মথি লেখ্যে গম্ হবর্ 3:6 - Chakma Bible

⁶ এই মানুচ্চুনে নিজোর্ পাপ্‌‌পানি স্বীগের্ গুরিলাক্ আর সেক্কে যোহনে যর্দন গাঙত্ তারারে বাপ্তিষ্ম দিলো।

মথি লেখ্যে গম্ হবর্ 3:6 ပူးပေါင်းရင်းမြစ်များ

ইষ্রা 10:1

ইষ্রা যেক্কে গোজেন ঘর মুজুঙোত্ উবোত্ পুন্দুরী ওইনে তবনা গরের্ আর পাপ স্বীগের্ গরের্ আর কানের্ সেক্কে ইস্রায়েলীয়গুনোর মরদ্, মিলে আর পুয়ো-ঝিগুনোর এক্কো দাঙর্ দল তাইধু এগত্তর্ ওইয়োন। তারায়ো অমকদ কান্নোন্।

গীতসংহিতা 32:5

সেক্কেনে মঅ পাপ্পান্ মুই তইদু স্বীগের্ গুরিলুং, মঅ অন্যেয়ান্ মুই আর্ ঢাগি ন-রাগেলুং। মুই কোইয়োংগে, “মর্ উল্লোমির কধা মুই লগেপ্রভু ইদু স্বীগের্ গুরিম।” সেনত্তে পাপর্ কারনে মঅ দুষ্‌ছানি তুই খেমা গুরি দিলে।

গম্ উপদেজ্ 28:13

যে মানুচ্চো নিজোর পাপ গুমুরোত্ রাগায় তার ভালেদি ন-অয়, মাত্তর্ যে সিয়েনি স্বিগের্ গুরিনে ছাড়ি দে তে দোয়্যে পায়।

যিহিষ্কেল 36:25

মুই তমা উগুরে সাব্ পানি ছিদি দিম্, আর সেক্কে তুমি সিজি অবা; তমার্ বেক্ কজরানি আর মূত্তিগুনোত্তুন্ মুই তমারে সিজি গুরিম।

দানিয়েল 9:4

মর্ গোজেন লগেপ্রভু ইধু মুই তবনা গুরিলুং আর পাপ স্বিগের্ গুরিনে কলুং, ও প্রভু, তুয়ই দাঙর্ আর ভক্তিবলা দর্ লাগেয়্যে গোজেন। যিগুনে তরে কোচ্‌‌‌পান আর তঅ উগুমানি পালান্ তারাত্তে তুই তর্ শেজ্ ন-ওইয়্যে কোচ্‌‌‌পানার বেবস্থা রোক্ষ্যে গুরি থাচ্।

লেবীয় 16:21

তে তার্‌ দ্বিয়েন্‌ আত্‌ সে জেদা ছাগল্লো মাদা উগুরে রাগেব আর ইস্রায়েলীয়গুনোর্‌ বেক্‌ অন্যায় আর অবাধ্যগানি, অত্তাৎ তারার্‌ বেক্‌ পাপ্পানি কাম্‌ হেইনে সিয়েনি ছাগল্লোর মাদা উগুরে চাবি দিবাক্‌। সে পরেদি এ কামত্তে যুক্কোল্ ওই আঘে এধোক্ক্যেন এক্কো মান্‌জ্যরে দিইনে তে সিবে ধূল্যেচর-চাগালাত্‌ পাদেই দিবো।

লেবীয় 26:40

“মঅ উগুরে অবিশ্বেজর্‌ আর বিপক্কত্তে মুই তারার্‌ বিপক্ষে যেইনে শত্রুগুনোর্‌ দেজত্‌ তারারে নেযেম্‌। মাত্তর্‌ সিয়েনত্‌ যুনি তারা নিজোর আর তারার্‌ আগমানুচ্চুনোর সেই বেক্‌ দুষ্‌চানি কাম্‌ খান আর তারার অবাধ্য মনান্‌ নরম গরে আরঅ তারার্‌ দুজোর্‌ সাজা মানন্‌,

গণাণা 5:7

তে যে পাপ্‌ গোজ্যে সিয়েন্‌ তাত্তুন্‌ স্বীগের্ গরা পুরিবো। তে যিয়েন উগুরে অন্যেয় গোজ্যে তাত্তুন সিয়েনর অন্যেয়র্‌ পুরো ক্ষেতিপূরোণান্‌ দিয়া পুরিবো। যে জিনিসচান পৌইদ্যেনে তে অন্যেয় গোজ্যে সেই জিনিসচানর দামান সমারে আরঅ পাঁচ ভাগর্‌ একভাগ দাম বেশ্‌ গুরিনে তাত্তুন্‌ দিয়া পুরিবো।

মথি লেখ্যে গম্ হবর্ 3:11

মনান্ ফিরেয়ো বিলি মুই তমারে পানিত্ বাপ্তিষ্ম দুয়োঙর্, মাত্তর্ মঅ পরেদি যিবে এজের্ তে মত্তুন্অ বেশ্ খেমতাবলা। মুই তার জদানি বুয়োবার্ যগাজ্যে নয়। তে পবিত্র আত্মা আর আগুনোত্ তমারে বাপ্তিষ্ম দিবো।

মার্ক 1:5

সেক্কে যিহূদিয়া রেজ্যত্ আর যিরূশালেম শঅরর্ বেক্কুনে নিগিলিনে যোহন ইধু এজা ধুরিলাক্। তারা যেক্কে নিজোর্ পাপ্‌‌পানি স্বীগের্ গুরিলাক্ আর সেক্কে যোহনে যর্দন গাঙত্ তারারে বাপ্তিষ্ম দিলো।

লূকে লেখ্যে গম্ হবর্ 1:16

ইস্রায়েলীয়গুনোত্তুন্ ভালোক্কুনোরে তে তারার্ প্রভু গোজেন ইধু ফিরেই আনিবো।

লূকে লেখ্যে গম্ হবর্ 3:16

এমন্ সময়োত্ যোহনে তারারে বেক্কুনোরে কলঅ, “মুই তমারে পানিত্ বাপ্তিষ্ম দুয়োঙর্, মাত্তর্ যিবে মত্তুন্ বেশ্ খেমতাবলা তে এজের্। মুই তার্ জদার্ ফিতেগানি খুলিবার্‌অ যগাজ্যে নয়। তে পবিত্র আত্মা আর আগুনোত্ তমারে বাপ্তিষ্ম দিবো।

প্রেরিত্‌ 1:5

যোহনে পানিত্ বাপ্তিষ্ম দিদো, মাত্তর্ কয়েক দিনো ভিদিরে বাবর্ সেই এগেম্ মজিম পবিত্র আত্মালোই তমার্ বাপ্তিষ্ম অবঅ।”

প্রেরিত্‌ 11:16

সেক্কে প্রভু যিয়েনি কোইয়্যে সে কধানি মর্ মনত্ পড়িলো, ‘যোহনে পানিত্ বাপ্তিষ্ম দিদো, মাত্তর্ তমার্ বাপ্তিষ্ম অবঅ পবিত্র আত্মালোই।’

প্রেরিত্‌ 19:18

যিগুনে প্রভু যীশু উগুরে বিশ্বেজ্ গোজ্জ্যন্ এবাবোত্যে বোউত্ মানুচ্ সেক্কে এইনে খুলোমেলাগুরি তারার্ ভান্ন্যেই কাম পৌইদ্যেনে স্বিগের্ গুরিলাক্।

প্রেরিত্‌ 22:16

ইক্কিনে তুই কিত্ত্যে দেরি গরর্? উদিনে বাপ্তিষ্ম লঅ আর পাপত্তুন্ উদ্ধোর্ পেবাত্যে যীশুরে ডাগিনে তর্ বেক্ পাপ্‌পানি সাব্ গুরি ফেলা।

১ করিন্হীয় 10:2

মোশি সমারে এক অবাত্যে মেঘ আর সাগর ইধু তারার্ বেক্কুনোর্ বাপ্তিষ্ম ওইয়্যে।

কলসীয় 2:12

বাপ্তিস্মর্ মাধ্যমে খ্রীষ্টর্ লগে তমার কবর্ ওইয়্যে; বানা সিয়েন নয়, যিবে মরণত্তুন্ খ্রীষ্টরে জেদা গুরি তুল্ল্যে সেই গোজেনর্ খেমতা উগুরে বিশ্বেজর্ মাধ্যমে তমারে খ্রীষ্টর্ লগে জেদা গুরি তুলো ওইয়্যে।

ইব্রীয় 6:2

নানান্ বাবোত্যে বাপ্তিষ্ম পৌইদ্যেনে শিক্ষ্যে, আঢ্-রাগানা, মরাগুনোর্ জেদা ওই উদোনা আর উমরর্ সাজা-এই বেক্‌ গড়াগান কধালোই আমি যেন আরঅ নুয়ো গুরি গড়াগান ন-গাঢেই।

ইব্রীয় 9:10

সিয়েনি বানা কিয়্যের্ বেপার, অত্তাৎ বানা হানা-দানা আর ধর্মর্ সুদোম মজিম সিজি অনার্ বেপার। বানা বেক্কানি সুধরেবার্ সময় সং সিয়েনি কামত্ লাক্ক্যে।

যাকোব 5:16

ইয়েনত্যে তুমি একজন আরেকজন ইধু পাপ স্বীগের্ গরঅ আর একজন আরেক জনত্যে তবনা গরঅ, যেন তুমি গম ওই পারঅ। গোজেনর্ আওজ্ মজিম যে চলে তার তবনাগানির্ জোর্ আঘে বিলিনে সিয়েনে ফল দে।

যিহোশূয় 7:19

যিহোশূয় সেক্কে আখনরে কলঅ, “বাবা, সত্য কধা কোইনে ইস্রায়েলীয়গুনোর গোজেন লগেপ্রভুরে বাঈনী গর্‌, তার বাঈনী গর্‌; তুই যিয়েনি গোজ্যচ্‌ সিয়েনি মরে কঅ‌, ন-লুগেজ্।”

১ পিতর 3:21

ইয়েন অলঅ বাপ্তিষ্মর এক্কান ফটু যিয়েন ইক্কিনে তমারে উদ্ধর গরে। বাপ্তিষ্মগানে যে তমা কিয়্যেগানত্তুন্ পের্‌গা দূর্ গরে সিয়েন নয়; গোজেন ইধু ইয়েন এক্কান সাব্ বিবেগর্ ইংগিত। যীশু খ্রীষ্টর মরণত্তুন্ জেদা ওইনে উদোনার্ মাধ্যমে তমারে উদ্ধোর্ গরা অয়।

১ যোহন 1:9

আমি যুনি আমার পাপ্পানি স্বিগের্ গুরিই সালে তে সেক্কেনে আমার পাপ্পানি ক্ষেমা গরে আর বেক্‌ অন্যেয়ত্তুন্ আমারে সিজি গরে, কিয়া তে বিশ্বেজ্‌বলা আর কনদিনঅ অন্যেয় ন-গরে।