মথি লেখ্যে গম্ হবর্ 27:32 - Chakma Bible

³² সিয়েনত্তুন্ তারা নিগিলি যেবার্ সময়োত্ সৈন্যগুনে কুরীণী শঅরর্ শিমোন নাঙে এক্কো মান্‌জ্যর্ দেগা পেলাক্ আর সৈন্যগুনে তারে যীশুর ক্রুশ্‌চান বুয়োই নেযেবাত্তে বাধ্য গুরিলাক্।

মথি লেখ্যে গম্ হবর্ 27:32 ပူးပေါင်းရင်းမြစ်များ

১ রাজাবলী 21:10

তা মুজুঙোত্‌ দ্বিয়েন্‌ আসনত্‌ দ্বিজন বজং মান্‌জ্যরে বজঅ। তারা ইয়েন্‌ কোইনে তা বিরুদ্ধে সাক্ষি দেদোক্‌, তে গোজেন আর রাজার বিরুদ্ধে অগমানর্‌ কধা কোইয়্যে। সে পরেন্দি তারে সিয়োত্তুন্‌ নিগিলেনে পাত্তর্‌ মেলাহ্ মারিনে মারে ফেলঅ।”

১ রাজাবলী 21:13

সে পরেন্দি দ্বিজন বজং মানুচ্‌ এইনে নাবোতর্‌ মুজুঙোত্‌ বজিনে মানুচ্চুনোর্‌ ইদু তা বিরুদ্ধে এ সাক্ষীগান্‌ দিলাক্‌, তে গোজেন্‌ আর রাজার বিরুদ্ধে অগমানর্‌ কধা কোইয়্যে। সে পরেন্দি মানুচ্চুনে তারে শঅরর্‌ বারেন্দি নেযেইনে পাত্তর্‌ মেলাহ্ মারিনে মারে ফেলেলাক্‌।

লেবীয় 4:21

ধর্মগুরুবো সেই বলদ্‌তোর্ বাদবাগি ভাগ্‌কানি তাম্বুল বারেন্দি নেযেইনে পাপ-উৎসর্বর্ অন্য বলদ্ গোরুবোর্ ভাগ্‌কানি ধোক্ক্যেন গুরি পুড়ি ফেলেব। ইবে অলঅ গোদা ইস্রায়েল্‌ জাদর্‌ পাপ-উৎসর্বর্ অনুষ্ঠান।

লেবীয় 4:3

“কনঅ দাঙর্‌ ধর্মগুরু যুনি সেধোক্ক্যেন কনঅ অন্যেয়্‌ গুরি ফেলায়্‌ যিয়েনত্তে বেক্‌ মানুচ্চুন্‌ দুষি অন্‌, ছালে সিয়েনত্তে তাত্তুন্‌ পাপ্‌-উৎসর্ব ইজেবে লগেপ্রভু ইদু এক্কো থুদো নেইয়্যে গোরু আনা পুরিবো।”

মথি লেখ্যে গম্ হবর্ 16:24

ইয়েনর্ পরেদি যীশু তা শিচ্চ্যগুনোরে কলঅ, “যুনি কেঅ মঅ পথ্‌তানদি এবাত্তে চায় সালে তে নিজোর্ আওজ্ মজিম ন-চোলোক্; নিজো ক্রুশ্‌চান বুয়োইনে তে মঅ পিজে পিজে এজোক্।

মথি লেখ্যে গম্ হবর্ 5:41

যে কনজনে তরে তা ভূদিবো লোইনে এক মেইল্ বলেবলে যেবাত্তে হয় তা সমারে দি-মেইল্ যেচ্।

মার্ক 15:21

নিগিলিনে যেবার্ পধত্ তারা শিমোন নাঙে শঅরর্ এক্কো মান্‌‌জ্যর্ লগে দেগা অলঅ, যিবে দেজর্ শঅরত্তুন্ এজের্ আর সৈন্যগুনে তারে যীশুর ক্রুশ্‌‌চান বুয়োই নেযেবাত্তে বাধ্য গুরিলাক্। শিমোনে অলঅ কূরীণী শঅরর্ মানুচ্ আর আলেক্‌‌সান্দর আহ্ রূফোর বাপ্।

লূকে লেখ্যে গম্ হবর্ 23:26

সৈন্যগুনে যেক্কে যীশুরে পধেদি নেযাদন্ সেক্কে কুরীণী শঅরর্ শিমোন নাঙে এক্কো মান্‌জ্যর্ দেগা পেলাক্ যিবে দেজর্ শঅরত্তুন্ এজের্। সৈন্যগুনে তারে বলে ধুরিনে ক্রুশচান্ তা কানাত্ তুলি দিলাক্ যেন তে যীশুর পিজে পিজে সিয়েন্ ভুগি নেযেই পারে।

যোহন 19:17

যীশু নিজো ত্রুুশ্‌চান্ নিজে ভুগিনে কুলো চারা নাঙে এক্কান্ জাগাত্ গেলঅ। সেই জাগানর্ ইব্রীয় নাঙান্ এলঅ গল্‌গথা।

প্রেরিত্‌ 11:20

মাত্তর্ তারাত্তুন্ কয়েকজনে আন্তিয়খিয়াত্ যেইনে গ্রীক ভাষায় কধা কোইয়্যে মানুচ্চুনো ইধুয়ো প্রভু যীশু পৌইদ্যেনে গম্ হবর্ ফগদাং গরা ধুরিলাক্। ইগুনে এলাক্ সাইপ্রাস দ্বীপ আর কুরীণী শঅরর্ মানুচ্‌।

প্রেরিত্‌ 13:1

আন্তিয়খিয়া মন্ডলীত্ কয়েক্কো ভাববাদী আর মাষ্টর্ এলাক্। তারার্ নাঙানি বার্ণবা, নীগের নাঙে পরিচিত শিমোন, কুরীণী শঅরর্ লুকিয়, শাসনগুরিয়্যে হেরোদ সমারে লালন্-পালন্ গোজ্যে মনহেম আর শৌল।

প্রেরিত্‌ 2:10

ফরুগিয়া আর পাম্‌ফুলিয়া, মিসর আর কুরীণীর কায়কুরে লিবিয়ার কয়েক্কান জাগার মানুচ্চুন, রোম শঅরত্তুন্ যে যিহূদীগুন আর যিহূদী ধর্ম বিশ্বেজি অযিহূদীগুন এচ্চ্যন্ তারা,

প্রেরিত্‌ 6:9

যে সমাজ ঘরানরে উদ্ধোর্-গোজ্যে মানুচ্চুনোর সমাজ-ঘর কুয়ো অদঅ সেই সমাজ-ঘরর্ কয়েক্কো মান্‌জ্যে স্তিফানর্ পিজেদি লাগিলাক্। তারা এলাক্ কুরীণী আর আলেক্‌জান্দ্রিয়া শঅরর্ আর কিলিকিয়া আহ্ এশিয়া রেজ্যর্ কয়েক্কো যিহূদী।

প্রেরিত্‌ 7:58

যেরেদি তারা তারে পাত্তর্ মারিবাত্তে টানিনে শঅর বারেদি নেযেলাক্, আর সাক্ষীগুনে তারা উগুরে কাবড়ানি খুলিনে শৌল নাঙে এক্কো গাবুজ্জ্যে মরদ ঠেংঅ কুরে থলাক্।