মথি লেখ্যে গম্ হবর্ 28:8 - Chakma Bible

⁸ সেই মিলেগুনে ঘেচ্চেকগুরি দোরেয়োন্, মাত্তর্ তো হুজিয়ে রাজিয়ে যাদিমাদি গোর ইত্তুন্ গেলাক্কোই আর যীশুর্ শিচ্চ্যগুনোরে এ হবরান্ দিবাত্তে ধাবা দিয়্যে ধুরিলাক্।

মথি লেখ্যে গম্ হবর্ 28:8 ပူးပေါင်းရင်းမြစ်များ

গীতসংহিতা 2:11

ভোক্তি গুরিনে তুমি লগেপ্রভুর সেবা গরঅ, দর্‌বুগ্ লাক্ক্যে মনানিলোই ফুত্তি গরঅ,

মথি লেখ্যে গম্ হবর্ 28:7

তুমি যাদিমাদি যেইনে তা শিচ্চ্যগুনোরে কঅ, তে মরণত্তুন্ জেদা ওই উঠ্যে আর ইক্কুনি তমা আগেদি গালীলোত্ যার্। তুমি সিধু তারে দেগিবা। মুই তমারে কি কলুং সিয়েন ইদোত্ রাগেয়ো।”

মথি লেখ্যে গম্ হবর্ 28:9

এন্ সময়োত্ যীশু আদিক্ক্যেগুরি সেই মিলেগুনো মুজুঙোত্ এইনে কলঅ, “তমার্ ভালেদি ওক্।” সেক্কে সেই মিলেগুনে তাইধু যেইনে তা টেঙত্ ধুরি সালাম্ গুরিনে তারে গোজেনর্ সর্মান দিলাক্।

মার্ক 16:8

সেই মিলেগুনে কিচ্চু বুঝি ন-পারিনে গির্‌গিরেদে গির্‌গিরেদে গোর গাঢতোত্তুন্ নিগিলি এলাক্ আর সিয়েনত্তুন্ ধেই গেলাক্। তারা এদক্ দোরেয়োন্ যে, কাররে কিচ্চু ন-কলাক্।

যোহন 16:20

মু‌ই তমারে ঘেচ্চ্যেক্‌গুরি কঙর্, তুমি কানিবা আর দুঘে ভাঙি পরিবা মাত্তর্ জগদর্ মানুচ্চুনে ফুত্তি গুরিবাক্। তুমি দুঘ্ পেবা, মাত্তর্ যেরেদি তমার্ সেই দুঘ্‌কান্ আর ন-থেবঅ; সিয়েনর্ বদলে তুমি হুজী অবা।

যোহন 16:22

সেবাবোত্যেগুরি তুমিয়ো ইক্কিনে দুঘ্-কষ্ট পর্; মাত্তর্ আরঅ তমা লগে মর্ দেগা অবঅ, আর সেক্কে তমা মনানি হুজীয়ে ভুরি উদিবো আর সেই হুজীগান্ কেঅ তমাত্তুন্ কারি ন-লবাক্।