মথি লেখ্যে গম্ হবর্ 4:1 - Chakma Bible

¹ ইয়েনর্ পরেদি পবিত্র আত্মাগানে যীশুরে ধূল্যেচর-চাগালাত্ নেযেল যেনে শদানে যীশুরে লুভ্ দেগেইনে পাপত্ ফেলেবার চেট্ট্যা গুরি পারে।

মথি লেখ্যে গম্ হবর্ 4:1 ပူးပေါင်းရင်းမြစ်များ

পত্থম 3:15

মুই তর্ আর মিলেবো ভিদিরে আর তর্ বংশ আহ্ মিলেবোরে দিইনে অবাক্কে বংশগুনো ভিদিরে শত্রুতা গুরি দিম। সেই বংশর একজনে তঅ মাঢাবো নিগুজ্ গুরি দিবো আর তুই তা টেংঅ মুরিত্‌ খুদিবে।”

১ রাজাবলী 18:12

মুই তরে ফেলেই গেলে লগেপ্রভুর আত্মাগান্‌ তরে অন্য কন্‌ জাগাত্‌ নেযেব যিয়েন্‌ মুই হ্‌বর ন-পাং। মুই যেইনে আহাবরে কনার্‌ পরেন্দি যুনি তে তরে তোগেইনে ন-পাই সালে তে মরে মারে ফেলেব। মাত্তর্‌ চিগনত্তুন্‌ ধুরি তঅ চাগর্‌ মুই লগেপ্রভুরে ভোক্তি গুরিনে দোরেনেই এজঙর্‌।

২ রাজাবলী 2:16

“চাহ্, আমি ইয়োত্‌ তর্‌ পঞ্চাশজন বোলী চাগর্‌ আগিই; আমি যেইনে তঅ গিরোজ্‌সোরে তোগেই চেই। লগেপ্রভুর আত্মাগানে অয়ত তারে তুলি নেযেইনে কনঅ মুড়ো-মুড়িত্‌ বা কনঅ কিজিঙোত্‌ লামে রাগেয়্যে।” ইলীশায় কলঅ, “না, নঅ-যেয়ো।”

যিহিষ্কেল 11:1

সে পরেদি লগেপ্রভুর আত্মাগানে মরে তুলি নিইনে উবোসনা-ঘরর্ পূগেদি গেদো ইধু আনিলো। সিয়েনত্ গেদোত্ সোমেবার পদথ্ পোজোচ্‌জন মরদ এলাক্, আর মুই তারা ভিদিরে অসূরর পুয়ো যাসনিয় আর বনায়র পুয়ো প্লটিয়রে দেগিলুং; তারা এলাক্ মানুচ্চুনোর নেতা।

যিহিষ্কেল 11:24

সে পরেদি গোজেনর আত্মাগানে মরে তুলি নিলো আর তার দিয়্যে দর্শনর ভিদিরেদি আরঅ বাবিলোত্ বন্দীগুনো ইধু নেযেল। যে দর্শনান্ মুই দেখ্যং ইয়েনর পরেদি সিয়েন শেজ্ ওই গেলঅ।

যিহিষ্কেল 3:12

সে পরেদি গোজেনর আত্মাগানে মরে তুলি নিলো, আর মুই মঅ পিজেদি জোরে কোইয়্যে এ কধাগান শুনিলুং, “লগেপ্রভুর থেবার্ জাগানত্ তার্ মহিমার বাঈনী ওক্।”

যিহিষ্কেল 3:14

গোজেনর্ আত্মাগানে মরে তুলি নেযেবার্ অক্তত্ মুই মনে মনে কাঙেলেত্যে আর রাগ্‌‌‌‌‌‌কোই গেলুং, আর লগেপ্রভুর দরমর আঢ্‌‌‌‌‌‌তানি মঅ উগুরে এলঅ।

যিহিষ্কেল 40:2

গোজেনর দিয়্যে দর্শনানর ভিদিরেদি তে মরে ইস্রায়েল দেজত্ নেযেইনে এক্কান অমকদ অজল্ মুড়ো উগুরে রাগেল। সেই মুড়োবোর্ দোগিণেদি কয়েক্কান বিল্ডং এলঅ যিগুন চাদে শঅর ধোক্ক্যেন্।

যিহিষ্কেল 43:5

সেক্কে লগেপ্রভুর আত্মাগানে মরে তুলিনে ভিদিরে উদোনত্ নেযেল, আর লগেপ্রভুর মহিমালোই উবোসনা-ঘরান ভুরি গেলঅ।

যিহিষ্কেল 8:3

তে আঢ্‌তান বাবেইনে মঅ মাঢাবো চুলানি ধুরিলো। সেক্কে গোজেনর আত্মাগানে মরে আগাজত্ তুলি নেযেল আর গোজেনর দিয়্যে দর্শনর্ ভিদিরে তে মরে যিরূশালেমর উবোসনা-ঘর ভিদিরে উদোনর্ উত্তোরেদি গেদোত্ সোমেবার পথ্‌তানত্ নেযেল। সিয়েনত্ এমন এক্কো মূত্তি এলঅ যিবে গোজেনর রাগ্‌কান তুলি দিয়্যে।

যোহন 14:30

মুই তমা সমারে আর বেশ্ কধা ন-কোম্, কিয়া জগদর্ গিরোজ্‌সো এজের্। মঅ উগুরে তার্ কনঅ অধিকার্ নেই।

প্রেরিত্‌ 8:39

যেক্কে তারা পানিত্তুন্ উদি এলাক্ সেক্কে প্রভুর আত্মাগানে আদিক্ক্যে গুরি ফিলিপরে নেযেল। সেই চাগর্‌বো আর তারে ন-দেগিলো। সেক্কে তে ফুত্তি গত্তে গত্তে ঘর পধেদি গেলঅ।

রোমীয় 8:14

কিয়া যিগুনে গোজেনর্ আত্মার্ পরিচালনায় চলন্ সিগুনে গোজেনর্ পুয়ো।

ইব্রীয় 2:18

তে নিজেই পোরোক্ষ্যে সোজ্জ্য গুরিনে দুঘ্ পেইয়্যে বিলিনে যিগুনে পোরোক্ষ্যেত্ পড়ন তারারে তে এজাল্ দি পারে।

যাকোব 1:14

মান্‌জ্যর্ মন ভিদিরে কামনাগানে মান্‌জ্যরে পাপ ইন্দি টানি নেযায় আর ফালত্ ফেলায়।