মথি লেখ্যে গম্ হবর্ 28:6 - Chakma Bible

⁶ তে ইয়েনত্ নেই। তে যেবাবোত্যেগুরি কোইয়্যে সেবাবোত্যেগুরি জেদা ওই উঠ্যে। এজঅ, তে যিয়েনত্ পড়ি এলঅ সে জাগায়ান্ চগি।

মথি লেখ্যে গম্ হবর্ 28:6 ပူးပေါင်းရင်းမြစ်များ

মথি লেখ্যে গম্ হবর্ 12:40

যোনা যেবাবোত্যেগুরি সেই মাছ পেদত্ তিন দিন আর তিন রেত্ এলঅ মান্‌‌জ্য পুয়োবোয়ো সেবাবোত্যেগুরি তিন দিন আর তিন রেত্ মাদিত্ তলে থেবঅ।

মথি লেখ্যে গম্ হবর্ 16:21

সে অক্তত্তুন্ ধুরি যীশু তা শিচ্চ্যগুনোরে গমেডালে কুয়ো ধুরিলো, মত্তুন্ হামাক্কায় যিরূশালেমত্ যাহ্ পড়িবো আর বুড়ো নেতাগুনো ইধু, আজল্ ধর্মগুরুগুনো ইধু আর ধর্ম-মাষ্টরুনোত্তুন্ বোউত্ দুঘ্ পাহ্ পড়িবো। মত্তুন্ মরা পড়িবো আর তিন দিনোত্ মরণত্তুন্ জেঈ উদো পড়িবো।

মথি লেখ্যে গম্ হবর্ 17:23

মানুচ্চুনে তারে মারে ফেলেবাক্, আর তিন দিনোত্ তে মরণত্তুন্ জেঈ উদিবো।” এ কধাগান্দোই শিচ্চ্যগুনে অমকদ দুঘ্ পেলাক্।

মথি লেখ্যে গম্ হবর্ 17:9

যেক্কে তারা সেই মুড়োবোত্তুন্ লামি এত্তন্ সেক্কে যীশু তারারে এ উগুমান দিলো, “তুমি যিয়েন্ দেগিলে, মান্‌জ্যপুয়োবো মরণত্তুন্ জেঈ ন-উদোনা সং সিয়েন কাররে ন-কোইয়ো।”

মথি লেখ্যে গম্ হবর্ 20:19

তারা তা বিচের্ গুরিনে তারে মরণর যোগাজ্যে বিলি থির্ গুরিবাক্। তারা তারে ঠাট্টা-মশকারী গুরিবাক্ আর চাবুক্ মারিবাক্ আর ক্রুশোত্ দিবাত্তে অযিহূদীগুনো আঢত্ দিবাক্; পরেদি তিন দিনোত্ তে মরণত্তুন্ জেঈ উদিবো।”

মথি লেখ্যে গম্ হবর্ 27:63

“বাবু, আমাত্তুন্ ইদোত্ উদের্, সেই ঠোগেয়্যেবো বাঁজি থাগদে কোইয়্যেদে, ‘মুই তিন্ দিন পরেদি জেদা ওই উদিম্।’

মার্ক 16:6

সে গাবুজ্যেবো কলঅ, “আমক্ ন-ওইয়ো। মুই হবর্ পাং তুমি নাসরত আদামর্ যীশুরে তগর্, যিবেরে ক্রুশোত্ দিয়্যে ওইয়্যে। তে দঅ ইয়েনত্ নেই, তে জেদা ওই উঠ্যে। চগি, ইয়েনই সেই জাগায়ান্ যিয়েনত্ তে পড়ি এলঅ।

মার্ক 8:31

পরেদি যীশু তা শিচ্চ্যগুনোরে ইয়েন কোইনে শিক্ষ্যে দিয়্যে ধুরিলো, মান্‌জ্য পুয়োবোত্তুন্ বোউত্ দুঘ্ পাহ্ পুড়িবো। বুড়ো নেতাগুনে, বেগ দাঙর্ ধর্মগুরুগুনে আর ধর্ম মাষ্টরুনে তারে এলাফেলা গুরিবাক্। তারে মারে ফেলা অবঅ আর তিন দিন পরে তারে মরণত্তুন্ আরঅ জেঈ উদো পুড়িবো।

লূকে লেখ্যে গম্ হবর্ 24:12

মাত্তর্ পিতরে উদিনে ধাবা গোর ইধু গেলঅ আর মাঢা নিগিরিনে বানা কাবরানি দেগিলো। যিয়েনি ঘোট্যে সিয়েনি আমক্ ওইনে তে ফিরি এলঅ।

লূকে লেখ্যে গম্ হবর্ 24:23

মাত্তর্ সিয়েনত্ তা কিয়্যেগান্ ন-দেগিলাক্। তারা ফিরি এইনে কলাক্, তারা স্বর্গদূত্তুনোর্ দেগা পেয়োন্ আর সেই স্বর্গদূত্তুনে তারারে কোইয়োন, যীশু বাঁজি আঘে।

লূকে লেখ্যে গম্ হবর্ 24:44

সিয়েন পরেদি তে তারারে কলঅ, “মুই যেক্কে তমা সমারে এলুং সেক্কে কোইয়োং, মোশির আইন-কানুনোত্, ভাববাদীগুনোর লেগাত্ আর গীতসংহিতা ভিদিরে মঅ পৌইদ্যেনে যে যে কধানি লেগা আঘে সিয়েনি বেক্কানি পূরোণ্ উয়ো পুরিবো।”

যোহন 10:17

বাবা মরে ইয়েনত্যে কোচ্‌পায়, কিয়া মুই মঅ পরাণান্ দিম্ যেন সিগুন্ আরঅ ফিরেই নি পারং।

যোহন 2:19

জোবত্ যীশু তারারে কলঅ, “গোজেন ঘরান্ তুমি ভাঙি ফেলঅ, তিন দিনো ভিদিরে আরঅ মুই সিয়েন তুলিম্।”

প্রেরিত্‌ 2:24

মাত্তর্ গোজেনে মরণ যন্ত্রণাত্তুন্ উদ্ধোর্ গুরিনে তারে জেদা গুরি তুল্ল্যে, কিয়া তারে ধুরি থবার্ সাধ্য মরণানর্ ন-এলঅ।