মথি লেখ্যে গম্ হবর্ 28:5 - Chakma Bible

⁵ স্বর্গদূত্তো মিলেগুন্দোই কধা কলঅ, তে কলঅ, “তুমি ন-দোরেয়ো, কিয়া মুই হবর্ পাং, যিবেরে ক্রুশোত্ দিয়্যে ওইয়্যে তুমি সেই যীশুরে তগর্।

মথি লেখ্যে গম্ হবর্ 28:5 ပူးပေါင်းရင်းမြစ်များ

যিশাইয় 35:4

যিগুনোর্ রিবেঙানি দরে ভরা তারারে কঅ, “বল্‌‌বলা অ, ন-দোরেয়ো। ‌‌ তমা গোজেনে এবঅ, হেনা সুজিবাত্তে আর সাজা দিবাত্তে এবঅ; তে এইনে তমারে উদ্ধোর্ গুরিবো।”

যিশাইয় 41:10

সেনত্তে তুই ন-দোরেচ্, মুই দঅ তঅ সমারে সমারে আগং; থির্ নেইয়্যে ন-ওইয়ো, কিত্তে মুই তর্ গোজেন। মুই তরে খেমতা দিম্ আর ঘেচ্চেকগুরি সাহায্য গুরিম আর মর্ ন্যায়র ডেন্ আঢ্‌তানিলোই তরে হামাক্কায় ধুরি রাগেম।‌‌

যিশাইয় 41:14

ও যাকোব, ও ইস্রায়েল, তুই যুনিয়ো পুগো ধোক্ক্যেন সামান্য তো ন-দোরেচ্; মুই নিজেই তরে সাহায্য গুরিম। মুই লগেপ্রভু তর্ উদ্ধোরগুরিয়্যে ইস্রায়েলর সেই সুদ্ধো-সাংগ মানুচ্চো এ কধাগান কঙর্।

দানিয়েল 10:12

তে কুয়ো ধুরিলো, “দানিয়েল, ন-দোরেচ্। পত্তম্ যেদিন্যে তুই দর্শনানর পৌইদ্যেনে বুঝিবাত্তে আর তর্ গোজেন মুজুঙোত্ মনান্ ভাঙিনে দুঘ্ স্বীগের্ গুরিবাত্তে মনান্ থির্ গোজ্যস সেদিন্যে তঅ কধা শুনো ওইয়্যে আর সেনত্তে মুই এচ্চ্যং।

দানিয়েল 10:19

তে কলদে, “ও গোজেনর কোচ্‌‌‌‌‌‌পেইয়্যে, তুই ন-দোরেচ্। তর্ ভালেদি ওক্। তুই সাহস গর্ আর খেমতাবলা অ।” তে মঅ লগে কধা কনার্ লগে লগে বল্ পেইনে কলুং, “ও মর্ প্রভু, কঅ, কিত্যে তুই মরে বল্ দুয়োচ্।”

মথি লেখ্যে গম্ হবর্ 14:27

যীশু সেক্কেনে তারারে কলঅ, “ইবে দঅ মুই; ন-দোরেয়ো, সাহচ্ গরঅ।”

মথি লেখ্যে গম্ হবর্ 28:10

যীশু তারারে কলঅ, “ন-দোরেয়ো; তুমি যেইনে ভেইয়ুনোরে গালীলোত্ যেবাত্তে কঅ। তারা সিধু মরে দেগিবাক্।”

মথি লেখ্যে গম্ হবর্ 28:4

চুগিদারুনে এদক্ দোরেয়োন যে তারা গির্‌গিরা ধুরিলাক্ আর মরা ধোক্ক্যেন্ অলাক্।

মার্ক 16:6

সে গাবুজ্যেবো কলঅ, “আমক্ ন-ওইয়ো। মুই হবর্ পাং তুমি নাসরত আদামর্ যীশুরে তগর্, যিবেরে ক্রুশোত্ দিয়্যে ওইয়্যে। তে দঅ ইয়েনত্ নেই, তে জেদা ওই উঠ্যে। চগি, ইয়েনই সেই জাগায়ান্ যিয়েনত্ তে পড়ি এলঅ।

লূকে লেখ্যে গম্ হবর্ 1:30

স্বর্গদূত্তো তারে কলঅ, “মরিয়ম, ন-দোরেচ্, কিয়া গোজেনে তরে অমকদ দোয়্যে গোজ্যে।

লূকে লেখ্যে গম্ হবর্ 24:5

সেক্কে মিলেগুনে অমকদ দোরেইনে মাঢা নিগিরিলাক্। সে মানুচ্চো তারারে কলঅ, “যিবে জেদা তারে মরাগুনো ভিদিরে কিত্ত্যে তগর্?

প্রেরিত্‌ 2:24

মাত্তর্ গোজেনে মরণ যন্ত্রণাত্তুন্ উদ্ধোর্ গুরিনে তারে জেদা গুরি তুল্ল্যে, কিয়া তারে ধুরি থবার্ সাধ্য মরণানর্ ন-এলঅ।

ইব্রীয় 1:14

স্বর্গদূত্‌‌‌তুনে কি বেক্কুনে সেবাগুরিয়্যে আত্মা নয়? যিগুনে পাপত্তুন্ উদ্ধোর্ পেবাক্ তারারে সেবা গুরিবাত্যে দঅ তারারে দিপাধা অয়।