মথি লেখ্যে গম্ হবর্ 4:18 - Chakma Bible

¹⁸ যীশু গালীল সাগর পার ইন্দি যেবার্ অক্তত্ শিমোন, যিবেরে পিতর কুয়ো অয় আর তার ভেই আন্দ্রিয়রে দেগিলো। তারা সাগরত্ জাল্ ফেলেয়োন, কিয়া তারা জাল্যে এলাক্।

মথি লেখ্যে গম্ হবর্ 4:18 ပူးပေါင်းရင်းမြစ်များ

যাত্রা 3:1

একদিন্যে মোশি তা শুয়োর্‌বো যিথ্রোর্, অত্তাৎ রূয়েলর ছাগল-ভেড়াছাগল পালুন্‌ চরার্‌। যিথ্রো অলদে মিদিয়নীয়গুনোর্‌ এক্কো ধর্মগুরু। ছাগল-ভেড়াছাগলর্ পালুন্‌ চরাদে চরাদে মোশি ধূল্যেচর-চাগালাত্‌ আরেক্‌ কিত্তেদি গোজেন মুড়ো হোরেব ইধু যেইনে লুমিলোগোই।

যাত্রা 3:10

সেনত্যে তুই ইক্কিনে যাহ্। মুই তরে ফরৌণ ইধু পাদাঙর্‌। তুই যেইনে মঅ মানুচ্চুনোরে, অত্তাৎ ইস্রায়েলীয়গুনোরে মিসর্‌ দেজত্তুন্‌ নিগিলেই আনিবে।”

যিহিষ্কেল 47:10

জাল্যেগুন গাঙ পারত্ থিয়্যেবাক্; ঐন্-গদীত্তুন্ ঐন্-ইগ্লয়িম সং জাল মিলি দিবার্ জাগা অবঅ। ভূমধ্য-সাগরর মাছ ধোক্ক্যেন সিয়েনতঅ নানান্ বাবোত্যে বোউত্ মাছ পাহ্ যেবঅ।

গণাণা 34:11

এই দুঝির্ চিহ্নোগান্‌ শফামত্তুন্‌ ঐনর পূগেন্দি রিব্লা সং লামি যেবঅ আর কিন্নেরৎ সাগরর্‌ কামা জাগানি ধুরি যাহ্ ধুরিবাক্।

মথি লেখ্যে গম্ হবর্ 10:2

সেই বারজন প্রচারক নাঙানি অলঅ : পত্তম্, শিমোন যারে পিতর কন্, সে পরেদি তা ভেই আন্দ্রিয়; সিবদিয়র পুয়ো যাকোব আর তা ভেই যোহন; ফিলিপ আহ্ বর্‌থলময়;

মথি লেখ্যে গম্ হবর্ 15:29

পরেদি যীশু সে জাগায়ান্ ছাড়িনে গালীল সাগর পারদি যাহ্ ধুরিলো আর এক্কো মুড়োত্ উদিনে সিয়েনত্ বুজিলো।

মথি লেখ্যে গম্ হবর্ 16:18

মুই তরে কঙর্, তুই পিতর, আর এ পাত্তর উগুরে মুই মর্ মন্ডলীবো গোড়েই তুলিম। নরগর্ কনঅ খেমতা সিবে উগুরে জিদি ন-পারিবো।

মথি লেখ্যে গম্ হবর্ 4:19

যীশু তারারে কলঅ, “মঅ সমারে এজঅ, মুই তমারে মানুচ্-ধরা জাল্যে বানেম্।”

মার্ক 7:31

ইয়েনর্ পরেদি যীশু সোর চাগালাগান্ ছাড়িনে সীদোন শঅর ভিদিরেদি গালীল সাগর কায়কুরে দিকাপলি চাগালার্ আদামানিত্ গেলঅ।

লূকে লেখ্যে গম্ হবর্ 6:14

তারা অলাক্ শিমোন, যিবেরে তে পিতর নাঙান্অ দিলো; শিমোন ভেই আন্দ্রিয়; যাকোব আর যোহন; ফিলিপ আর বর্থলময়;

যোহন 21:1

ইয়েন পরেদি তিবিরিয়া সাগর পারত্ শিচ্চ্যগুনো ইধু আরঅ যীশু দেগা দিলো। ঘটনাগান্ এবাবোত্যেগুরি ঘোট্যে:

যোহন 6:1

ইয়েন পরেদি যীশু গালীল সাগরর্ উকুলে গেলঅ। এ সাগরানরে তিবিরিয়া সাগর-অ কুয়ো অয়।

যোহন 6:8

যীশু শিচ্চ্যগুনোত্তুন্ আর একজন নাঙ্ এলঅ আন্দ্রিয়। তে এলঅ শিমোন-পিতরর্ ভেই।

দ্বি’লম্বর বিররণ 3:17

পোজিমেন্দি তারার্‌ শেজ্ দুঝিগান এলদে অরাবার্‌ যর্দন গাঙর্‌ যে ভাগ্‌কান কিন্নেরৎত্তুন পিস্‌গা মুড়োবোর্‌ কামাগানর্‌ তলেন্দি অরাবার দোজ্যে সাগরর্‌, অত্তাৎ ধূল্যে-সাগর সং যেয়েগোই সে ভাগ্‌কান।