মথি লেখ্যে গম্ হবর্ 4:16 - Chakma Bible

¹⁶ যে মানুচ্চুনে আন্ধারত্ বজত্তি গরন, তারা বোউত্ পহ্‌র দেগিবাক্। যিগুনে ঘুর্‍‍গুজ্যে আন্ধার দেজত্ বজত্তি গরন, তারা ইধু পহ্‌র ফগদাং অবঅ।

মথি লেখ্যে গম্ হবর্ 4:16 ပူးပေါင်းရင်းမြစ်များ

ইয়োব 10:22

সিয়েন্‌ ঘুর্‌ঘুজ্যে আন্ধারর্‌ দেজ, ঘুর্‌ঘুজ্যে ছাবা আর কাঙেলেত্যের্‌ দেজ; সিয়েনত্‌ পহ্‌রান্‌অ আন্ধার ধোক্ক্যেন্।”

ইয়োব 3:5

আন্ধারানে আর ঘুর্‌ঘুজ্যে ছাবাই সে দিন্নোরে গজক্‌ গুরি নেযোক্‌; মেঘ্‌কানে তারে ঢাগি ফেলোক্‌, আর ঘুর্‌ঘুজ্যে আন্ধারে তারে অমকদ দর্‌‌বুগ্‌ লাগোক্‌।

ইয়োব 34:22

এমন্ কনঅ আন্ধার জাগা বা ঘন ছাবা নেই যিয়েনত্ বজং কাম গোজ্যে মানুচ্চুনে পোইল্যে থেই পারন।

গীতসংহিতা 44:19

মাত্তর্ তো তুই এন্ এক্কান জাগাত্ আমারে গুড়ি গোজ্যস্ যিয়েনত্ শিয়েলর আনাগোনা; ঘুর্‌‌গুজ্যে আন্ধারলোই আমারে ঢাগি রাগেয়োচ্।

যিশাইয় 9:1

মাত্তর্ যিগুনে আগেদি দুঘোত্ এলাক্ তারাত্তে আন্ধার আর্ ন-থেবঅ। আগ দিনোত্ গোজেনে সবূলূন আর নপ্তালি চাগালাগানরে তলে লামেই দিয়্যে, মাত্তর্ আগামিদি সাগর পার পথ্‌তান ধুরিনে যর্দন গাঙর্ পূগ পার চাগালা সং অযিহূদীগুনোর্ গালীলানরে তে সর্মান গুরিবো।

যিশাইয় 9:2

যে মানুচ্চুনে আন্ধারত্ চলন্ তারা দাঙর্ পহ্‌‌র দেগিবাক্; যিগুনে গুর্‌‌গুজ্যে আন্ধার দেজত্ বজত্তি গরন্ তারা উগুরে সে পহ্‌‌রান জুলিবো।

যিরমিয় 13:16

তুমি তমার গোজেন লগেপ্রভুরে বাঈনী গরঅ, সিয়েন ন-গুরিলে তে আন্ধার্ আনিবো আর আন্ধার ওই এচ্চ্যে বেক্ মুড়োমুড়িগুনো উগুরে তমা টেঙানিয়ে উজোত্ হেবঅ। তুমি পহ্‌‌‍র আশা গুরিলে তে সিয়েন অান্ধার গুরি দিবো, ঘুর্‌‌‍‍‍গুজ্যে আন্ধার্ গুরি দিবো।

আমোষ 5:8

যিবে কৃত্তিকা আর মৃগশীর্ষ নাঙে তারাগুন বানেয়্যে, যিবে আন্ধারানরে পহ্‌‌‌র গরে আর দিন্নোরে রেদোর্ আন্ধার্ গরে, যিবে সাগর পানিগানরে ডাগিনে ভূইয়ো উগুরে ঢালি দে, তা নাঙান্ লগেপ্রভু।

মীখা 7:8

ও আমার্ শত্রুগুন, আমা দুদ্দশা দেগিনে ফুত্তি ন-গোজ্য। আমি পড়ি গেলেয়ো আরঅ উদিবোং। আন্ধারত্ বুজি থেলেয়ো লগেপ্রভু অবঅ আমার্ পহ্‌র।

লূকে লেখ্যে গম্ হবর্ 2:32

অন্য জাদ ইধু ইয়েন্ পথ দেগেবার পহরান্, আর তঅ ইস্রায়েল জাদ ইধু ইয়েন বাঈনী গুরিবার্ কধা।”