মথি লেখ্যে গম্ হবর্ 3:17 - Chakma Bible

¹⁷ সেক্কে স্বর্গত্তুন্ কুয়ো অলঅ, “ইবেয়ই মর্ কোচ্‌পানার্ পুয়ো, ইবে উগুরে মুই অমকদ হুজি।”

মথি লেখ্যে গম্ হবর্ 3:17 ပူးပေါင်းရင်းမြစ်များ

গীতসংহিতা 2:7

রাজা কবদে, “লগেপ্রভু যিয়েন ঠিগ্ গোজ্যে মুই সিয়েন ফগদাঙ্ গুরিম; তে মরে কোইয়্যেদে, তুই মঅ পুয়ো, এচ্চ্যে মুই তঅ বাপ্ ওলুং।

যিশাইয় 42:1

লগেপ্রভু কোইয়্যেদে, “চাহ্, মঅ চাগর্‌বো, যিবেরে মুই সাহায্য গরং, মর্ বেঈ লোইয়্যে মানুচ্চো, যিবে উগুরে মুই হুজি। মুই তা উগুরে মঅ আত্মাগান্ দিম আর তে জাদ্‌‌‌‌‌‌তুনো ইদু ন্যায়বিচের্ আনিবো।

যিশাইয় 42:21

উদ্ধোরর্ পরিকল্পনাত্তে লগেপ্রভু হুজি ওইনে তা উগুমানরে মহৎ আর বাঈনী গরে পারা গুরিলো।

লেবীয় 15:15

ধর্মগুরুবো সে দ্বিবেত্তুন্‌ এক্কো দিইনে পাপ-উৎসর্বর আর অন্যবোলোই পুজ্যে-উৎসর্বর্‌ অনুষ্ঠান গুরিবো। স্রাবর কারনে মানুচ্চোর্‌ যে ফি-বলা অবস্থা ওইয়ে তাত্তেই ধর্মগুরুবো ইঙিরিনে লগেপ্রভু মুজুঙোত তার্‌ ফি-বলাগান্‌ ঢাগি দিবার্‌ বেবস্থা গুরিবো।

মথি লেখ্যে গম্ হবর্ 12:18

চঅ, মঅ চাগর্ যিবেরে মুই বেঈ লোইয়োং। ইবেয়ই মর্ কোচ্‌পেইয়্যে মানুচ্ যিবে উগুরে মুই হুজি। মুই তা উগুরে মঅ আত্মাগান্ দিম, আর তে অযিহূদীগুনো ইধু ন্যায়বিচের ফগদাং গুরিবো।

মথি লেখ্যে গম্ হবর্ 17:5

পিতরে যেক্কে কধা কর্ সেক্কে এক্কান্ পোত্‌পোত্যে মেঘে তারারে নাঢি ফেলেল। সেই মেঘ্‌কানত্তুন্ এ কধাগান্ শুনো গেলঅ, “ইবেই মর্ কোচ্‌পেইয়্যে পুয়ো, ইবে উগুরে মুই অমকদ হুজি। তুমি ইবে কধা শুনো।”

মার্ক 1:11

সে অক্তত্ স্বর্গত্তুন্ এ কধাগান শুনো গেলঅ, “তুয়ই মর্ কোচ্‌পেইয়্যে পুয়ো, তঅ উগুরে মুই অমকদ হুজি।”

মার্ক 9:7

সে পরেদি এক্কান মেঘ এইনে তারারে ছাবালোই নাঢি ফেলেল, আর সে মেঘ্‌‌কানত্তুন্ এ কধাগান শুনো গেলঅ, “ইবে মর্ কোচ্‌‌পেইয়্যে পুয়ো, তুমি ইবে কধা শুনো।”

লূকে লেখ্যে গম্ হবর্ 3:22

সে অক্তত্ পবিত্র আত্মা কোদোর ধোক্ক্যেন্ গুরি তা উগুরে লামি এলঅ, আর স্বর্গত্তুন্ এ কধাগান শুনো গেলঅ, “তুয়ই মর্ কোচ্‌পানার্ পুয়ো, তঅ উগুরে মুই অমকদ হুজি।”

লূকে লেখ্যে গম্ হবর্ 9:35

সেই মেঘ্‌কানত্তুন্ এ কধাগান্ শুনো গেলঅ, “ইবেই মর্ পুয়ো যিবেরে মুই বেঈ লোইয়োং; তুমি ইবে কধা শুনো।”

যোহন 5:20

বাবে পুয়োবোরে কোচ্‌পায় আর তে নিজে যিয়েনি গরে বেক্কানি পুয়োবোরে দেগায়। তে ইয়েনিত্তুন্ আরঅ দাঙর্ দাঙর্ কাম পুয়োবোরে দেগেব, যেন পুয়োবোরে সেই বেক্‌ কামানি গত্তে দেগিনে তুমি আমক্ অ।

যোহন 5:37

সে বাপ্পো, যে মরে পাধেয়্যে, তে নিজে মঅ পৌইদ্যেনে সাক্ষ্য দিয়্যে। তুমি কনদিন্অ তা রবুয়ো ন-শুনো, চেঙেরায়ো ন-দেগঅ।

ইফিষীয় 1:6

তে ইয়েন গোজ্জ্যেদে যেন তে তার্ কোচ্‌‌‌পানার্ পুয়োবোর্ মাধ্যমে মাগানা মহিমাভরা দোয়্যে আমারে গোজ্জ্যে সিয়েনর্ বাঈনী অয়।

কলসীয় 1:13

কিয়া তে আন্ধার রেজ্যত্তুন্ আমারে উদ্ধোর্ গুরিনে তার কোচ্‌পেইয়্যে পুয়োবোর্ রেজ্যত্ আন্ন্যে।

২ পিতর 1:17

“ইবে মর্ কোচ্‌পেইয়্যে‌ পুয়ো, ইবে উগুরে মুই ভারী হুজী,” স্বর্গত্তুন্ কোইয়্যে এই কধাগান্দোই খ্রীষ্ট বাবা গোজেনত্তুন্ সর্মান আর বাঈনী পেইয়্যে।

১ যোহন 5:9

আমি মান্‌জ্যর সাক্ষি লোই থেই, মাত্তর্ গোজেনর্ সাক্ষিগান তাত্তুন্-অ দাঙর্; আর তে তা পুয়োবো পৌইদ্যেনে সেই সাক্ষিগান দিয়্যে।

ফগদাং পেইয়্যে 14:2

সে পরেদি মুই স্বর্গত্তুন্ জোরে বেঈ যেইয়্যে গঙার পানি রঅ ধোক্ক্যেন আর জোরে দেবা পেরাগ পড়েদে ধোক্ক্যেন এক্কো রঅ শুনিলুং। যে রবুয়ো মুই শুনিলুং সিবে অলদে বীণা-বাজেয়্যেগুনোর্ বীণার আবাজ ধোক্ক্যেন।