মথি লেখ্যে গম্ হবর্ 28:18 - Chakma Bible

¹⁸ সেক্কে যীশু কায়কুরে এইনে তারারে এ কধাগান্ কলঅ, “স্বর্গর্ আর পিত্‌থিমীর বেক্ খেমতাগান্ মরে দিয়্যে ওইয়্যে।

মথি লেখ্যে গম্ হবর্ 28:18 ပူးပေါင်းရင်းမြစ်များ

গীতসংহিতা 89:19

একপল্লা তুই দর্শন দিইনে তর্ ভক্তগুনোরে কোইয়োচ্, মুই এক্কো বীরোরে সাহায্য গোজ্যং; মানুচ্চুনো ভিদিরেত্তুন একজনরে বেঈ নেযেইনে অজলত্ তুল্যং।

গীতসংহিতা 89:27

মুইয়ো তারে মর্ পত্তম পুয়ো বানেম; পিত্‌থিমীর রাজাগুনো ভিদিরে তারে আজল্লো গুরিম।

গম্ উপদেজ্ 8:15

রাজাগুনে রাজাগিরি গরন্ মঅ মাধ্যমে, আর শাজন্‌গুরিয়্যেগুনে বানান্ ন্যায়বলা সুদোম;

মথি লেখ্যে গম্ হবর্ 11:27

মঅ বাপ্পো বেক্কানি মঅ আঢত্ দিয়্যে। বাপ্পো বাদে পুয়োবোরে কনজনে হবর্ ন-পায় আর পুয়োবো বাদে বাপ্পোরে কনজনে হবর্ ন-পায়, আর পুয়োবো যাইদু বাবরে ফগদাং গুরিবাত্তে আওজ্ গরে তেয়ই তারে হবর্ পায়।

মথি লেখ্যে গম্ হবর্ 16:28

মুই তমারে ঘেচ্চেকগুরি কঙর্, ইয়োত্ এমন কয়েকজন আগন্ যিগুনো ইধু মান্‌জ্য পুয়োবোরে রাজা ইজেবে রাজাগিরি গরানা ন-দেগানা সং তারা কনমতে মুরি ন-যেবাক্।”

মথি লেখ্যে গম্ হবর্ 26:64

সেক্কে যীশু তারে কলঅ, “অয়, তুই ঠিগই কোইয়োচ্। মাত্তর্ মুই তমারে ইয়েন্অ কঙর্, ইয়েনর্ পরেদি তুমি মান্‌জ্য পুয়োবোরে বেগত্তুন্ খেমতাবলা গোজেন ডেনেদি বুয়োই থাগদে আর মেঘ সমারে এত্তে দেগিবা।”

লূকে লেখ্যে গম্ হবর্ 10:22

মঅ বাপ্পো মঅ আঢত্ বেক্কানি দিয়্যে। বাবে বাদে আর কেঅ হবর্ ন-পান্ পুয়ো কন্না, আর পুয়ো বাদে আর কেঅ হবর্ ন-পান্ বাপ কন্না। ইয়েন বাদেয়ো পুয়োবো যিগুনো ইধু বাবরে ফগদাং গুরিবাত্তে আওজ্ গরে বানা তেয়ই হবর্ পায়।

যোহন 13:3

যীশু কোই পারিদো, বাবা গোজেনে তা আঢত্ বেক্কানি দিয়্যে। তে আরঅ কোই পারিদো, তে তাত্তুন্ এচ্চ্যে আর তা ইধু ফিরি যার্।

যোহন 17:2

তুই তারে বেক্‌ মানুচ্চুনো উগুরে অধিকার্ দুয়োচ্, যেন যিগুনোরে তুই তা আদত্ দুয়োচ্ তারারে বেক্কুনোরে তে উমর্‌অ জিংকানি দি পারে।

যোহন 3:31

যিবে উগুরেত্তুন্ এজে তে বেক্কুনো উগুরে। যিবে পিত্‌থিমীত্তুন্ এজে তে পিত্‌থিমীর, আর তে পিত্‌থিমীর কধা কয়। মাত্তর্ যে স্বর্গত্তুন্ এজে তেয়ই বেক্কুনো উগুরে।

যোহন 3:35

বাবে পুয়োরে কোচ্‌পায় আর তা আঢত্ বেক্কানি দিয়্যে।

প্রেরিত্‌ 10:36

গোজেনে ইস্রায়েলীয়গুনো ইধু এ গম্ হবরান্ পাধেয়্যেদে যে, যীশু খ্রীষ্ট, যে বেক্কুনোর প্রভু, তা মাধ্যমে শান্তি পাহ্ যায়।

প্রেরিত্‌ 2:36

“ইয়েনত্যে গোদা ইস্রায়েল জাদ্‌‌তো এ কধাগান ঘেচ্চ্যেকগুরি জানদোক্ যে, যিবেরে তুমি ক্রুশোত্ দুয়ো গোজেনে সেই যীশুরে প্রভু আর মশীহ এ দ্বিয়েন পোজিশনত্ নেযেয়্যে।”

রোমীয় 14:9

যীশু খ্রীষ্ট মোজ্জ্যে আরঅ জেদায়ো ওইয়্যে যেন তে জেদা আর মরা দুনোবোর্ প্রভু ওই পারে।

১ করিন্হীয় 15:27

পবিত্র বোইবোর্ কধা মজিম,“তে বেক্কানি তার্ টেঙ তলাত্ থোইয়্যে।” বেক্‌ জিনিস্‌চানি অধীনোত্ থুয়ো ওইয়্যে কলে গমেডালে বুঝো যায়, যিবে বেক্‌ জিনিস্‌চানি খ্রীষ্টর্ অধীনোত্ থোইয়্যে সেই গোজেনে নিজোরে বাদ দিইনে সিয়েনি গোজ্জ্যে।

কলসীয় 2:10

তে দাঙর্ আগাজর্ বেক্কানির্ শাসনগুরিয়্যে আর খেমতার্ অধিকারীগুনোর্ উগুরে।

ইব্রীয় 1:2

মাত্তর্ এ দিনুনোর্ শেজদি তে তার্ পুয়োবোরে দিইনে আমা ইধু কধা কোইয়্যে। গোজেনে তা পুয়োবোরে বেক্কানির অধিকারী অবাত্যে বেঈ লোইয়্যে। পুয়োবোরে দিইনে তে বেক্কানি সৃট্টি গুরিলো।

ইব্রীয় 2:8

আর তা ঠেঙ তলাত্ বেক্কানি থোইয়োচ্। যেক্কে গোজেনে বেক্কানি মান্‌জ্যর্ অধীনোত্ গুরিলো সেক্কে তে কনঅ কিজু সিয়েনিত্তুন্ বাদ ন-দিলো। খালিক্ বেক্কানি যে আমি ইক্কিনে মান্‌জ্যর অধীনোত্ দেগির্ সিয়েন নয়,

১ পিতর 3:22

যীশু স্বর্গত্ যেয়্যে আর ইক্কিনে গোজেনর্ ডেন্ ধাগেদি আঘে, আর স্বর্গদূত্‌তুনে, খেমতার্ অধিকারীগুনে আর শাসনগুরিয়্যেগুনে তা অধীনত্ আঘন্।

ফগদাং পেইয়্যে 11:15

যেরেদি সাত-লম্বর স্বর্গদূত্‌তো তা তূরীবো বাজেল। সেক্কে স্বর্গত্ দাঙর্ দাঙর্ গুরিনে কুয়ো অলঅ, “জগদর্ রেজ্যগান ইক্কিনে আমার প্রভু আর তার্ মশীহর ওইয়্যে।

ফগদাং পেইয়্যে 17:14

ইগুনে ভেড়া-ছবোর্ বিরুদ্ধে যুদ্ধো গুরিবাক্ আর ভেড়া-ছবো তারারে ওদেই দিবো; কিয়া তে প্রভুগুনোর প্রভু আর রাজাগুনোর রাজা। যিগুনোরে ডাগা ওইয়্যে আর বেঈ লুয়ো ওইয়্যে আর যিগুনে বিশ্বেজি তারা তা সমারে থেবাক্।”

ফগদাং পেইয়্যে 19:16

তার্ পোজাগত্ আর দামানাত্ এ নাঙান্ লেগা আঘে, “রাজাগুনোর রাজা, প্রভুগুনোর প্রভু।”