মথি লেখ্যে গম্ হবর্ 3:2 - Chakma Bible

² তে কলঅ, “পাপত্তুন্ মনানি ফিরো, কিয়া স্বর্গ-রেজ্যগান্ কায়-কুরে লুম্মেগি।”

মথি লেখ্যে গম্ হবর্ 3:2 ပူးပေါင်းရင်းမြစ်များ

১ রাজাবলী 8:47

সেক্কে বন্দী ওইয়্যে সে দেজত্‌ যুনি তারা মনানি ফিরান্‌ আর নিজো দুষছান বুজিনে তরে কোজোলি গুরি কন্‌, আমি পাপ গোজ্যেই, অন্যেই গোজ্যেই আর ভাজন্যেই পধন্দি আদির্‌, সেক্কে তুই তারার্‌ তবনাগান শুনিচ্‌।

ইয়োব 39:12

তে যে তর্ ফসলানি ঘরত্ আনিনে খামারত্ থুবেব সেই বিশ্বেজ্‌চান কি তুই তা উগুরে গুরি পারিবে?

ইয়োব 42:6

সেনত্তে মুই যিয়েনি কোইয়োং সিয়েনি ইক্কিনে ফিরেই নেযাঙর্, আর ধূল্যে আর ছেইয়ো ভিদিরে বোইনে আবিলেচ্ গরঙর্।”

যিহিষ্কেল 33:11

তুই তারারে কঅ, মুই প্রভু লগেপ্রভু, মর্ জিংকানির নাঙে কঙর্, পাজি মানুচ্চুনোর মরণত্তে মুই কনঅ হুজি ন-অং, বরং তারা যেন ভান্ন্যেই পধত্তুন্ ফিরিনে বাঁজন্ সিয়েন্দোই মুই হুজি অং। ও ইস্রায়েল জাদ্, তুমি ফিরো, তমা ভান্ন্যেই পধত্তুন্ তুমি ফিরো। কিত্তে তুমি মুরি যেবা?

দানিয়েল 2:44

“সেই বেক রাজাগুনোর অক্তত্ স্বর্গর্ গোজেনে এমন এক্কান রেজ্য থিদেবর্ গুরিবো যিয়েন কনদিন্‌অ ভস্ত ন-অবঅ বা অন্য মান্‌জ্য আঢত্ ন-যেবঅ। সেই রেজ্যগানিয়ে উই বেক্ রেজ্যগানিরে ভস্ত গুরি শেজ্ গুরি দিবো মাত্তর্ সেই রেজ্যগান নিজে উমরত্যে থেবঅ।

মথি লেখ্যে গম্ হবর্ 10:7

তুমি যাদে যাদে এ কধাগান ফগদাং গরঅ, স্বর্গ-রেজ্যগান্ কায়কুরে এইচ্চ্যে।

মথি লেখ্যে গম্ হবর্ 11:20

যীশু যেদক্কানি আদামত্ আর শঅরত্ বেশ্ ভাগ আমক্ কাম গোজ্যে সেই বেক্ জাগানির্ মানুচ্চুনে মনানি ন-ফিরেন্। ইয়েনত্তে সেই জাগানিরে তে অঘধা কুয়ো ধুরিলো,

মথি লেখ্যে গম্ হবর্ 12:41

বিচের দিনোত্ নীনবী শঅর মানুচ্চুনে উদিনে এ কালর্ মানুচ্চুনোরে দুষ্ দেগেই দিবাক্, কিয়া নীনবীর মানুচ্চুনে যোনার প্রচারর্ কারনে পাপত্তুন্ মনানি ফিরেয়োন্। আর চঅ, ইয়েনত্ যোনাত্তুন্অ আরঅ দাঙর্ এক্কো আঘে।

মথি লেখ্যে গম্ হবর্ 13:11

যীশু জোব্ দিলো, স্বর্গ-রেজ্যর্ গুমুরো সত্যগানি তমারে জানিবাত্তে দিয়্যে ওইয়্যে মাত্তর্ তারারে জানিবাত্তে দিয়্যে ন-অয়,

মথি লেখ্যে গম্ হবর্ 13:24

যেরেদি তে মানুচ্চুনোরে শিক্ষ্যে দিবাত্তে আর এক্কো হিত্ত্য কলঅ। হিত্ত্যবো এবাবোত্যে: স্বর্গ-রেজ্যগান্ এমন্ এক্কো মান্‌জ্য ধোক্ক্যেন্ যিবে নিজো ভূইয়োত্ গম্ বীজি ফেলেল।

মথি লেখ্যে গম্ হবর্ 13:31

যীশু তারারে আর এক্কো হিত্ত্য কলঅ। হিত্ত্যবো এবাবোত্যে: “স্বর্গ-রেজ্যগান এমন্ এক্কো শোজ্য-বীজি ধোক্ক্যেন্ যিগুন্ এক্কো মান্‌জ্যে নেযেইনে নিজো ভূইয়োত্ ফেলেল।

মথি লেখ্যে গম্ হবর্ 13:33

যীশু তারারে আর এক্কো হিত্ত্য কুয়ো ধুরিলো। “স্বর্গ-রেজ্যগান্ এবাবোত্যে। এক্কো মিলে সদা লোইনে আদার কেজি মোয়দ্যে লগে মিজেল। সেনে বেক্ মোয়দ্যেগান্ ফুলি উদিলো।”

মথি লেখ্যে গম্ হবর্ 13:47

“আরঅ, স্বর্গ-রেজ্যগান্ এমন্ এক্কো দাঙর্ জাল ধোক্ক্যেন্ যিয়েন সাগরত্ ফেলা অলঅ আর নানান্ বাবোত্যে মাছ ধরা পড়িলাক্।

মথি লেখ্যে গম্ হবর্ 13:52

সেক্কে যীশু তারারে কলঅ, “স্বর্গ-রেজ্যেগান পৌইদ্যেনে যিদুক্কুন ধর্ম মাষ্টরে শিক্ষ্যে পেইয়োন তারা বেক্কুন এমন্ এক্কো গিরোজ ধোক্ক্যেন্ যিবে তা ভান্ডালত্তুন্ নুয়ো আর পূরোণ জিনিস নিগিলায়।”

মথি লেখ্যে গম্ হবর্ 18:23

চাহ্, স্বর্গ-রেজ্যগান এমন্ এক্কো রাজা ধোক্ক্যেন্ যিবে তা কাম্ গুরিয়্যেগুনো ইধু ইজেব্ চেলঅ।

মথি লেখ্যে গম্ হবর্ 20:1

স্বর্গ-রেজ্যগান্ এক্কো ঘর গিরোজ ধোক্ক্যেন্। তে একদিনে বেন্যেমাদান্ খেদ কামত্ চাগর্ কাদেবাত্তে বারেদি গেলঅ।

মথি লেখ্যে গম্ হবর্ 22:2

স্বর্গ-রেজ্যগান্ এমন্ এক্কো রাজা ধোক্ক্যেন্ যিবে তার্ পুয়োবো মেলাত্ হানা যুক্কোল্ গুরিলো।

মথি লেখ্যে গম্ হবর্ 23:13

ধর্ম-মাষ্টর আর ফরীশীগুন, তমাত্যে কত্তমান দর্‌গরেপারা! তুমি ফক্কর্! তুমি মানুচ্চুনো মুজুঙোত্ স্বর্গ-রেজ্যর্ দোরান্ নাঢি রাগঅ। মাত্তর্ তুমি নিজেয়ো ন-সমঅ আর যিগুনে সুমিবাত্তে চেরেস্টা গত্তন্ তারারেয়ো সুমিবাত্তে ন-দুয়ো।

মথি লেখ্যে গম্ হবর্ 25:1

সেই সময়োত্ স্বর্গ-রেজ্যগান্ এন্ দশজন মিলে ধোক্ক্যেন্ অবঅ যিগুনে সমাজ্যে জামেইবোরে আগ্-বারেই আনিবাত্তে চেরাগ্‌কোই বারেদি গেলাক্।

মথি লেখ্যে গম্ হবর্ 25:14

সেই সময়োত্ স্বর্গ-রেজ্যগান্ এমন এক্কো মান্‌জ্য ধোক্ক্যেন অবঅ যিবে বিদেজত্ যেবার্ আগেদি তা চাগরুনোরে ডাগিনে তার্ বেক্ সোম্বোত্তির্ ভারান্ তারা আঢত্ দি গেলঅ।

মথি লেখ্যে গম্ হবর্ 4:17

সে সময়ত্তুন্ ধুরি যীশু ইয়েন কোইনে ফগদাং গরা ধুরিলো, “পাপত্তুন্ মনানি ফিরো, কিয়া স্বর্গ-রেজ্যগান্ কায়-কুরে লুম্মেগি।”

মথি লেখ্যে গম্ হবর্ 4:23

গালীল রেজ্যর্ বেক্ জাগানিত্ ঘুরি ঘুরি যিহূদীগুনোর নানান্ সমাজ-ঘরত্ যীশু শিক্ষ্যে দিয়্যে ধুরিলো। ইয়েনি বাদেয়ো তে স্বর্গ-রেজ্যর্ গম্ হবরানি ফগদাং গুরিবাত্তে আর মানুচ্চুনোর নানান্ বাবোত্যে পীড়ে গম্ গরা ধুরিলো।

মথি লেখ্যে গম্ হবর্ 5:10

গোজেনর্ আওজ্ মজিম চলিবাত্তে যেইনে যিগুনে অত্যেচার্ সোজ্য গরন্ তারা বর্‍‍‍পেইয়্যে, কিয়া স্বর্গ-রেজ্যগান্ তারার্।

মথি লেখ্যে গম্ হবর্ 5:3

মনানদি যিগুনে নিজোরে নাঢা বিলি মনে গরন্ তারা বর্‍‍‍পেইয়্যে, কিয়া স্বর্গ-রেজ্যগান তারার্।

মথি লেখ্যে গম্ হবর্ 6:10

তঅ রেজ্যগান্ এজোক্। তঅ আওজ্‌চান যেবাবোত্যে স্বর্গত্ সেধোক্ক্যেন্ পিত্‌থিমীত্অ পূরোণ ওক্।

মথি লেখ্যে গম্ হবর্ 6:33

মাত্তর্ তুমি পত্তমে গোজেন রেজ্য পৌইদ্যেনে আর তা আওজ্ মজিম চলিবাত্তে মনান্ দুয়ো। সালে সেই বেক্ জিনিস্‌চানিয়ো তুমি পেবা। কেল্যেত্যে চিদে ন-গোজ্য;

মার্ক 1:15

“সময় ওইয়্যে, গোজেন রেজ্যগান্ কায়-কুরে লুম্মেগি। তুমি পাপত্তুন্ মনানি ফিরো আর এ গম্ হবরান্ বিশ্বেজ্ গরঅ ।”

মার্ক 1:4

সে কধামজিম্ বাপ্তিষ্মদিয়্যে যোহনে ধূল্যেচর-চাগালাত্ যেইনে মানুচ্চুনোরে বাপ্তিষ্ম দের্ আর ফগদাং গরের্ যেন মান্‌জ্যে পাপর্ খেমা পেবাত্তে পাপত্তুন্ মনানি ফিরেন্ আর বাপ্তিষ্ম লন্।

মার্ক 6:12

সেক্কে শিচ্চ্যগুনে যেইনে প্রচার গরা ধুরিলাক্ যেন মানুচ্চুনে পাপত্তুন্ মনানি ফিরান্।

লূকে লেখ্যে গম্ হবর্ 1:16

ইস্রায়েলীয়গুনোত্তুন্ ভালোক্কুনোরে তে তারার্ প্রভু গোজেন ইধু ফিরেই আনিবো।

লূকে লেখ্যে গম্ হবর্ 11:20

না, ইয়েন বরং মুই যুনি গোজেন খেমতালোই অসিজি আত্মা আর ইয়েন প্রমান ওইয়্যেদে যে গোজেন রেজ্যগান দঅ তমা কায়কুরে এইচ্চ্যে।

লূকে লেখ্যে গম্ হবর্ 13:3

মুই তমারে কঙর্, সিয়েন নয়, মাত্তর্ পাপত্তুন্ মনানি ন-ফিরেলে তুমিয়ো বেক্কুনে ভস্ত অবা।

লূকে লেখ্যে গম্ হবর্ 13:5

মুই তমারে কঙর্, সিয়েন নয়; মাত্তর্ পাপত্তুন্ মনানি ন-ফিরেলে তুমিয়ো বেক্কুনে ভস্ত অবা।”

লূকে লেখ্যে গম্ হবর্ 15:10

মুই তমারে কঙর্, ঠিগ্ সেবাবোত্যেগুরি এক্কো পাপী পাপত্তুন্ মন্ ফিরেলে গোজেন দূত্‌তুনো ইধু হুজী অয়।”

লূকে লেখ্যে গম্ হবর্ 15:7

একই সময়োত্, মুই তরে কঙর্, ঠিগ্ সেবাবোত্যেগুরি যিগুনে পাপত্তুন্ মনানি ফিরেবার্ দরকার্ মনে ন-গরন্ সেবাবোত্যেগুরি নিরেনব্বইজন ধার্মিক্ মান্‌জ্যত্তুন্ বরং এক্কো পাপী পাপত্তুন্ মনান্ ফিরেলে স্বর্গত্ আরঅ বেশ্ হুজি অয়।

লূকে লেখ্যে গম্ হবর্ 16:30

সেই থাগোইয়্যে মানুচ্চো কলঅ, না, না, বাবা অব্রাহাম, মরাগুনোত্তুন্ কেঅ তারা ইধু গেলে তারা পাপত্তুন্ মন্ ফিরেবাক্।

লূকে লেখ্যে গম্ হবর্ 21:31

সেবাবোত্যেগুরি যেক্কে তুমি দেগিবা ইয়েনি ঘদের্ সেক্কে বুঝি পারিবা যে গোজেন রেজ্যগান্ কায়কুরে লুম্মেগি।

লূকে লেখ্যে গম্ হবর্ 24:47

আরঅ লেগা আঘে, যিরূশালেমত্তুন্ ধুরি আরাম্ভ গুরিনে বেক্ জাদ্‌তুনো ইধু মশীহ নাঙে এ হবরান্ প্রচার গরা অবঅ, পাপত্তুন্ মন ফিরেলে পাপর্ ক্ষেমা পাহ্ যায়।

লূকে লেখ্যে গম্ হবর্ 6:20

যেরেদি যীশু শিচ্চ্যগুনো ইন্দি রিনি চেইনে কুয়ো ধুরিলো, নাঢা মানুচ্চুন্, তুমি বর্‌পেইয়্যে, কিয়া গোজেন রেজ্যগান্ তমার্।

লূকে লেখ্যে গম্ হবর্ 9:2

সে পরেদি তে তারারে গোজেন রেজ্য পৌইদ্যেনে ফগদাং গুরিবাত্তে আর পীড়েল্যেগুনোরে গম্ গুরিবাত্তে পাধেই দিলো।

প্রেরিত্‌ 11:18

এ কধাগান্ শুনিনে যিহূদিয়ার বিশ্বেজিগুনে আর্ আবিত্তি ন-গুরিনে গোজেনরে বাঈনী গুরিনে কলাক্, “সালে গোজেনে অযিহূদীগুনোরেয়ো জিংকানি পেবাত্যে পাপত্তুন্ মনানি ফিরেবার সুযোগ্ দিলো।”

প্রেরিত্‌ 17:30

আগ দিনো মানুচ্চুনে হবর্ ন-পেদাক্ বিলি গোজেনে ইয়েনি দেগিনেয়ো ন-দেগে। মাত্তর্ ইক্কিনে তে বেক্ জাগানিত্ বেক্ মানুচ্চুনোরে পাপত্তুন্ মনানি ফিরেবাত্তে উগুম্ দের্,

প্রেরিত্‌ 2:38

জোবত্ পিতরে কলঅ, “তুমি বেক্কুনে পাপর্ ক্ষেমা পেবাত্যে পাপত্তুন্ মনানি ফিরো আর যীশু খ্রীষ্টর্ নাঙে বাপ্তিষ্ম লঅ। তুমি দান ইজেবে পবিত্র আত্মারে পেবা।

প্রেরিত্‌ 20:21

যিহূদী আর গ্রীক্‌কুনো ইধু মুই জদবদে জোর্ দিইনে কোইয়োং, পাপত্তুন্ মনানি ফিরেইনে গোজেন ইন্দি তারারে ফিরেই পুড়িবো আর আমা প্রভু যীশু উগুরে বিশ্বেজ্ গরা পুড়িবো।

প্রেরিত্‌ 26:20

যিগুনে দামেস্কত্ আঘন্ পত্তমে তারা ইধু, সে পরেদি যিগুনে যিরূশালেমত্ আর গোদা যিহূদিয়া রেজ্যত্ আঘন্ তারা ইধু আহ্ অযিহূদীগুনো ইধুয়ো মুই প্রচার গোজ্জ্যং, পাপত্তুন্ মনানি ফিরেইনে গোজেন ইন্দি তারার্ ফিরেনা উচিত্, আর এমন্‌ কাম্ গরানা উচিত্ যিয়েন্দোই প্রমাণ পায় যে, তারা মনানি ফিরেয়োন্।

প্রেরিত্‌ 3:19

ইয়েনত্যে তুমি পাপত্তুন্ মনানি ফিরেইনে গোজেন ইন্দি ফিরো যেন তমা পাপ্পানি পুযি ফেলা অয়;

২ করিন্হীয় 7:10

গোজেনে যে দুঘ্ দে সেনত্যে পাপত্তুন্ মন ফিরে আর সিয়েনত্যে পাপত্তুন্ উদ্ধোর্ পাহ্ যায়, আর সিয়েনত্যে দুঘ্ গুরিবার কিচ্চু ন-থায়। মাত্তর্ জগদর্ দিয়্যে দুঘ্ মান্‌জ্যর মরণান্ ডাগি আনে।

কলসীয় 1:13

কিয়া তে আন্ধার রেজ্যত্তুন্ আমারে উদ্ধোর্ গুরিনে তার কোচ্‌পেইয়্যে পুয়োবোর্ রেজ্যত্ আন্ন্যে।

২ তীমথিয় 2:25

যিগুনে তা বিরুদ্ধে থিয়্যেন তারারে তাত্তুন্ চিদে ওইনে শিক্ষ্যে দিয়্যে পরিবো। সেই শিক্ষ্যেগান যেন তে এ আজায় দে, গোজেনে তারারে মনানি ফিরেবার জু দিবো যেন গোজেনর্ সত্যগানরে তারা মূড়োত্ পুরিনে বুঝি পারন।

ইব্রীয় 6:1

ইয়েনত্যে খ্রীষ্ট পৌইদ্যেনে পত্তমে যে শিক্ষ্যেগান পেইয়্যেই, এজঅ সিয়েন ফেলেইনে আমি পরিপূরোণ ইন্দি উজেই যেই। ন-ফলেদে কামত্তুন্ মন ফিরেনা, গোজেন উগুরে বিশ্বেজ্,

২ পিতর 3:9

কনঅ কনঅ মান্‌জ্যে মনে গরন্ প্রভু তার্ এগেমান্ পূরোণ গত্তে দেরি গরের্, মাত্তর্ সিয়েন নয়। আজলে তে তমা উগুরে ধৈজ্জ্য ধরের্, কিয়া কেঅ যে ভস্ত ওই যায় তে সিয়েন ন-চায়, বরং বেক্কুনে যেন পাপত্তুন্ মনানি ফিরান ইয়েনই তে চায়।

ফগদাং পেইয়্যে 2:21

বেগেয়্যে গরানাত্তুন্ মনান্ ফিরেবাত্যে মুই তারে সময় দুয়োং মাত্তর্ তে মনান্ ফিরেবাত্যে রাজী ন-অয়।

ফগদাং পেইয়্যে 2:5

ভাবি চাহ্, তুই কত্তমান অজলত্তুন্ কত্তমান তলেদি লামি যেয়োচ্। এ অবষ্থাগানত্তুন্ তুই মন ফিরে আর পত্তমে যে কামানি গুরিদে সিয়েনত্ ফিরি যাহ্। তুই যুনি মনান ন-ফিরেচ্ সালে মুই তইধু এইনে তর্ চেরাগটগ্‌কো তা জাগানত্তুন্ সোরেই ফেলেম।