্যগুনেয়ো তা সমারে গেলাক্। জিরেবার্ দিনোত্ তে সমাজ-ঘরত্ যেইনে শিক্ষ্যে দিয়্যে ধুরিলো। বোউত্ মানুচ্ তা কধা শুনিনে আমক্ ওইনে কুয়ো ধুরিলাক্, “এ মানুচ্চো কুত্তুন্ ইয়েনি পেলঅ? এই যে জ্ঞানান্ তারে দিয়্যে ওইয়্যে, ইয়েনই বা কি? আরঅ তে আমক্ আমক্ কাম্অ গরের্।

মার্ক 6:6

মানুচ্চুনে তারে বিশ্বেজ্ ন-গুরিলাক্ দেগিনে তে খুব আমক্ অলঅ। ইয়েনর্ পরেদি যীশু আদামে আদামে যেইনে মানুচ্চুনোরে শিক্ষ্যে দিয়্যে ধুরিলো।

লূকে লেখ্যে গম্ হবর্ 10:9

সে আদামর্ পীড়েল্যেগুনোরে গম্ গরঅ আর তারারে কঅ, গোজেন রেজ্যগান্ তমা কায়-কুরে লুম্মেগি।

লূকে লেখ্যে গম্ হবর্ 13:10

কনঅ এক জিরেবার্ দিনোত্ যীশু এক্কান্ সমাজ-ঘরত্ শিক্ষ্যে দের্।

লূকে লেখ্যে গম্ হবর্ 16:16

মোশির আইন-কানুন্ আর ভাববাদীগুনোর্ লেখ্যে কধানি বাপ্তিষ্মদিয়্যে যোহন সং চুলিদো। সে পরেত্তুন্ ধুরি গোজেন রেজ্যর্ গম্ হবর্ ফগদাং গরা অর্ আর বেক্কুনে আয়োজি ওইনে জুরেসুরে সেই রেজ্যত্ সমদন্।

লূকে লেখ্যে গম্ হবর্ 20:1

একদিনোত্ যেক্কেনে যীশু উবোসনা-ঘরত্ মানুচ্চুনোরে শিক্ষ্যে দের্ আর গম্ হবর্ ফগদাং গরের্ । এমন্ সময়োত্ আজল্ ধর্মগুরুগুনে আর ধর্ম-মাষ্টরুনে বুড়ো নেতাগুনো সমারে এইনে যীশুরে কলাক্, “কন্ অধিকারে তুই ইয়েনি গরর্ আর কন্না তরে এই অধিকারান্ দিয়্যে, সিয়েন আমারে কঅ।”

লূকে লেখ্যে গম্ হবর্ 4:14

পরেদি যীশু পবিত্র আত্মার্ খেমতালোই ভর্‌পূনোং ওইনে গালীল রেজ্যত্ ফিরি গেলঅ। যীশুর হবরান্ সে চাগালাত্ বেক্ জাগায়ানিত্ ছিদি পড়িলো ।

লূকে লেখ্যে গম্ হবর্ 5:17

একদিন্ন্যে যীশু যেক্কে শিক্ষ্যে দের্ সেক্কে ফরীশীগুনে আর ধর্ম-মাষ্টরুনে সিয়েনত্ বুয়োই এলাক্। গালীল রেজ্যর্ নানান্ আদামত্ আর যিহূদিয়া রেজ্যত্ আহ্ যিরূশালেম শঅরত্তুন্ ইগুনে এচ্চ্যন্। পীড়েল্যেগুনোরে গম্ গুরিবাত্তে প্রভুর খেমতাগান্ যীশু ভিদিরে এলঅ।

লূকে লেখ্যে গম্ হবর্ 6:17

যীশু তা শিচ্চ্যগুন্ সমারে লোইনে মুড়োত্তুন্ লামিনে এক্কান্ সং জাগাত্ যেইনে থিয়্যেল। সিয়েনত্ তার ভালোক্কুন্ শিচ্চ্য এগত্তর্ ওইয়োন্। ইগুন বাদেয়ো যিহূদিয়াত্তুন্, যিরূশালেমত্তুন্ আর সোর আহ্ সীদোন নাঙে সাগর পারর্ দ্বিয়েন্ শঅর চাগালাত্তুন্অ বোউত্ মানুচ্ সিয়েনত্ এলাক্।

লূকে লেখ্যে গম্ হবর্ 6:6

আর এক জিরেবার্ দিনোত্ যীশু সমাজ-ঘরত্ যেইনে শিক্ষ্যে দের্। সিয়েনত্ এমন এক্কো মানুচ্ এলঅ যিবের্ ডেন্ আঢ্‌তান্ অবস্ এলঅ।

লূকে লেখ্যে গম্ হবর্ 7:21

সেক্কে যীশু বোউত্ মান্‌জ্যরে পীড়েত্তুন্ আর অমকদ যন্ত্রণাত্তুন্ গম্ গুরিলো আর ভান্ন্যেই আত্মায় পেইয়্যে মানুচ্চুনোরে গম্ গুরিলো আর বোউত্ কান্ মান্‌জ্যরেয়ো দেগিবার্ খেমতা দিলো।

লূকে লেখ্যে গম্ হবর্ 7:22

ইয়েনি বেক্কানি গুরিবার্ পরেদি যীশু যোহন শিচ্চ্যগুনোরে জোব্ দিলো, “তুমি যিয়েন্ দেগিলে আর শুনিলে সিয়েন্ যেইনে যোহনরে কঅ। তারে কঅ, কান্ মানুচ্চুনে দেগদন্, আঢুরুনে আঢদন্, ফারাঙিবলাগুনে সিজি অদন্, বহ্‌রা মানুচ্চুনে শুনোদন্, মরা মানুচ্চুনে জেই উদোদন্ আর নাঢা মানুচ্চুনো ইধু গম্ হবর্ ফগদাং গরা অর্।

লূকে লেখ্যে গম্ হবর্ 8:1

পরেদি যীশু আদামে আদামে আর শঅরে শঅরে ঘুরিনে গোজেন রেজ্যর্ গম্ হবর্ ফগদাং গরা ধুরিলো। তা সমারে তার্ বারজন শিচ্চ্য আর কয়েক্কো মিলেয়ো এলাক্। এ মিলেগুনে ভান্ন্যেই আত্মার্ আঢত্তুন্ রেহাই পেইয়োন আর পীড়েত্তুন্ গম্ ওইয়োন্। ইগুনে অলাক্ মরিয়ম, যিবেরে মগ্‌দলীনী কুয়ো অদঅ আর যিবে ভিদিরেত্তুন্ সাত্তো আত্মা নিগিলি যেইয়োন্;

লূকে লেখ্যে গম্ হবর্ 9:11

সেই হবরান্ হবর্ পেইনে বোউত্ মানুচ্ যীশু পিজে পিজে গেলাক্। তে সেই মানুচ্চুনোরে মানি ললঅ আর তারা ইধু গোজেন রেজ্যর্ কধা কলঅ। ইয়েনি বাদেয়ো যিগুনোর্ গম্ অবার্ দরকার এলঅ তে তারারে গম্ গুরিলো।

লূকে লেখ্যে গম্ হবর্ 9:60

যীশু তারে কলঅ, “মরাগুনে তারার্ মরাগুনোরে কবর্ দেদোক্, মাত্তর্ তুই এইনে গোজেন রেজ্য পৌইদ্যেনে ফগদাং গর্।”

যোহন 18:20

যীশু জোবত্ কলঅ, “মুই মানুচ্চুনো ইধু খুলোমেলা গুরি কধা কোইয়োং। যিয়েনত্ যিহূদীগুনে বেক্কুনে একসমারে এগত্তর্ অন্ সেই বেক্ সমাজ-ঘরানিত্ আর উবোসনা-ঘরত্ মুই নিত্য শিক্ষ্যে দুয়োং। মুই দঅ গুমুরো কধা কিচ্চু ন-কং;

যোহন 6:59

কফরনাহূম সমাজ-ঘরত্ শিক্ষ্যে দিবার্ অক্তত্ যীশু এ কধাগান্ কোইয়্যে।

যোহন 7:1

ইয়েন পরেদি যীশু গালীল রেজ্যগান ভিদিরে আঢাউদো গরা ধুরিলো। যিহূদী নেতাগুনে তারে মারে ফেলেবাত্তে চেইয়োন্ বিলি তে যিহূদিয়া রেজ্যগানত্ আঢাউদো বন্ধ গুরি দিলো।

প্রেরিত্‌ 10:38

তুমি ইয়েন-অ কোই পারঅ যে, গোজেনে নাসরতর্ যীশুরে পবিত্র আত্মালোই আর খেমতালোই অভিষেগ্ গোজ্যে। গোজেনে তা সমারে এলঅ বিলিনে তে গম্ কাম গুরিনে বেড়েদ আর শদান আঢত্ যিগুনে দুঘ্ পেদাক্ তারারে বেক্কুনোরে গম্ গুরিদো।

প্রেরিত্‌ 18:4

পত্তি জিরেবার্ দিনোত্ পৌলে সমাজ-ঘরত্ যেইনে যীশু পৌইদ্যেনে কধা কদঅ আর গ্রীক আহ্ যিহূদীগুনোরে যীশুর্ পধত্ আনিবার্ চেষ্টা গত্ত।

প্রেরিত্‌ 20:25

ইক্কিনে মুই এ কধাগান্ কোই পারং, তমার্ যিগুনো ইধু মুই যেইনে গোজেন রেজ্য পৌইদ্যেনে প্রচার গোজ্জ্যং তারাত্তুন্ কনজনে মরে আর ন-দেগিবাক্।

প্রেরিত্‌ 28:31

তে সাহচ্‌ গুরিনে গমেডালে গোজেন রেজ্য পৌইদ্যেনে প্রচার গুরিদো আর প্রভু যীশু খ্রীষ্ট পৌইদ্যেনে শিক্ষ্যে দিদো।

রোমীয় 10:15

সিয়েন বাদে কেঅ দি ন-পাধেলে কেধোক্ক্যেন্ গুরিনে প্রচারগ্‌কুনে প্রচার গুরিবাক্? পবিত্র বোইবোত্ লেগা আঘে, “বর্ পেইয়্যে তারার্ টেঙানি যিগুনে ভালেদির্ গম্ হবর্ প্রচার গুরিবাত্তে এজন্।”