মথি লেখ্যে গম্ হবর্ 3:8 - Chakma Bible

⁸ গম্ ওইয়্যে, তুমি যে পাপত্তুন্ মনানি ফিরেয়ো সিয়েনির্ যগাজ্যে ফল্ তমা জিংকানিত্ দেগঅ।

মথি লেখ্যে গম্ হবর্ 3:8 ပူးပေါင်းရင်းမြစ်များ

যিরমিয় 26:13

ইক্কিনে তুমি তমার আদাউদো আর কামানি বদল আর তমা গোজেন লগেপ্রভুর কধানি শুনো। সালে লগেপ্রভু তমা বিরুদ্ধে যে দযাগান পাদেবার কধা কোইয়্যে সিয়েন আর ন-পাদেব।

যিরমিয় 36:3

যিহূদা মানুচ্চুনো উগুরে যেদক্কানি দজা ঘুদিবার বিষয় ঠিগ্ গোজ্যং অয়ত তারা সে কধানি শুনিনে পত্তিজনে তারার ভান্ন্যেই পধত্তুন ফিরিবাক্; সেক্কে মুই তারার ভান্ন্যেই আর পাপ্‌‌‌পানি খেমা গুরিম।”

মথি লেখ্যে গম্ হবর্ 21:32

কিয়া যোহনে গোজেনর্ আওজ্ মজিম আঢিবার্ পথ্‌তান দেগেবাত্তে তমা ইধু এইচ্চ্যে, আর তুমি তারে বিশ্বেজ্ ন-গরঅ। মাত্তর্ খাজানা-তুলিয়্যেগুনে আর বেশ্যেগুনে তারে বিশ্বেজ্ গোজ্যন্। ইয়েন্ দেগিনেয়ো তুমি মনানি ফিরেইনে তারে বিশ্বেজ্ ন-গরঅ।

লূকে লেখ্যে গম্ হবর্ 3:8

তুমি যে পাপত্তুন্ মনানি ফিরেয়ো সিয়েনির্ যগাজ্যে ফল্ তমা জিংকানিত্ দেগঅ। নিজে মনে ন-গোজ্য যে, তুমি অব্রাহাম গুট্টির্ মানুচ্। মুই তমারে কঙর্, এ পাত্তরুনোত্তুন্ গোজেনে অব্রাহামর গুট্টি বানেই পারে।

প্রেরিত্‌ 26:20

যিগুনে দামেস্কত্ আঘন্ পত্তমে তারা ইধু, সে পরেদি যিগুনে যিরূশালেমত্ আর গোদা যিহূদিয়া রেজ্যত্ আঘন্ তারা ইধু আহ্ অযিহূদীগুনো ইধুয়ো মুই প্রচার গোজ্জ্যং, পাপত্তুন্ মনানি ফিরেইনে গোজেন ইন্দি তারার্ ফিরেনা উচিত্, আর এমন্‌ কাম্ গরানা উচিত্ যিয়েন্দোই প্রমাণ পায় যে, তারা মনানি ফিরেয়োন্।

ইফিষীয় 5:8

কিয়া তুমি আগে আন্ধারত্ থেলেয়ো ইক্কিনে প্রভু সমারে মিজেইনে পহ্‌রত এচ্চ্য। পহ্‌রে ভরা মান্‌জ্যর্ যেধোক্ক্যেন চলানা উচিত তুমি সেধোক্ক্যেন গুরি চলঅ,

ইফিষীয় 5:9

কিয়া যিয়েন গম, নিদ্দুষ আর সত্য সিয়েনই অলঅ পহ্‌রর ফল।