মথি লেখ্যে গম্ হবর্ 28:7 - Chakma Bible

⁷ তুমি যাদিমাদি যেইনে তা শিচ্চ্যগুনোরে কঅ, তে মরণত্তুন্ জেদা ওই উঠ্যে আর ইক্কুনি তমা আগেদি গালীলোত্ যার্। তুমি সিধু তারে দেগিবা। মুই তমারে কি কলুং সিয়েন ইদোত্ রাগেয়ো।”

মথি লেখ্যে গম্ হবর্ 28:7 ပူးပေါင်းရင်းမြစ်များ

যিশাইয় 44:8

তুমি গির্‌‌‌নগিরেয়ো বা ন-দোরেয়ো। মুই কি ভালোক্ দিন আগে ইয়েনি ফগদাং ন-গরং আর ন-জানাং? তুমি মর্ সাক্ষী; মুই বাদে আর কি কনঅ গোজেন আঘে? না, আর কনঅ আশ্রয়-মুড়ো নেই; মুই আর কনজনরে হবর্ ন-পাং‌।”

যিশাইয় 45:21

এজঅ, তমা তপ্পে যিয়েনি কবার্ আঘে সিয়েনি কঅ; তুমি এক সমারে সল্লা গরঅ। এ ঘটনাগানি যে ঘুদিবো সিয়েনি কন্না আগে কোইয়্যে? সেই বোউত্ আগেদি কন্না সিয়েনি ফগদাং গোজ্যে? মুই লগেপ্রভু কি সিয়েনি ন-গরং? মুই বাদে আর কনঅ গোজেন নেই; মুই ন্যায়বলা গোজেন, মুই উদ্ধোরগুরিয়্যে। মুই বাদে আর কনঅ গোজেন নেই।

মথি লেখ্যে গম্ হবর্ 24:25

শুনো, মুই আগেদি তমারে ইয়েনি বেক্কানি কোই রাগেলুং।

মথি লেখ্যে গম্ হবর্ 26:32

মাত্তর্ মুই মরণত্তুন্ জেদা অনার্ পরেদি মুই তমা আগে আগে গালীলোত্ যেম্।”

মথি লেখ্যে গম্ হবর্ 28:10

যীশু তারারে কলঅ, “ন-দোরেয়ো; তুমি যেইনে ভেইয়ুনোরে গালীলোত্ যেবাত্তে কঅ। তারা সিধু মরে দেগিবাক্।”

মথি লেখ্যে গম্ হবর্ 28:8

সেই মিলেগুনে ঘেচ্চেকগুরি দোরেয়োন্, মাত্তর্ তো হুজিয়ে রাজিয়ে যাদিমাদি গোর ইত্তুন্ গেলাক্কোই আর যীশুর্ শিচ্চ্যগুনোরে এ হবরান্ দিবাত্তে ধাবা দিয়্যে ধুরিলাক্।

মার্ক 14:28

মাত্তর্ মুই মরণত্তুন্ জেদা অনার্ পরেদি মুই তমা আগে আগে গালীলোত্ যেম্।”

মার্ক 16:10

যীশুরে দেগানার্ পরেদি মরিয়মে যেইনে যিগুনে যীশু লগে থেদাক্ তারা ইধু হবর্ দিলো। সে সময়োত্ তারা মনত্ দুঘে কানদন্।

মার্ক 16:13

তারা ফিরি যেইনে বাদ্‌বাগি বেক্কুনোরে সে হবরান্ দিলাক্, মাত্তর্ তারার্ কধানিয়ো অন্য শিচ্চ্যগুনে বিশ্বেজ্ ন-গুরিলাক্।

লূকে লেখ্যে গম্ হবর্ 24:34

প্রভু যে ঘেচ্চ্যেক্‌গুরি জেদা ওই উঠ্যে আর শিমোনরে দেগা দিয়্যে সিয়েনিলোই তারা কধাবাত্তা কোইয়োন।

যোহন 14:29

ইয়েনি বেক্কানি ঘুদিবার্ আগেদি মুই তমারে কোই থোলুং যেন ঘুদিলে পরেদি তুমি বিশ্বেজ্ গুরি পারঅ।

যোহন 16:4

মুই তমারে ইয়েনি বেক্কানি কলুং যেন সেই সময়বো এলে পরেদি তমাত্তুন্ ইদোত্ উদে যে, মুই তমারে এ কধাগান্ কোইয়োং। মুই পৌইল্যাত্তুন্ ধুরি এদক্কানি কধা তমারে ন-কং, কিয়া মুই তমা সমারে সমারে এলুং।

১ করিন্হীয় 15:4

তারে গোর্ দিয়্যে ওইয়্যে, পবিত্র বোইবোর্ কধা মজিম তিন দিনোত্ তারে মরাত্তুন্ জেদা গরা ওইয়্যে,

১ করিন্হীয় 15:6

ইয়েন্অ পরেদি তে একই সময়োত্ পাঁচশদত্তুন্-অ বেশ্ ভেইয়ুনোরে দেগা দিয়্যে। তারাত্তুন্ কেঅ কেঅ মুরি গেলেয়ো বেশ্ ভাগ মানুচ্‌ এজঅ বাঁজি আঘন্।