মথি লেখ্যে গম্ হবর্ 4:22 - Chakma Bible

²² তারা সেক্কে তারার্ নঅগান্ আর বাব্‌পোরে ফেলেইনে যীশু সমারে গেলাক্।

মথি লেখ্যে গম্ হবর্ 4:22 ပူးပေါင်းရင်းမြစ်များ

মথি লেখ্যে গম্ হবর্ 10:37

যে কনজনে মত্তুন্ বেশ্ মা-বাবরে কোচ্‌পায় তে মর্ যোগ্য নয়। আর যে কনজনে পুয়ো বা ঝি-রে মত্তুন্ বেশ্ কোচ্‌পায় তে মর্ যোগ্য নয়।

মথি লেখ্যে গম্ হবর্ 4:21

সিয়েনত্তুন্ উজেই যেইনে তে যাকোব আর যোহন নাঙে অন্য দ্বিভেইয়োরে দেগিলো। তারা সিবদিয়র পুয়ো এলাক্। তারা বাপ্পো সিবদিয় সমারে নঅগানত্ বজিনে তারা জালানি তুনোদন্। যীশু সেই দ্বিভেইয়োরেয়ো ডাগিলো।

মথি লেখ্যে গম্ হবর্ 4:23

গালীল রেজ্যর্ বেক্ জাগানিত্ ঘুরি ঘুরি যিহূদীগুনোর নানান্ সমাজ-ঘরত্ যীশু শিক্ষ্যে দিয়্যে ধুরিলো। ইয়েনি বাদেয়ো তে স্বর্গ-রেজ্যর্ গম্ হবরানি ফগদাং গুরিবাত্তে আর মানুচ্চুনোর নানান্ বাবোত্যে পীড়ে গম্ গরা ধুরিলো।

মার্ক 1:20

যীশু তারারে দেগানার্ লগে লগে ডাগিলো, আর তারা বাপ্পো সিবদিয়রে চাগরুনো লগে নঅগানত্ থোইনে যীশু লগে গেলাক্।

লূকে লেখ্যে গম্ হবর্ 14:26

যে মঅ ইধু এবঅ তে যেন নিজোর্ বাব্-মা, মোগ্ আর পুয়ো-ছা, ভেই-বোন, এমন্‌ কি, নিজোরেয়ো মত্তুন্ বেচ্‌ কম কোচ্‌‌পেইয়্যে বিলি মনে গরে। সিয়েন ন-অলে তে মঅ শিচ্চ্য ওই ন-পারে।

লূকে লেখ্যে গম্ হবর্ 14:33

শেজদি যীশু কলঅ, সেবাবোত্যেগুরি তমা ভিদিরে যুনি কেঅ চিন্তে-ভাবনা গুরিনে তার্ বেক্কানি ছাড়িনে ন-এজে সালে তে মঅ শিচ্চ্য ওই ন-পারে।

লূকে লেখ্যে গম্ হবর্ 5:11

সে পরেদি তারা নঅগানি পারত্ আনিলাক্ আর বেক্কানি থোইনে যীশু লগে গেলাক্।

২ করিন্হীয় 5:16

সেনত্যে ইক্কেত্তুন্ ধুরি মান্‌জ্যরে আমি আর্ তার বারেদি অবস্থাগান্ দেগিনে বিচের্ ন-গুরিই। খালিক্ খ্রীষ্টরে আমি আগেদি সেবাবোত্যেগুরি বিচের্ গোজ্জ্যেই, মাত্তর্ ইক্কিনে আর সিয়েন ন-গুরিই।