মথি লেখ্যে গম্ হবর্ 27:51 - Chakma Bible

⁵¹ সে পরেদি উবোসনা-ঘরর্ পর্দাগান উগুরেত্তুন্ ধুরি তলেদি সং ফাদিনে দ্বিভাগ্ ওই গেলঅ; ভূজোল্ বেলঅ আর দাঙর্ দাঙর্ পাত্তরুন ফাদি গেলাক্।

মথি লেখ্যে গম্ হবর্ 27:51 ပူးပေါင်းရင်းမြစ်များ

২ বংশধর 3:14

শলোমনে য়েল্‌, বিগুনো রংয়র্‌, রাঙা সুদো আর মসীনা সুদোলোই পর্দা বানেল আর সিয়েন ভিদিরে করূবোর আরুক্কান্‌ সিলেল।

গীতসংহিতা 18:15

ও লগেপ্রভু, তর্ ধমক্কোই আর নিযেজে মাদি তলাত্তুন্ পানি দেগা দিলো, পিত্‌থিমীর ভিদিরেদিগান নিগিলিলো।

গীতসংহিতা 18:7

সেক্কে পিত্‌‌‌থিমীগান গির্‌গিরে উদিলো আর লুরিলো, গির্‌গিরে উদিলো বেক্ মুড়োগুনোর্ গড়াগানি; তা রাগে সিগুন্ গির্‌গিরেলাক্।

যাত্রা 40:21

পরেন্দি লগেপ্রভুর উগুম মজিম্‌ তে সুন্দুক্কো থেবার -তাম্বুল ভিদিরে নেযেল আর পর্দাগান্‌ দুলে দিইনে সিবে ঢাগি রাগেল।

যিশাইয় 25:7

যে পদ্দাগানত্ বেক জাদর্ মানুচ্চুনে নাঢা যেইয়োন্, যে কাবড়ানে বেক জাদর্ মানুচ্চুনোরে নাঢি ফেল্যন্, এ মুড়োবোত্ তে সিয়েনি বর্‌বাত লাগেই দিবো।

লেবীয় 16:2

তে কলঅ, তর্‌ ভেই হারোণরে কঅ‌, সাক্ষ্য-সুন্দুগো উগুরে ঢাগোনিগান মুজুঙোত্ যে পর্দাগান্‌ রোইয়ে ‍সিয়েনর্‌ পিজেন্দি সে পবিত্র জাগানত্‌ তে যেন তার্‌ আওজ্ মজিম যেক্কে-সেক্কে ন-যায়। সেধোক্ক্যেন গুরিলে তে মুরি যেবঅ, কিত্তে সে ঢাগনিগান উগুরে মেঘ ভিদিরে মুই দেগা দিম্‌।

লেবীয় 21:23

মাত্তর্‌ তার্‌ কিয়্যেত্ দাগ্‌ আঘে বিলিনে তে পবিত্র জাগানর্‌ পর্দাগান ইদু বা পূজোবোর্‌ মুজুঙোত যেইনে মর্‌ পবিত্র জাগাগানির্‌ পবিত্রতাগান্‌ বর্‌বাদ্ গুরি ন-পাবিবো। মুই লগেপ্রভু, মুয়ই ধর্মগুরুগুনোরে মর্‌ নাঙে যুদো গুরি রাগেয়োং।

হবক্‌‌‌‌কূক 3:10

মুড়ো-মুড়িগুন তরে দেগিনে গির্‌গিরে উদিলাক্। অমকদ পানি গঙার্ বেঈ গেলঅ; গভীন্ পানিগানে গুজুরি উদিলো আর তার্ তুবোলুন্ উগুরে তুলিলো।

হবক্‌‌‌‌কূক 3:13

তঅ মানুচ্চুনোরে উদ্ধোর্ গত্তে, তর্ অভিষেগ্ গোজ্যে মানুচ্চোরে রোক্ষ্যে গত্তে তুই নিগিলি এলে। তুই পাজিগুনোর্ দেজর্ নেতাবোরে আঘাত্ গুরিলে, তা দেজ্‌চানরে পুরোপুরি গুরিনে ভস্ত গুরি দিলে।

গণাণা 4:5

তাম্বুল তুলিনে যেবার্‌ সময় অলে হারোণ আর তার্‌ পূঅগুনে থেবার্‌-তাম্বুলো ভিদিরে যেইনে সাক্ষ্য-সুন্দুক্কো নাঢি রাগেবার্‌ পর্দাগান লামেইনে সিয়েন্দোই সুন্দুক্কো নাঢি দিবাক।

মথি লেখ্যে গম্ হবর্ 27:54

যেক্কেনে আর্মি অফিসার আর তা সমারে সৈন্যগুনে যীশুরে চুগি দেদন্ তারা ভূজোল্ আর অন্য বেক্ ঘটনাগানি দেগিনে জদবদে দোরেইনে কলাক্, “ঘেচ্চেকগুরি তে গোজেনর্ পুয়ো এলঅ।”

মথি লেখ্যে গম্ হবর্ 28:2

সেক্কে আদিক্ক্যেগুরি জদবদে ভূজোল্ বেলঅ, কিয়া প্রভুর্ এক্কো দূত স্বর্গত্তুন্ লামি এলঅ আর গোরান মুয়োনত্তুন্ পাত্তর্‌বো সোরেই দিইনে সিবে উগুরে বুজিলো।

মার্ক 15:38

সেক্কে উবোসনা-ঘরর্ পর্দাগান উগুরেত্তুন্ ধুরি তলেদি সং ফাদিনে দ্বিভাগ্ ওই গেলঅ।

লূকে লেখ্যে গম্ হবর্ 23:47

সিয়েনত্ কি ঘুদি যেইয়্যে আর্মি অফিসার্‌বো দেগিলো, আর তে গোজেনরে বাঈনী গুরিনে কলঅ, “ঘেচ্চ্যেক্‌গুরি তে গম্ মানুচ্ এলঅ।”

ইব্রীয় 6:19

এই আজাগান আমা জিংকানিত্ নোংগর ধোক্ক্যেন ঘেচ্চেকগুরি আর থিদেবর্, আর সিয়েন দাঙর্ পবিত্র জাগানর্ পর্দাগান পিজেদি, অত্তাৎ গোজেন মুজুঙোত্ যেইনে লুমেগোই।

ইব্রীয় 9:3

দ্বি-লম্বর্ পর্দাগানর্ পিজেদি তাম্বুলানর্ আর এক্কান ভাগ্ এলঅ; সিয়েন নাঙান এলঅ দাঙর্ পবিত্র জাগা।

ফগদাং পেইয়্যে 11:13

সেই অক্তত্ যদবদে ভূজোল্ বেলঅ আর সেই শঅরর্ দশ ভাগর এক ভাগ ভাঙি পড়ি গেলঅ। সেই ভুজোলত্ সাত আজার মানুচ্‌ মুরি গেলাক্। সিয়েন্দোই বাদবাগী বেক্কুনে দোরেইনে স্বর্গর্ গোজেনরে বাঈনী গরা ধুরিলাক্।

ফগদাং পেইয়্যে 11:19

সে পরেদি স্বর্গর উবোসনা ঘরান্ খুলো অলঅ আর সিধু গোজেনর্ বেবস্থা-সিন্দুক্‌কো দেগা গেলঅ। সেক্কে ঝিমিলেনি আর দর্‌গরেপারা রঅ আহ্ দেবা পেরাগ, ভূজোল্ আর জদবদে শিলোঝড় উয়ো ধুরিলো।